الموضوع: شويه اسئله ومشاكل مقابلانى فى الفيكترا بى ..

أولا مافيش زهق ولا حاجه إحنا كلنا اخوات والحمد لله ماحدش بيبخل بكلمه على اخوه فى المنتدى
وهحاول اجاوب حضرتك على اللى اعرفه ان شاء الله
١ طالما العربيه بتعلى معاك مع التكييف وبتوصل ٩٧ يبقى ده وبنسبه ٩٠ ٪ ان شاء الله مقاومه سرعات المروحه وكده عندك سرعه او اكتر مش شغاله ... ونفس مشكلتك دى كانت عندى وغيرت مقاومه السرعات وبقت زى الفل ( جبتها استيراد ب ١٥٠ جنيه )
٢ أفضل مياه تبريد هى موبيل الاحمر والجركن ٤ لتر بيعمل ٧٠ جنيه ومعظم الانواع الرخيصه بتبقى اى كلام
٣ عداد لفات الموتور مع التسخين مش بيزيد ولا حاجه والوضع الطبيعى له ٩٠٠ لفه
٤ موضوع ان سرعه ١٠٠ بيبقى العداد على ٣ فانا مش فاهم حضرتك تقصد الغيار الرابع ولا الخامس ... عامه لو الخامس يبقى كده. مش مظبوط وباقى الزملاء ممكن يعرفو السبب والعلاج
٥ المياه فى الدواسه من التكييف بيبقى الفايظ بتاع مياه التكييف اللى فى حوض الموتور ( عباره عن خرطوم رفيع اسود فى النص اللى تحت من حوض الموتور أمامك وانت وشك للعربيه ... بيبقى مسدود من التراب والطينه اللى ف الطريق وعاوز يتسلك
٦ لو كنت عاوز تغير الجنط ال ١٤ اللى عندك بال ١٥ يبقى تلتزم بمقاسات فيكترا بى ٢ وهو ١٩٥/٦٥/١٥

٧ الفوانيس الديبو على حد علمى ما بيركبش ليها مواتير ... والافضل من وجهه نظرى تجيب اتنين فاليو اسبانى استيراد بتوع البى ٢ الواحد بيجى كامل بلمباته ومواتيره ب ٣٠٠ جنيه وممكن لو كنت شاطر تجيبه اقل من كده

بصراحه على قد معلوماتى جاوبت على الأسئله وسامحنى عشان فى حاجات معرفش معلومات عنها والبركه فى ربنا ثم باقى الأخوه
تحياتى

المشاركة الأصلية كتبت بواسطة m7nsh

ربنا يبارك لحضرتك يا هشام باشا على ردك الجميل ده .. واسمحلى اعقب فى كذا نقطه ..
- مقاومه المروحه دى حاجه فعلا ماجتش فى بالى و اكيد هدور وراها ان شاء الله .. بس مش المفروض تعمل كده بالليل برده ؟؟ لأن بالليل الحراره عاديه خالص 90
-خرطوم الفايظ متسلك كويس ومع ذلك الميه موجوده .. ؟؟
- انا فعلا اقصد على سرعه 100 على الغيار الخامس (فاتنى احدد الغيار فعلا ) بيكون الار بى ام 3.. وفى انتظار تعليقات حضراتكم ..
وشكرا لحضرتك مره تانيه :)

بص يا باشا
الموتور الاسود ده ولله الحمد أعطاله قليله ... والحراره وأعطالها فى الموتور ده بتكون عباره عن :-
مقاومه سرعات المروحه
طرمبه الميه ( الريش بتاعتها بتكون صدت وباظت )
تسريب مياه وأعتقد ان ماعندكش المشكله دى
الريادتير يكون مسدود وبرضو ما اعتقدش ان عندك المشكله دى
يبقى تروح تكشف على مقاومه السرعات عند الكهربائى أو لو انت عندك فكره ممكن تختبرها
خرطوم الفايظ كان عندى بيعمل زى عندك كده وكان متسلك وبينزل ميه ... بس فى الاخر طلع مش متسلك كويس وسلكته تانى
بس ساعات عشان ابقى صريح معاك بتجيب ميه فى الدواسه بس قليل جداا مش زى الاول ولما اشغل التكييف لفترات طويله
سرعه ١٠٠ على الخامس والار بى ام ٣ فعلا مش مظبوط بس حقيقى مش عارف السبب والحل
تحياتى

المشاركة الأصلية كتبت بواسطة hesham.h

٧ الفوانيس الديبو على حد علمى ما بيركبش ليها مواتير ... والافضل من وجهه نظرى تجيب اتنين فاليو اسبانى استيراد بتوع البى ٢ الواحد بيجى كامل بلمباته ومواتيره ب ٣٠٠ جنيه وممكن لو كنت شاطر تجيبه اقل من كده

كنت شارى الفوانيس الديبو من كام شهر ب 240 الواحد وهمابيركب ليهم المواتير

المشاركة الأصلية كتبت بواسطة m7nsh

يعنى حضرتك مركبهم وشغالين عادى من غير مشاكل ؟؟امال الكهربائى جننى ليه

ياريت حضرتك تعلقلنا على باقى الاستفسارات ..

نفس اللى حصل معايا كلة قالى المواتير مش هتركب حتى المحل اللى اشتريت منة قالى نفس الكلام لدرجة انى اشتريتهم وانا متأكد انهم مش هيركبو بس الحمد لله ركب بس عندى مشكلة ان عندى موتور واحد بس ومش شغال ربنا يسهل واجيب المواتير
باقى الاستفسارات معاك وحوش الاوبل لان خبرتى قليلة جدا

المشاركة الأصلية كتبت بواسطة فادى محمد

اشتريت الموتور بكام ياباشا؟؟

الموتور كان عندى فى الفانوس القديم والفانوس التانى ما كنش فية فاكدة راكب عندى واحد بس ومش شغال