صامولة الكردان

**ahmed_eng2001** · 01-02-2015 12:07 AM

السلام عليكم

لاحظت وجود صوت جاى من تحت العربية .... زى صوت البلى الخشن ... و صوت اهتزاز بسيط اسفل السيارة ..... الصوت ملهوش دعوة بفصل الفتيس او تعشيقه
الصوت بيزيد .... ليه زنة زيادة لما بشيل رجلى من على البنزين

شكيت فى الكردان ... و بفحصه .. تبين ان صامولة الفتيس بدأت تتفك .. و بالطبع مغرقة الدنيا زيت من حواليها

تم فك الكردان و ربط الصامولة مرة اخرى و اعادة تركيب الكردان

بكرة اجرب و اقولكم ايه الاخبار ان شاء الله

ملاحظات و ذكريات عن الكردان الجميل ....

وصلة الكردان الخلفية مش على فلانشة بمسامير زى الشاهين مثلا و ده ( فى رأيى ) مش كويس ... بيخلى كوبايات الصليبة تقع على الارض عند الفك و التركيب

صامولة الكردان مفيهاش لوك ... مفيهاش حاجة تمسكها علشان متفكش ... فبتفك منى كل فترة ( كل 3 سنوات مثلا )

مسامير ربط الصليبة سنها ناعم UNF ... و محتاجة لفة فى وسط البلد علشان الاقيها..... علشان عاوزة تتغير

**احمد فهمى** · 01-02-2015 10:41 AM

موضوع مهم فعلآ وافضل حاجه انك صورت كل حاجه للتوضيح وان شاء الله خير

**م/أحمد عبد الفتاح** · 01-02-2015 03:02 PM

الله ينور عليك وأحسن حاجه عملتها انك مروحتش لميكانيكى يفتيلك :)

**م/أحمد عبد الفتاح** · 02-02-2015 01:02 AM

المشاركة الأصلية كتبت بواسطة ahmed_eng2001

و ينور على حضرتك ....
الحمد لله ربنا كرمنى و لاحظت الصوت بسرعة .. و هى عملت كدة معايا و كنت مسافر بورسعيد .... و ربنا يكرمه الميكانيكى الى صحيته من النوم الساعة 7 صباحا يوم جمعة ... و كان بعد الاسماعيلية بشوية

ان شاء الله المرة الجاية ححاول احط وردة زنق او وردة سوستة علشان متفكش تانى ان شاء الله

ممكن وردة زى بتاعة رباط الطنابير اللى بتتنى من ناحية على الصامولة

**Mecha** · 02-02-2015 12:42 PM

شغلانه لوز ,هي حلت بسبب الرباط ولا فيها بلي مخروطي بوش؟؟؟ ,المهم هي ضربت السيل .ممكن تحط ورده سوسته وممكن لوكوتايت mild strength .وضربتين ب RATTLE GUN تلجمها

**Mecha** · 02-02-2015 12:55 PM

المشاركة الأصلية كتبت بواسطة ahmed_eng2001

للأسف .... مفيش مكان علشان الوردة دى تتنى على حاجة ثابته ...

لو انا فاهم صح ... الوردة دى بتتنى من ناحية على جسم ثابت او اكس .... و من ناحية تانية تتنى على الصامولة ... كدة الصامولة مينفعش تتحرك
و الى بارز من القلاوظ بعد الصامولة ما تتربط .... 2 مم تقريبا ... يادوب ينفع لها وردة سوستة
سؤال لحضرتك ... تعرف من فين ممكن اشترى مسامير سن ناعم ... و بالبوصة كمان ؟؟

كان فيه ناس في شارع باحثة البادية بشبرا بتبيع مصامير بالكيلو خرج عربيات ومللي وبوصه ومصامير الكرادين الشديده وجنبيهم بوشكاش معلم تفصيل الكرادين والصلايب وحلول التعديلات اللوذعية .الجمهوريه في ناس للجديد والسبتيه بالكيلو بس حديد طري. لو هتشتري للكردان الصلابه متقلش عن grade 8 في البوصه 10.9 للملي

**Mecha** · 02-02-2015 01:11 PM

مع الصمولة الكبيره الورده السوستة اساسي وممكن تحط صموله نايلوك علي السوسته بس مش وحدها ابدا ,و لوكوتيت لو عاوز بس ان حطيت الشديد منه وجيت تحل بعدين ممكن تحتاج لمبة تسخن الصمولة وتكسره.
وممكن تحط صمولة taper lock ودي بيربطوا بيها شاسيهات التركات و الفلانشه زي اللي عندك في الكناور ورباطها قفر شديد.

دي Nylock nut وبالبلدي اسمها صمولة تفلون.

دي taperlock nut و بتستعمل بردك للعجل بس نوع تاني مقلوب والبومبيه يرشق في الجنط.

الموضوع: صامولة الكردان

LinkBack

أدوات الموضوع

عرض

-

-

-

-

-

-

المواضيع المتشابهه

صامولة لوك للاستبن

صامولة البوجيه

بوش فى الكردان

نيسان صنى 2009 لا توجد بها صامولة ريجلاش لعلبة الدريكسيون

إجراء بسيط جدا وغير مكلف لتحسين اداء عفشة الصنى (صامولة ريجلاش الديريكسيون)

الكلمات الدلالية لهذا الموضوع

المفضلات

المفضلات

ضوابط المشاركة