السلام عليكم و مساء الخير
سهله ان شاء الله
1 - لو انك لسه بتشطب هتعمل علبه لمخرج الكهرباء فى الجزء السفلى قبل الاخر من تحت و بجانبها علبه بها مخرج اشاره الريسيفر.
2 لو انت مشطب و عاوز تحطه يبقى بعد ما تعلق التلفزيون هتخلى السلوك تنزل من وراه لتحت و تتوصل من اخر نقطه قبل الارض و بعد كده تغطى السلكين دول ( تغذيه الكهرباء و اشاره الريسيفر ) بعود زرع او اى شيئ اخر حسب ذوقك .
3 - لو فيه سقف معلق تنزل السلكين اللى فاتو من السقف المعلق و بكده يبقى المشوار صغير و ده اضعف الايمان.
4 - قبل ما تركب و تثبت الشاشه تشوف انت هتقعد على كنبه ( يبقى المستوى بتاع الشاشه من الارض على ارتفاع 90 سم بدايه من تحت علشان رقبتك متبصش لفوق او توطى راسك لتحت و تتعب. او لو انت هتحط الشاشه امام سرير النوم الرئيسى يبقى ارتفاع من تحت 1.25 على الاقل ( يستحسن حد يقعدعلى السرير و تشيل الشاشه لفوق و تحت لحد مينظبط مستوى الرؤيه المريح لنظر حضرتك.
5 فيه اختراع و فكره باعملها لاصحابى لو كان مشطب و عاوز يركب الشاشه من غير الكابلات ما تبان و هو :-
الواح الجبس( الجبسون بورد او الجبس الحى ) ودى تقدر تعمل منها اى شكل مربع او مستطيل و تركب خلفها كل الكابلات اللى انت عايزها و ادعيلى و متنساش كابلا ت طقم كرييتف 5 * 1 بديل الهةم ثثتر ب 250 جم بدل 1200 جم و البيت هيبقى سينما سيتى ستارز يا باشا.
ثانيا التكييف
احسن حاجه علبه جبسون بورد ببيدى شكل جمالى ( عاملها عندى و زى السكينه فى حته الحيلاوه ) و يقدر بعد ما يتمعجن يدهن باى لون انت حابه .
و انا فى الخدمه
دمتم بود
المفضلات