الموضوع: حساس البروكسيميتي Proximity sensor

المشاركة الأصلية كتبت بواسطة Mecha

يا باشا فينك ,الحقني ,السؤال تاني خرج البروكسيميتي اللي بالمللي امبير هيقدر يشد ويعمل هولد لكويل الريلاي -كهرومغناطيسي- ,12V/30or 40 A .؟؟
واطمع في سؤال تاني لو ركبت ريليه solid state الجديد هحتاج مقاومه لديرة الكنترول -الامبير الواطي- ؟؟؟ولا هيشيل عشان سعره غالي ومش عاوز احرقه.
اطمع كمان بسؤال تالت الريليه SSR يستحمل يشتغل blink فتح ووصل سريع ؟؟.ونفس السؤال لل Mosfet.
سؤال كمان,ياه دا انا جشع اوي هههه ,ال Arduino ايه رأيك فيه ,يستحمل الهز والرج والتراب والخبط ولا شغل مصانع ,وتشكر يا بشمهندس.

أولاً أنا اسف جداً إنى إتأخرت فى الجواب لأنى مكنتش متابع الموضوع ونسيته بصراحه :)
ثانياً : الريلاى بيبقى مكتوب عليه بيشيل كام امبير والريليهات الـ ٤٠ امبير بالهبل وكتيرة فى السوق - وحكاية ان الـ ٢٠ ولا الـ ٣٠ مللى امبير يعملوا هولد للكويل حايعملوا هولد بس تكون عارف مواصفات الريلاى زى الامبير اللى بيشيله والوات بتاع الكويل وهو بيبقى فى الغالب مش اقل من ٢,٥ وات بس تتأكد من مواصفات الريلاى وكمان دايرة التوصيل (بتبقى فى الغالب مرسومة عليه) - والأمبير بتاع الحساس بيبقى فى حدود ٢٠ ملى امبير او حسب مواصفاته - الحساس بيشتغل كأنه مفتاح بيوصل للكويل اللى بيوصل الباور ( الامبير العالى ) للحاجه اللى انت عاوز توصللها الباور- طبعاً الـ SSR حايكون أحسنلك لأنه أسرع وطالما محتاج انه يستحمل الـ Blink لأنه سريع ومافيهوش أجزاء ميكانيكية زى الريلاى العادى إللى ممكن نقط التلامس بتاعته تسيح بسرعه من الـ Blink - لو حاتشتغل DC يبقى تخش بالـ Mosfet على التوازى .
موضوع الأردوينو طبعاً حلو جداً وفيه منه بيستحمل الإهتزاز وحكاية التراب أعتقد إن ممكن يتعمله وسيلة مناسبة لحمايته - بس المشكلة فى البرنامج اللى حاتنزله على كارته الاردوينو ياتكون بتعرف تعمله ياتخش على منتديات الاردوينو ودى حتلاقيها مليانة خيرات ربنا بس عاوزة وقت . وبالتوفيق إن شاء الله .