صامولة الكردان

**ahmed_eng2001** · 09-02-2015 02:07 PM

ربنا يوفقك للى فيه الخير ... و اعذرنى ان لم نستطيع المساعدة الكافية ... متابعين معاك

**فتح الباب** · 09-02-2015 02:59 PM

اشكرك جدا مع خالص تحياتى

**م/أحمد عبد الفتاح** · 09-02-2015 06:58 PM

من احلى الموضوعات اللى قريتها هنا ربنا يكرمك يابشمهندس احمد ويابشمهندس Mecha على المعلومات الرائعة وعلى خبرتكم اللى دايماً بتشاركونا بيها

**Colin Chapman** · 05-09-2015 04:32 PM

المشاركة الأصلية كتبت بواسطة ahmed_eng2001

تحياتى و شكرا لحضرتك :)

اعذرنى ... انا مش خبير بالمخارط الصغيرة .. و لا الكبيرة وحياتك ... انا اشتغلت على بعضهم فقط زى مخرطة المانى cnc ... و مخرطة بلغارى و دى اتباعت امامى ب 35 الف جنيه سنة 2004 و دوست شوية فى مخرطة مصانع و الكلام ده كان من 10 سنين فاتوا ... الحمد لله انى لسه فاكر

ببساطة .... المخارط بتتوصف على طول الحوض بتاعها ( الفرش ) ... و كمان على دقتها ... و العمليات الى ممكن تعملها ( الاوبشنز ) .. و بعدين بلد الصنع .... و ده فى الفئة الواحدة
الفئات دى زى ... المخرطة العادية .... NC .... CNC ... و هكذا
اما بالنسبة للاسعار .. بتختلف جدا بناء على الى ذكرته ... على ما اذكر المخرطة CNC كانت فى المصانع الحربية ب مليون و نصف سنة 2003 .. و البرمجة بتاعتها كانت بسيطة
شفت مخرطة كانت فى شارع الجمهورية و كان راكب على راسها .. فوق الظرف متقاب !!!! عجبتنى جدا و خاصة انها كانت صغيرة الحجم ... بس كانت ب 7000 جنيه ... و شفت واحدة كانت فى السبتيه طولها كلها متر الا ربع

انا متابع مع حضرتك و ان شاء الله احد الاعضاء يفيدنا اكتر

**Colin Chapman** · 05-09-2015 05:31 PM

المشاركة الأصلية كتبت بواسطة فتح الباب

اشكرك جدا مع خالص تحياتى

**ahmed_eng2001** · 05-09-2015 11:50 PM

مش حينفع تاخد زاوية قائمة و لا حتى قريبة من القائمة بصليبة واحدة .... ممكن عن طريق تركيب صليبتين بينهم مسافة صغيرة ... او اى حاجة بنفس الفكرة

**Mecha** · 06-09-2015 01:26 AM

المشاركة الأصلية كتبت بواسطة فتح الباب

بمناسبة صور الكبالن والصلايب فى سؤال خطر فى بالى الان وهو مهم جدا وايضا يتوقف عليه تركيب صلايب فى الكبالن من عدمه وهو ٠ هل زاوية الميل بتاعة الصليبه تجيب ٩٠ درجه ولا لا ؟ لان فى الكوبلن مطلوب زاويه قايمة عند الانحراف للاخر وافتكر الصليبه بتجيب زاويه منفرجه فقط عموما انا هشوف بنفسى الموضوع ده وهكتب هنا برده على اللى هيحصل فى النقطه المهمه دى ما كانتش فى بالى خالص

طب ايه ميزة عمود الكردان اللي في الصور عن عمود الكوبلن لعربيه عاديه ؟؟؟؟

**Mecha** · 06-09-2015 06:29 AM

حوار الدبل كردان بيتعمل عشان لو عليت الشاسيه وعاوز فتيس جامد .لكن مع عربيه يمين شمال غير مجدي.

**ahmed_eng2001** · 06-09-2015 06:41 PM

المشاركة الأصلية كتبت بواسطة mecha

حوار الدبل كردان بيتعمل عشان لو عليت الشاسيه وعاوز فتيس جامد .لكن مع عربيه يمين شمال غير مجدي.

صديقى الباشمهندس ميكا ....

الكبالن العادية سعرها غالى شوية ... و انا غيرتها فى عربيتى اللانسر من فترة ... نتيجة انها كانت بتعمل رعشة فى العربية ... و بعد 20 الف كم عملت رجة تانى و محتاجة تتغير !!!!

الاستاذ كولن بيقترح اننا نعمل صلايب زى الى فى الكردان ... و ياسلام لو بمشاحم علشان تتشحم و تعيش على طول ان شاء الله .....

عندنا بعض المشاكل الفنية ....

1- هل المكان حيسمح بوجود صليبة ؟؟ المسافة بين العجلة و بين الفتيس ؟؟ و مش حيخبط فى حاجة من العفشة ؟

2- لحام الاكس فى اليوك بتاع الصلايب .... حيستحمل ؟؟؟

3- زاوية لف العجل يمين و شمال ... ممكن تتجاب ب 2 صليبة ؟؟ ( و دى مشكلة تانية فى التركيب )

زاوية لف العجل فى عربيات الدفع الرباعى الى فيها اكسات ب صلايب ... قليلة اوى ... و مش بعرف الف على ضيق .. ( العربيات القديمة ) ... العربيات الجديدة فيها كبالن زى عربيات السيدان الجر الامامى

الموضوع داخل دماغى و بفكر فيه بالفعل و محتاجين مساعدة حضرتك

-

الموضوع: صامولة الكردان

LinkBack

أدوات الموضوع

عرض

-

-

-

-

المواضيع المتشابهه

صامولة لوك للاستبن

صامولة البوجيه

بوش فى الكردان

نيسان صنى 2009 لا توجد بها صامولة ريجلاش لعلبة الدريكسيون

إجراء بسيط جدا وغير مكلف لتحسين اداء عفشة الصنى (صامولة ريجلاش الديريكسيون)

الكلمات الدلالية لهذا الموضوع

المفضلات

المفضلات

ضوابط المشاركة