الطوبة و الكاوتش ... 301

**maxx** · 24-02-2014 12:41 PM

على اول الصحراوي و انت رايح من الرماية ... طوبة فجأة تظهر و على شمالي عربية ... طك! و الكاتوش راح

نزلت الاستبن و ركبته ... و مشيت اقل من 80 زي ما هو مكتوب عليه لحد مركز خدمة اطارات ... قالي ما ينفعش يتصلح ده اتقطع

يلا الحمد لله قدر و لطف انها جت على قد كده ...

السؤال هنا بقي مقاس الكاوتش كام ؟ انا عارف انه ميشلان و ان الجنط عندي 16

منين اجيب نفس الكاوتش و تقريبا يبقي تمنه كام ؟

وخدو بالكم يا رجالة الطرق عندنا بقت :019f3b~14: زي الفل الطوب بيطلع في اماكن غريبة !!!

**medori** · 24-02-2014 01:19 PM

المشاركة الأصلية كتبت بواسطة maxx

على اول الصحراوي و انت رايح من الرماية ... طوبة فجأة تظهر و على شمالي عربية ... طك! و الكاتوش راح

نزلت الاستبن و ركبته ... و مشيت اقل من 80 زي ما هو مكتوب عليه لحد مركز خدمة اطارات ... قالي ما ينفعش يتصلح ده اتقطع

يلا الحمد لله قدر و لطف انها جت على قد كده ...

السؤال هنا بقي مقاس الكاوتش كام ؟ انا عارف انه ميشلان و ان الجنط عندي 16

منين اجيب نفس الكاوتش و تقريبا يبقي تمنه كام ؟

وخدو بالكم يا رجالة الطرق عندنا بقت :019f3b~14: زي الفل الطوب بيطلع في اماكن غريبة !!!

أى، دة نفس اللى حصل معايا على الدائرى و كان على شمالى نقل فمكانش قدامى حل و الفردة راحت برضة للأسف

مقاس الكاوتش r16-195/55 ودة مقاس رخم جدا و مش موجود فاسأل بالتليفون الأول عشان متلفش كتير بالعربية و كمان لازم تجيبة ميشلان عشان متبقاش ماشى بكاوتش نقشات مختلفة، انا لقيتة عند واحد بس مش فاكر اسمة اية الصراحة، هو أول واحد فى امتداد شارع بورسعيد و انت داخل من صلاح سالم (ان فاكر ان عنوانة بيكتبوة البستان تقريبا)، و كنت جبت الفردة ب 1050، انا هحاول ادور على الفاتورة عشان افتكر العنوان

**medori** · 24-02-2014 01:23 PM

تصحيح: الشارع اسمة الفردوس و هو امتداد احمد سعيد، معلش انا معلوماتى فى المكان دة ضعيفة شوية و بعتمد على الmaps، زى ما قولتلك تخش من صلاح سالم من اليمين اللى بعد كلية الهندسة كأنك رايح احمد سعيد، هو أول محل كاوتش هيقابلك على ايدك اليمين و جمبة مجمع استهلاكى او سوبر ماركت تقريبا

**maxx** · 24-02-2014 01:26 PM

اوبا !!! 1050 !!! انا كنت متخيل 500 او 600 جنيه ...

على كل حال متشكر على المعلومة و مشاركتك

طيب يا جماعة فيدونا بأرقام تليفونات من فضلكم طالما المقاس مش متوفر بشكل قوي

**shiko85** · 24-02-2014 01:49 PM

كتير اوى 1050 :019f3b~14:

**تامر.محمد** · 24-02-2014 01:51 PM

حصلت معايا قبل كده في مدينة نصر و غرمت 900 جنيه تمن فردة بريدجستون جديدة :(

**maxx** · 24-02-2014 02:05 PM

الكاوتش مستثنى من التأمين ...

**maxx** · 24-02-2014 02:19 PM

لقيت عند شركة بس Made in Italy !!! اللي عندي مكتوب عليها 195/55/r16
Traction A, Temperature A Green و مش عارف السرعة كام و مكتوب Made in Germany

ايه حوار ايطاليا ده يا جماعة ؟؟؟