ابواب الصني الجديدة

**aratux** · 14-05-2014 07:56 PM

لسة في الحيرة بتاعت الشراء
السيتروين و البيجو فيهم عيوب التيل و الفتيس
فكرت اجيب مستعمل بس انا مابطمنش ليه و مالقتش حاجة تعجبني
قلت ابص على الصني
رحت النهاردة اوتو ايجيبت اللي قدام المنهل
العربية حلوة (الهاي لاين) و بدأت افكر فيها
لكن لاحظت و انا باقفل الابواب سواء قجام أو ورا انها مابتقفلش بسهولة
لازم تخبطها جامد علشان تقفل
كلمت المندوب الموجود قلتله هية المشكلة دي في عربية العرض و لا عموما, قعد يقول اصل كل الجديد كدة و مش عارف ايه و في الاخر قالي علشان ضغط الهوا جوا العربية, و لو باب تاني مفتوح الباب اللي انتي عايز تقفله هايقفل من زقة خفيفة
جربت طلع كلامه صح

هية العربية مافيهاش شراعات تفريغ الهوا اللي بتكون في كل العربيات تحت الاكصدام الخلفي؟ المشكلة دي حد تاني حس بيها؟ مالهاش حل؟

يعني حاولت أبلع ان الكنبة ضهرها ثابت مابيتقفلش لكن ان باب العربية ممكن مايقفلش دي مشكلة

انا مقروص لأن مسروق مني عربية و لسة مارجعتش لغاية دلوقتي

**ibrahimsaad** · 14-05-2014 10:34 PM

ياباشا الباب بيقفل مافيش مشكله

الموضوع ده حصل معايا اول ماجبت العربيه كان لازم اقفل الباب جامد

بس فعلا لو انت فاتح الزجاج سنه هيقفل الباب بسهوله

عموما انا قلت لهم فى الصيانه عملوه وضبطوا الباب كمان الباب بيبقى فعلا تقيل شويه فى القفل وهى لسه زيرو لكن بعد فتره بيبقى ناعم فى القفل