الموضوع: صامولة الكردان

المشاركة الأصلية كتبت بواسطة Mecha

الاتنين بالبوصه بس عدد السنان في البوصه بيختلف وبردك زاوية السن ,الانجليزي WHITWORTH زاويته 55 درجة و UNF زاويته 60 درجة ,وممكن تريح دماغك لو لقيت صموله يمشي فيها المسمار مضبوط وتشتري عليها






BS WHITWORTH

لا اخفى عليك ... انى مستمتع جدا بالمناقشة مع حضرتك ... علشان انا بتعلم حاجات جديدة ... و بأكد بعض المعلومات الى كنت اعرفها قبل كدة


ما قصدته بالسن الانجليزى هو نظام البوصة و القدم و الباوند ( النظام الانجليزى فى القياس )

و كما هو باين ... WHITWORTH ده سن و UNF ده سن تانى خالص

بالمناسبة ... انا اول مرة اسمع عن WHITWORTH ده .. لم اتعامل معه من قبل

و استكمالا للحديث عن السنون ... اقول لحضرتك على الى اتعاملت معاه



NPT و ده للوصلات الصغيرة و يميزه المسلوب الى قى الجزء المقلوظ ... اخره فى التحمل ..... 10,000 رطل على اليوصة ... و بالطبع ده لو المعدن الى معمول فيه القلاوظ كويس ... استانلس مثلا




EUE ابن عم ال NPT ... شبهه بس بيتعمل قى المواسير الكبيرة .. 2 بوصة ... 3 بوصة

عائلة VAM و دى حكاية طويلة .... انا اتعاملت من ال NEW VAM VAM VAM TOP




PH6 ... صداع فى التصنيع و مشاكل فى التركيب و سن متدلع اوى ... بس مشزته ان فيه 3 مناطق لاحكام التسريب ... لو الماسورة اتربطت صح ... انسى انها تسرب




IF سن مواسير الحفر الجميلة ... سن معمول مخصوص لمواسير و عمدان الحفر ... سنة تخينة و فيها مسلوب .... عيبه انه مش بيستحمل ضغط كبير اخره 3000 رطل




ACME .... اسنان مربعة تقدر يشيل لغاية 1,000,000 رطل شد .... و لازم يركب معاه O ring لاحكام عدم التسريب ... و ده الى عاجبنى فيه .... لو سرب ده معناه الاورنج عاوز يتغير .... متدورش كتير
تفك و تغير الاورنج و تركب تانى .. و ان شاء الله مفيش تسريب لفترة طويلة مع الاورنج الجديد

فيه منه اكمى 4 و اكمى 6







الاوتوكليف ... و ده مهم شوية علشان بيستحمل ضغوط عالية ... وصلاته صغيرة و من الممكن ان تتحمل حتى 30,000 رطل
و يستخدم فى مضخات الضغط العالى و الاوناش و الروافع

و شفت بعض العربيات فيها وصلات اوتوكليف فى طرمبات الباور ... و فى وصلات الفرامل

BSP .... و ده سن مواسير المياه الزهر القديمة , و دى كانت معلومة جديدة عليا

اهم نوعين ..... UNC و ده اغلب مسامير الرباط ... السن الخشن ... نظام انجليزى او نظام مترى فى الغالب بيكون من النوع ده

النوع التانى ... UNF و ده الى بيسموه السن الناعم ... و منه مسامير و اعمدة و له تطبيقات كتير



و فيه 100 نوع مختلف من سنون القلاوظ .. بس ملناش دعوة بيها

شكرا على الجدولين بتوع السن و ابعادهم

المشاركة الأصلية كتبت بواسطة فتح الباب

السلام عليكم ورحمة الله وبركاته تحياتى لحضراتكم وبما انى مستمتع بالحوار الدائر بينكما ولاننى اعشق الحديد اساسا لم اترك مشاركه فى الموضوع الا ودققت فيهالدقة ما بها من معلومات واشكركم كل الشكر على المعلومات القيمه ولى استفسار لو تكرمتم هو اننى احتاج مخرطه صغيرة الحجم وعن مجال عملها هو جلب تفلون وارتيلون ونحاس احمر بمقاييس لا تتعدى ٤٠ ملى واحيانا قلاوظ بعض النحاس والتفلون فبماذا تنصحونى وياريت لو فى فكره سريعه عن انواع المخارط ومقاساتها اذا امكن بدون تكليف وسعدت بالحديث معكم

تحياتى و شكرا لحضرتك :)

اعذرنى ... انا مش خبير بالمخارط الصغيرة .. و لا الكبيرة وحياتك ... انا اشتغلت على بعضهم فقط زى مخرطة المانى cnc ... و مخرطة بلغارى و دى اتباعت امامى ب 35 الف جنيه سنة 2004 و دوست شوية فى مخرطة مصانع و الكلام ده كان من 10 سنين فاتوا ... الحمد لله انى لسه فاكر

ببساطة .... المخارط بتتوصف على طول الحوض بتاعها ( الفرش ) ... و كمان على دقتها ... و العمليات الى ممكن تعملها ( الاوبشنز ) .. و بعدين بلد الصنع .... و ده فى الفئة الواحدة
الفئات دى زى ... المخرطة العادية .... NC .... CNC ... و هكذا
اما بالنسبة للاسعار .. بتختلف جدا بناء على الى ذكرته ... على ما اذكر المخرطة CNC كانت فى المصانع الحربية ب مليون و نصف سنة 2003 .. و البرمجة بتاعتها كانت بسيطة
شفت مخرطة كانت فى شارع الجمهورية و كان راكب على راسها .. فوق الظرف متقاب !!!! عجبتنى جدا و خاصة انها كانت صغيرة الحجم ... بس كانت ب 7000 جنيه ... و شفت واحدة كانت فى السبتيه طولها كلها متر الا ربع

انا متابع مع حضرتك و ان شاء الله احد الاعضاء يفيدنا اكتر