السخونيه لسه موجوده فليشيا 95

**YHYAKOTB** · 22-09-2013 12:01 AM

متقلقش طالما المروحة بتشتغل وبتفصل يبقى السخونة تمام مفيهاش مشكلة
لو صوت الموتور عالى شوية ممكن تخلى الميكانيكى يريحلك صوتها شوية ودة هيهدى من سخونة الموتور
بس زى مبقولك عربيتك تمام متخفش

**aw2100** · 22-09-2013 12:43 AM

المشاركة الأصلية كتبت بواسطة mostafa hassan

السلام عليكم
انا كنت سألت من فتره علي سخونيه الفليشيا 95
وشكرا لجميع الاعضاء علي مساعدتهم
بس للأسف العربيه لسه مش مظبوطه
المشكله بكل بساطه كالتالي :
العربيه بتسخن وبتعدي ال 90 ومروحه الريدياتير بتشتغل بعد ال 90 علي الرغم اني مركب ترموستات 68/82 والترموستات سليم علشان انا جربته علي عربيه تانيه وبيشتغل مظبوط جدا.

ما تم شراءه وتغييره
1- ترموستات 68/82 جديد
2- صباع الحراره جديد
3- ريدياتير صيني الومونيوم جديد
4- طلمبه المياه كان فيها مشكله وغيرتها بواحده جديده
5- سحبت الهواء من دوره التبريد
6- الخراطيم مش منفوخه
7- بحط مياه حنفيه عاديه
8- المروحه 6 ريشه

بعد مراجعه كل ده ليه العربيه لسه بتسخن وايه اللي ممكن اعمله تاني

برجاء المساعده

وشكرا

طالما العربية بتسخن والحرارة بتعدى ال90 لما المروحة بتشتغل رغم الترموستات الواطى يبقى لسة فية هواء فى دورة التبريد فية سؤال مية القربة بتنقص وقد اية ؟
ممكن يكون فية سدد فى ماسورة المشترك الحديد اللى راكبة فى الرادياتير من تحت وده بسبب استعمالك لمية الحنفية الماسورة دى بتصدى وتضيق من الداخل وتضعف حركة المية انا لسة مغيرها لقيتها مسدوده من الصداء من الداخل وكانت مهرية علشان صاحبة العربية اللى اشتريتها منها كانت اخر 3 سنين بتحطلها مية حنفية لازم فى الفليشيا تحط مية حمراء تركيز لايقل عن 33% ونوع كويس موبيل او توتال او ايديا وده بعد غسيل دورة التبريد من الصداء اللى حصل بسبب مية الحنفية وده مش لكفائة تبريد المية الحمراء بس ولكن علشان منع صدء اجزاء المحرك الالومنيوم شديد التأثر بالصداء والاملاح !!
ولو عاوز تعرف تأثير مية الحنفية على دورة التبريد ممكن تشوف المشاركة دى وتشوف صور طرمبة المية الألومنيوم فيها تأكل رهيب ازاى فمابالك موتور الفليشيا كلة الومنيوم يبقى مية الحنفية حتعمل فية اية ؟؟؟؟؟؟؟؟؟؟؟؟؟؟؟؟؟؟؟
http://www.nilemotors.net/Nile/370061-94.html

**المنسي** · 22-09-2013 12:49 AM

المشاركة الأصلية كتبت بواسطة aw2100

طالما العربية بتسخن والحرارة بتعدى ال90 لما المروحة بتشتغل رغم الترموستات الواطى يبقى لسة فية هواء فى دورة التبريد فية سؤال مية القربة بتنقص وقد اية ؟
ممكن يكون فية سدد فى ماسورة المشترك الحديد اللى راكبة فى الرادياتير من تحت وده بسبب استعمالك لمية الحنفية الماسورة دى بتصدى وتضيق من الداخل وتضعف حركة المية انا لسة مغيرها لقيتها مسدوده من الصداء من الداخل وكانت مهرية علشان صاحبة العربية اللى اشتريتها منها كانت اخر 3 سنين بتحطلها مية حنفية !!
ولو عاوز تعرف تأثير مية الحنفية على دورة التبريد ممكن تشوف المشاركة دى وتشوف صور طرمبة المية الألومنيوم فيها تأكل رهيب ازاى فمابالك موتور الفليشيا كلة الومنيوم يبقى مية الحنفية حتعمل فية اية ؟؟؟؟؟؟؟؟؟؟؟؟؟؟؟؟؟؟؟
http://www.nilemotors.net/nile/370061-94.html

ياعم وليد انا زهقت من كتر الكلام على مية الحنفية واثارها السلبية بس للاسف فى ناس بتاخد كلامى باستخفاف وكمان انا ايه اللى يخلينى اقول حط مية خضرا هو انا هاستفاد حاجة

**aw2100** · 22-09-2013 01:06 AM

المشاركة الأصلية كتبت بواسطة المنسي

ياعم وليد انا زهقت من كتر الكلام على مية الحنفية واثارها السلبية بس للاسف فى ناس بتاخد كلامى باستخفاف وكمان انا ايه اللى يخلينى اقول حط مية خضرا هو انا هاستفاد حاجة

والله يامنسى مشكلة الفليشيا ان اللى راكبها فاكر انه راكب لادا موتورها حديد زهر ولما بيتقرص ويلاقى موتور الفليشيا الألومنيوم يبقى منخل و مملح لما يضرب جوان وش سلندر ويحب يغيره و يفاجأ اساسا ان الميكانيكى مايعرفش يفكة ويلاقى المسامير مملحة وقافشة فى الموتور ويلاقى بلوك الموتور والوش متدمر من الأملاح ومسوس ويلبس فى تغير موتور استعمال طب لية الموتور الأستعمال مابيبقاش مسوس ومملح ؟
علشان الخوجات بيلتزموا بالصيانة ومنها طبعا مية التبريد الصح وعموما الهم بلغت الهم فاشهد وكل واحد وراحتة !!!!!!

**المنسي** · 22-09-2013 01:29 AM

المشاركة الأصلية كتبت بواسطة aw2100

والله يامنسى مشكلة الفليشيا ان اللى راكبها فاكر انه راكب لادا موتورها حديد زهر ولما بيتقرص ويلاقى موتور الفليشيا الألومنيوم يبقى منخل و مملح لما يضرب جوان وش سلندر ويحب يغيره و يفاجأ اساسا ان الميكانيكى مايعرفش يفكة ويلاقى المسامير مملحة وقافشة فى الموتور ويلاقى بلوك الموتور والوش متدمر من الأملاح ومسوس ويلبس فى تغير موتور استعمال طب لية الموتور الأستعمال مابيبقاش مسوس ومملح ؟
علشان الخوجات بيلتزموا بالصيانة ومنها طبعا مية التبريد الصح وعموما الهم بلغت الهم فاشهد وكل واحد وراحتة !!!!!!

فعلا اللهم بلغت اللهم فاشهد

**المنسي** · 27-09-2013 11:58 PM

المشاركة الأصلية كتبت بواسطة mostafa hassan

ممكن اعرف احط المياه الخضراء او الحمراء ازاي
هل بنزل المياه من العربيه تماما واحط المياه الخضراء ؟؟؟
ممكن شرح طريقه التغيير ؟؟؟

سواء مية خضراء او حمراء يفضل بتاع ردياتيرات علشان يسلك الردياتير ويغير الترموستات علشان لازم ينزل المية اللى الموتور كلها وتحط المية الجديدة ويسحب الهواء من دورة التبريد

**aw2100** · 28-09-2013 11:50 PM

المشاركة الأصلية كتبت بواسطة mostafa hassan

ممكن توضح مكان ماسوره المشترك الحديد ديه وابص عليها ازاي

حتفك العجلة اليمين حتلاقى ماسورة حديد مربوطة جنب الموتور تحت طرمبة المية موصلة من الرادياتير لمشترك الخراطيم وزور طرمبة المية من تحت وبص عليها من عند مشترك الخراطيم ممكن تلاقيها مصدية من برة كمان لكن لازم تفك الخرطوم اللى فى الرادياتير من تحت ناحية الترموستات من ناحية الماسورة دى وحتلاقيها مصدية ومتأكلة ومن كتر الصداء فى عربيتى كانت مسدودة وبتخر علشان الميكانيكى ربط الخرطوم على الصدء وخلى بالك لو فية اى تسريب لمية التبريد بيدخل هواء لدورة التبريد وده بيخلى ترموستات المروحة مايشتغلش صح والخراطيم ماتلاقيش فيها ضغط علشان الضغط بيروح فى التسريب لازم الخراطيم تتنفخ شوية من الضغط !!!