الموضوع: مشاكل متعددة فى سيارة فيفوريت94

المشاركة الأصلية كتبت بواسطة smsm2014

السلام عليكم ورحمة الله وبركاته

فرسان اسكودا انشالله اتكونو بخير عندى مشكلتين ظهرو مع بعض تقريبا وطالب مساعد عاجلة علشان بجد انا غرقان وعاوز اللى ينقذنى

المشكلة الاولى : من يومين كدا الديبرياج بيعض جامد لدرجة انه بيقبلش الغيار الول والثانى بصعوبة والثالث اها بيعض شوية وطبعا زى ما اتعلمت هنا منكم ان بكدا الديبرياج واطى عليتة لفتين ثلالثة كدا بانى كنت باربط الصامولة ال10 اللى فى نهاية الشداد كانت بتمشى شوية وبعد يوم ترجع تانى اربط تانى تمشى يوم وترجع تانى والنهاردا وانا رايح الشغل وقفت ومقبلتش الغيار ابدا ولو غصبت علية كانى بشيل الموتور من مكانى وبيعتل لاكن على فكرة هى مبطلة يسلام الغيارت ملبن لكن لو دارت العربية يعترس نقلت على الغيار الثانى وهى مبطلة ودوست على الديبرياج ودورت وقزحت ومشيت على التانى
روحت الى الميكاانيكى الأول قال لازم نفك الفتيس وانا مش فاضى
روحت لواحد تانى قال الفتيس لازم ينحل ومش فاضى!!!!!!!
روحت لواحد تالت جاب البنسة ومفتاح 10 وربط وقال جرب فيع عضة بسيطة ربط حوالى 5 لفات قلت ياااااااااااه قال متخافش جرب جربت تمام مرشدير تمام وقلت يعنى خلاص ايه المشكلة قال الشداد بيرخى

روحت ركنتها عند الشغل فى المراويح بقى ظهرت المشكلة الثانية
وهى لقيت القربة مفيهاش ولا نقطة مية قربعت العربية حوالى 5 لتر مية ودورت لاحظط نزول مية من عند جوان الشكمان مصيييييييييييييييييييييبة شيلت مقاس الزيت لاقيته قشطة بيضااااااااا*

قلت هو كدا يوم باين من اولة قلت اروح ويدوبك 100 متر رجع الديبرياج زى الاول شغلت الانتظارا وروحت بسرعة 40 كيلو وكنت كل
5 كيلو تقريبا انزل املاء السيارة مية لان القربة كانت بتفضى على طول ومشيت بالعربية مسافة 21 كيلو **

عاوز اعرف المشكلة الاولى ديسك واسطوانة ولا شداد ديبرياج ؟؟؟

والمشكلة الثانية جوان وش السلندر ولا جوان المانيفود ؟؟؟؟

اولا مشكلة الدبرياج من الاول واضح ان زيت الفتيس ناقص كتير وده بيسبب العضة فى الغيارات الاول والتانى
هتحتاج تفك مسمار واير السرعة وتبص على زيت الفتيس لو ناقص هتزوده ودى انا متاكد منها بنسبة كبيرة انما حكاية حل الفتيس والكلام ده ملوش لزمة الا فى حالة واحدة لو زيت الفتيس عندك كان فاضى خالص يبقى كده سيادتك طيرت الفتيس
ثانيا القربة فضيت لما العربية سخنت منك جامد وانت ماشى ومش واخد بالك ومركز على الفتيس ونقلاته وكده العربية جابت منك جوان وش سلندر ومادام الشكمان بيطرد المية يبقى كده المية دخلت على غرف الحريق


هتروح للميكانيكى وهتشترى جوان دوبل اصلى وهتبص على وش السلندر لو مقفع هيتمسح ولو مش مقفع ومنقر بس يبقى تملى التنقير المونيا والوش يتمسح على ابوه عند الخراط ويركب على الجوان الدوبل.

اهم حاجة تطمن على زيت الفتيس وده سهل تعمله بنفسك
بالتوفيق

المشاركة الأصلية كتبت بواسطة smsm2014

متشكر جدا استاذ منسى تم حل المشاكل اليوم
مشكلة الديبرياج كان سببها ان اليد اللى بيتربط فيها الشداد ومثبته فى الفتيس كانت ملحومة فى السابق واللحام فك ودى اللى كانت بتظهر كل شوية لما اعلى الديبرياج وكان بيرجع تانى لأن كان اليد بترحل الى الخلف تم تثبيتها بلحام اوكسجين والحمد الله اما عن الزيت فانا كنت كاشف عليه لأنى كنت زيك شاكك فية ولاكنة كان تمام باين من زور الفتيس مكان ماكينى السرعة

المشكلة الثانية كانت جوان وش السلندر اشتريت فعلا جوان دوبل وملقتش الا الصينى هو اللى فى السوق والميكانيكى ركب والحمد الله تم تنزيل الطحينى ووضع زيت التعاون وربنا يكرم بقى

طيب الحمد لله انه تم حل مشكلة الدبرياج والفتيس الحمد لله انه مفيش مشكلة بس نصيحة منى حاول تغير الدراع بتاع الشداد علشان اللحام ميفكش تانى
بالنسبة لموضوع الجوان بعد فترة 500 كيلو هترجع للميكانيكى ينزل الزيت ويشد على وش السلندر تانى وتحط زيت توتال 50/20 اللى هو 3000 كيلو وراقب المية لو مش بتنقص يبقى حط مية خضرا او حمرا تركيزها مش يقل عن 33 % وده علشان تحافظ على الموتور من السخونة ومن الصدأ
بالتوفيق

المشاركة الأصلية كتبت بواسطة mehles

السلام عليكم
الله ينور عليك على فكرة انا غيرت جوان من حوالى سنة ولم اقوم بالشد على الوش بعد 500كيلو زى ما حضرت بتنصح فهل ينفع بعد مرور سنه ولا خلاص الجوان نشف؟ مع ملاحظة ان الحمد لله مفيش اى مشكلة.....الف شكر

مادام مفيش مشكلة خلاص احنا ليه بنقول بعد 500 كيلو او اسبوع علشان الجوان بيريح فنحاول نعيد رباط على وش السلندر علشان يتحكم شوية