الموضوع: الحمد لله اخيرا استلمت عربيتى ال 301 شويه استفسارات بسيطة

المشاركة الأصلية كتبت بواسطة د/سامح

انا في مشكلة تانية لما بادي العربية ال r باسمع صوت غريب ما اقدرش اقول زنة بس زي صوت هوا كدا و مش عارف دة طبيعي و مع الوقت بيروح و لا لازم اراجع الصيانة ؟ عامة العربية ما شاء الله لا قوة الا بالله اختيار موفق الحمد لله

دي مش مشكلة,,
والصوت دا طبيعي في الفتيس الفرنساوس وعلي حد علمي الزنة دي بتاعت ال multiswitch
وهيطلع معاك لما تختار الغيار سواء D أو R وتكون واقف دايس فرامل أو سايب الفرامل وبتتحرك براحة,,
ومش هيطلع معك علي N أو P
ومش هيبان معاك لما تبدأ تجمع سرعة أو تكون ماشي علي سرعة,,

والزنة دا ممكن تتسمع بسهولة من برة العربية خصوصاً لو كنت في جراج مثلاً أو مركز مع العربية أوي,,
وصعب تسمعها من جوا العربية خصوصاً لو كنت قافل الأزاز,,

الصوت طبيعي جداً في طريقة عمل الفتيس,, ومهواش عيب ولا هيروح مع الوقت ولا يلزم مراجعه الصيانة,,

مبروك علي العربية, وربنا يبارك لك فيها.

المشاركة الأصلية كتبت بواسطة ahmedyaris

تويوتاوى متابع حواركو الجميل .... شكلى هغير ولا ايه

أنوي انت بس وأحنا مستنينك.