مشكلة ف الدبرياج والفرامل

**sheko waheed** · 18-03-2014 10:45 PM

بسم الله الرحمن الرحيم
السلام عليكم ورحمة الله وبركاته

انا لسة شاري فليشيا موديل 96glx ...المشكلة اللى بتضايقنى هيا الدبرياج تقيييل اوووى بمعنى انى لما ادوس دبرياج للاخر بيبقى لسة فية حتة ضغطة كمان بس قوية اوووى ساعات ما بعرفش اضغطها وساعات بحس ان دة اخر الدبرياج لكن بحس بية لما اجى انقل الغيارات ..رحت للميكانيكى وقولتلة قاللى هاعلى الدبرياج وفضلت المشكلة زى ماهيا ورحت لة تانى قالى ماينفعش يتعلى اكتر من كدة كدة اخر حاجة المهم بقول المشكلة لواحد بيبيع حاجة الاسكودا استيراد فقالى غير الوير بتاع الدبرياج وهات الاصلى الالمانى يعنى وانسى مشكلة الدبرياج دى ومش حتحس ان فية دبرياج فبسألة بكام قاللى الوير الاصلى ب 200ج بصراحة انا اتصدمت من الرقم علشان كدة انا بسألكم هيا المشكلة كدة زى ما بيقول واللا اية؟؟؟؟؟؟؟
المشكلة التانية .....عندى مشكلة فى الفرامل.....بمعنى ...لما اجى اضغط فرامل بلاقى الفرامل قفشت يعنى الفرامل بتنزل لتحت ومابتطلعش تانى لوضعها بسهولة والمشكلة دى على طول وساعات لما بيحصل كدة باضطر اسحبها بسن قدمى علشان ارجعها لوضعها الاصلى ...افيدونى افادكم الله اعمل اية؟؟؟؟؟ انا نفسى المشكلتين دول يتحلوا واحس براحة فى السواقة خاصة انا لسة جديد فى السواقة وتعبت اووووى
اسف ع الاطالة ....افيدونى افادكم الله

**sakr_skoda** · 19-03-2014 07:13 AM

المشاركة الأصلية كتبت بواسطة sheko waheed

بسم الله الرحمن الرحيم
السلام عليكم ورحمة الله وبركاته
[OVERLINE]

وعليكم السلام ورحمة الله وبركاته

انا لسة شاري فليشيا موديل 96glx ...المشكلة اللى بتضايقنى هيا الدبرياج تقيييل اوووى بمعنى انى لما ادوس دبرياج للاخر بيبقى لسة فية حتة ضغطة كمان بس قوية اوووى ساعات ما بعرفش اضغطها وساعات بحس ان دة اخر الدبرياج لكن بحس بية لما اجى انقل الغيارات ..رحت للميكانيكى وقولتلة قاللى هاعلى الدبرياج وفضلت المشكلة زى ماهيا ورحت لة تانى قالى ماينفعش يتعلى اكتر من كدة كدة اخر حاجة المهم بقول المشكلة لواحد بيبيع حاجة الاسكودا استيراد فقالى غير الوير بتاع الدبرياج وهات الاصلى الالمانى يعنى وانسى مشكلة الدبرياج دى ومش حتحس ان فية دبرياج فبسألة بكام قاللى الوير الاصلى ب 200ج بصراحة انا اتصدمت من الرقم علشان كدة انا بسألكم هيا المشكلة كدة زى ما بيقول واللا اية؟؟؟؟؟؟؟

بص على فرش العربية تحت ادواسة الديبرياش ممكن يكون مقلقع او دواسة القدم احياننا بترحل تحت الدواسة**

بص على العصاية نفسها هل هيا ثابتة ولامبوشة لو مبوشة جامد تعمل المشكلة دى**

غير الميكانيكى روح لواحد فاهم يشفلك الموضوع دا لأنه مش ذرة**

واير ب200 جنية ايه الاستهبال دا دا اخرة 50 جنية استيراد او 75 جنية بالكتير**

المشكلة التانية .....عندى مشكلة فى الفرامل.....بمعنى ...لما اجى اضغط فرامل بلاقى الفرامل قفشت يعنى الفرامل بتنزل لتحت ومابتطلعش تانى لوضعها بسهولة والمشكلة دى على طول وساعات لما بيحصل كدة باضطر اسحبها بسن قدمى علشان ارجعها لوضعها الاصلى ...افيدونى افادكم الله اعمل اية؟؟؟؟؟ انا نفسى المشكلتين دول يتحلوا واحس براحة فى السواقة خاصة انا لسة جديد فى السواقة وتعبت اووووى

موضوع الفرامل عاوز اعرف الفرامل بتمسك معاك اول لما تضغط عليها ولا لازم تضغط مرتين او ثلاثة على لما تمسك؟؟؟؟؟

على العموم انا حاخمن لحد لما ترد عليا***

ممكن يكون الماستر العمومى عندك بايظ ودا بيظهر لما بتلاقى زيت على جسم السيرفو اللى راكب فى صدر العربية شبة طاسة القلية مقلوبة وراكب علية المستر بس دا عرضة ان الفرامل مش بتمسك من اول مرة**

الاحتمال الثانى السيرفو نفسة عاوز تغيير**

الاحتمال الثالث ممكن تكون مشكلة فى الدواسة نفسها لأن فيه سوسته بتساعد على رجوع الدواسة لمكانها **

الاحتمال الرابع ان حضرتك بتتعامل مع ميكانيكا اى كلام**
اسف ع الاطالة ....افيدونى افادكم الله

**aw2100** · 19-03-2014 09:55 PM

انصحك قبل اى حاجة تغيير الميكانيكى علشان واضح انه حماااااااااااار
بالنسبة لتقل الدبرياج ده بيبقى الدسك وحش ومحتاج تفك الفتيس تكشف مجموعة الدبرياج

**sheko waheed** · 20-03-2014 05:49 AM

المشاركة الأصلية كتبت بواسطة mehles

السلام عليكم............سلك الدبرياج تشيكى اصلى 110 جنية وطبعا الصينى ب50 ومينفعش....بالنسبة للفرامل ياريت تغير الزيت وتشوف ............بالتوفيق

شكرا لاهتمامك.. وان شاء الله هغيىر الزيت ...واشوف...على الله تطلع المشكلة هيا الزيت

**sheko waheed** · 20-03-2014 05:53 AM

المشاركة الأصلية كتبت بواسطة aw2100

انصحك قبل اى حاجة تغيير الميكانيكى علشان واضح انه حماااااااااااار
بالنسبة لتقل الدبرياج ده بيبقى الدسك وحش ومحتاج تفك الفتيس تكشف مجموعة الدبرياج

اشكرك لاهتمامك للرد.. انا لسة ما روحتش لميكانكى علشان انا لسة شارى العربية.... وتقل الدبرياج دة مضايقنى اووووى

**sakr_skoda** · 20-03-2014 07:02 AM

المشاركة الأصلية كتبت بواسطة sheko waheed

ازيك يا استاذ صبحى .. اولا بشكرك على اهتمامك ....
والله انا لسه شارى العربية ..وماروحتش لغاية دلوقتى لميكانيكى
وانا بصيت على الدواسة والفرش لقيتة مش تحت الدواسة
وبصيت على السيرفو زى ما حضرتك قولتلى مالقتش علية زيت..
وبالنسبة للفرامل بتقفش من اول مرة ومش عارف اية السبب علشان كدة قولت اسألكم قبل ما اروح لميكانيكى علشان ما يشتغلنيش وشكراا لك

الله يبارك فى عمرك:

كدا يبقى المشكلة فى الكابينة مش حوض العربية يعنى بلاش تفتح الكبود من اصلة المشكلة فى يايات الدواسات عاوزة تتشد شوية او تستبدل***

**sakr_skoda** · 20-03-2014 07:39 AM

على فكرة انا لسه شايف السوستة اللى فى دواسة الفرامل روح كدا بص عليها دى المسؤله عن اعادة الدواسة الى مكانها وممكن يكون واير الديبرياج عاوز تزييت وكنت عاوز اطمن على سحب فيفوريتك اخبارة ايه ؟؟؟؟ السحب يعنى بداية الحركة على الاول بتبقى بطة ولا فراشه؟؟؟