الموضوع: استشارة هامة، ناوي على اجراء عملية جراحية للميجان 2

اسمح لي أوضح سؤال meggieboy بشكل أخر ..
المفروض إن أقصى قدرة لأي موتور بتكون عند سرعة موتور معينة (عند RPM معين ) ، وأقصى عزم بيكون عند ربم معين أيضاً ، سؤال meegieboy هو ال-13 حصان دول هيزيدو عند أي RPM .


والاجابة للأسف مش بتكون مباشرة كدة لكن أنا هحاول أبسط الموضوع ، عادةً ال-map الأصلية بتاعة أي كونترول موتور بتحول تدي أفضل أداء ممكن مع أقل إستهلاك ممكن للوقود ، ودة عادةً بيكون ما بين 1500 و-4000 RPM ، عشان دي أكتر مساحة بيكون فيها إستعمال للموتور بنسبة 90% من الوقت ، وبالتالي المعدلين بيعملوا إيه ... ؟
بيحاولوا يزود كمية الهوا والبنزين الداخل للموتور في المنطقة دي عشان يزود حاجتين القدرة والعزم ، وفي الغالب القدرة بتزيد عند السرعات العالية ، يعني غالباً ال-13 حصان هيزيدو بالقرب من ال-4000 RPM أو حواليها (أكتر أو أقل )،


الاهم من كدة ودة إلي بيهم في المواتير الصغيرة دي هو العزم ، ودة بيزيد حوالي 20-25 نيوتن متر ، ودي زيادة مهمة جداً ودي إلي هتحسس إلي سايق بفارق في سحب العربية ، ودي هتبان في المادة دة كله ما بين 1500-4000 (بشكل مش ثابت لكن فيه فرق على طول المادة دة ، يعني مش هتخد 20-25 نيوتن متر ديماً ، لكن أي زيادة في المنطقة دي هتكون محسوسة )


وفي الاول وفي الاخر الارقام دي كله تقريبية ، ومحدش يقدر يجزم إن هو هيطلع 13 حصان أو 25 نيوتن متر أو .. أو .. ، لأن كل remap بيزود ويقلل في البنزين والهوا حسب ما هو شايف ، بعض ال remaps بتكون جيدة وموفرة برضه وبعضها بيكون إستهلاك البنزين فيه عالي ، خصوصاً مع المواتير الصغيرة دي ، والعبرة بالتجربة في النهاية .
يا رب أكون قدرت أوضح الصورة وأبسطها

المشاركة الأصلية كتبت بواسطة Meggieboy

يا ريت حضرتك تتأكد أو تستفسر هل ال13 حصان الإضافية أو العزم الإضافى بيتحقق عند عدد لفات كام علشان لو طلع عند 5300 يبقى الإستفادة من التعديل هتكون كمان أقل من ال13 حصان.....

يا ترى ساعتها هل التعديل مجزى أم لا؟ طبعا القرار لحضرتك أولا و أخيرا و كلنا معاك فى التجربة للإستفادة.......و تسافر و ترجع بالسلامة إن شاء الله........

صعب جداً تلاقي حد عنده المعلومة دي بدقة ، خصوصاً مع موتور مش كبير ، كل الارقام هتكون تقريبية ، إذا كان أصلاً ال-13 حصان و-20 نيوتن متر دي تقريبية ، ما بالك عند سرعة كام ، المعلومة الصح بقى إن المعدل يكون حط العربية علا الدينو بعض التعديل ورسم ليها رسم بياني للعزم وأخر للقدرة (Torque curve ، و-power curve ) ، وحتى دة مش أكيد هتلاقيه عنده لأنه مش بياخد كل كونترول بيعدله ويروح يجربه على دينو .

اخي الاستاذ فرحات و ميجي بوي، شكرا لكما جزيلا على المعلومات و الافكار القيمة، انا بالنهاية غير قادر الا على قياس شعوري بسحب السيارة فالارقام لن تقدم او تؤخر كثيرا، المهم هو الاحساس النهائي و التجربة. و بكل الاحوال سانقل كل استفساراتكم للاركداش و ساشارككم التجربة على قدر امكانياتي باذن الله.

باشمهندس ماجد، شكرا لمرورك اللطيف.... هي فعلا كذلك.

بعد سبع ساعات سواقة متواصلة انا الان في انقرة، باقي 430 كم الي اسطنبول.

المشاركة الأصلية كتبت بواسطة ugaritian

بعد سبع ساعات سواقة متواصلة انا الان في انقرة، باقي 430 كم الي اسطنبول.

حمدالله على سلامتك و توصل بالسلامة ان شاء الله

و ان شاء الله النتيجة تطلع تستحق ده

تعبان و مهدود... 1200 كم في 10 ساعات بالضافة ل 3 ساعات بين الحدود و الريستات و تفويل البنزين....

تعبااااااااان نعسااااااان