الموضوع: استشارة هامة، ناوي على اجراء عملية جراحية للميجان 2

المشاركة الأصلية كتبت بواسطة ugaritian

غالية شوية بس تستاهل، اكيد التوكيل برة الموضوع خالص في القصة كلها. ممكن شوية تفصيل يمكن اقدر اوصل لحد في سوريا او تركيا ممكن يعملها.

موضوع تركيا لو فى إيدك يبقى جميل
مش هتلاقى فى الشرق الأوسط حد بيفهم فى الميجان زى الأتراك
حاول تبحث عن ورش تعديل تركية أو تجارب شخصية على منتديات
بس ما تنساش رجوع العربية تانى لسوريا هيكون مقبول بعد تغيير موتور و لا هتبقى المعاملة إزاى

على فكرة..شكل موضوع التغيير من 1600 ل 2000 سى سى دى مش مستاهلة المجهود و المصاريف...ده إللى استشفيته من خلال تجربة أيمن مومو و من كلام أحمد عبد المقصود...

و مافيش عند رينو مواتير فوق ال 2000 سى سى فى نفس جيل الميجان II غير ال 3000 سى سى ...6 سلنجر بتاع ال Vel Satis ...و لا أعتقد إنه ممكن يتحشر فى الميجان...

فيتبقى الخيار الواقعى بتاع نقل مكونات ال RS فى عربيتك..تبقى مستفيد من عربية سيجان بإمكانيات ال RS ...و أفتكر الأتراك خبرتهم بالعربية تطمئن تماما...لكن هانرجع لموضوع تغيير الموتور بالنسبة للسلطات الحكومية و كمان غالبا هاتحتاج بنزين 95 على الأقل ....

أنصحك بإنك تحوش لموضوع التغيير لل RS ...علشان هايتكلف و تستمع بالموتور ال 1600 على الأقل لما تعمل بيه 100 ألف كيلو و لا حاجة علشان يبقى عمل بثمنه...

على فكرة أيمن مومو بدأ مشوار التعديلات بعد ما قطع 40 ألف كيلو و كانت البدايات بجنوط و فوانيس و يمكن تعديلات الموتور ( أولها فلاتر الهواء ) بعد ال 50 ألف و لا أكتر كمان

المشاركة الأصلية كتبت بواسطة ugaritian

اخبار سيئة...

الموتور طلع 2005 فلغيت الموضوع من اساسه بناء على نصائحكم. بقي علينا موضوع الريمابينج...

لو ال Re-Mapping هيخلى العربية 123 حصان بدل 110 حصان .....
مع اعتبار إن العربية ال 2000 سى سى 130 أو 140 حصان و مش فارقة بشكل خارق و لا استثنائى...
متخيل الفرق الناتج من ال re-mapping ؟؟؟

هيفرق أوى لو الموتور به متسع .....زى فى عربية من أمثال الفورد موستانج....موتورها 8 سلندر و فوق ال 4000 سى سى ...بتطلع من المصنع ب 350 حصان...بعض المعدلين وصلوا معاها لل 550 حصان من خلال تعديلات شاملة و تركيب شاحن تربو

لكن فى الميجان هما 1600 و لا 2000 سى سى بس....إمكانية محدودة للترقية فى الآخر

هنا تكمن عبقرية موتور ال RS ..... إنه 2000 سى سى لكن 225 حصان...
بس لازم تفكر فى صيانته و قطع غياره أكيد أكيد مش هتلاقيها فى سوريا...
لازم تبعت تجيبها من الخارج....سواءا من تركيا أو أوروبا رأسا
أيمن كان لسه بيبكى من شهر علشان تغيير التيول البريميو اتكلف ثروة :)
لسه ما اتكلمناش فى مساعدين و لا التروس التفاضلية ( تسمى فى مصر الكبالن )

على بركة الله :)

طب انت ينفع تروح اسطنبول بالعربيه ؟؟؟؟

عبارة عن chip توضع في العربية

لا يا صديقي هي مش شبايه ....

انت بتشتري جهاز slave

بتوصله بالعربيه وتسحب منها ملف

تبعت الملف للشركه اللي حتعدله ...

حيجيلك الملف بعديها ب ساعه ...

حترجع الملف دا للعربيه ....

وتتنطلق ....

لو حتعرف تروح اسطنبول ...انسي كل اللي فات ... ولا حتجيب حاجه ولا حتشتري حاجه.... حخليك تروح لواحد صاحبي هناك ..اسمه بارباروس ( تركي وجدع جدا ).... متخصص في الريماب ... وحيدلعك اخر دلع .