الموضوع: حل مشكلة عوامة البنزين بالصور

ناس كتير اشتكت من موضوع تعليق عوامة البنزين ............ وانا بصراحة من انصار اللي تقدر عليه اعمله احسن ماتروح لصنايعي ، وخصوصاً ان الصنايعيه بحس فيهم شويه غشوميه في التعامل مع الحاجات الناعمة دي وشايف ان التعامل معاها محتاج شوية دقة ورقة لانه لو حاجة باظت هاتقع بين شقي الرحي (( التوكيل والجماعة بتوع الاستيراد)) عشان كده فكرت اعمل الموضوع ده ونبدأ باسم الله :

1) ارفع الكنبة الخلفية وطلعها بره العربية

2)هتلاقي طبتين واحده لطرمبة البنزين والفلتر لونها اسود (( ان شاء الله حل الفلتر وتنضيفه برضو في الخطة )) والطبة التانية للعوامة ((الصغيرة عاليمين))






3) افتح الطبة بمفك






4) طبعاً هتلاقي تراب ومحتاجة تنضيف كويس جداً عشان التراب ماينزلش في التانك ياريت يكون معاك فرشة وبلاوور ونضف اكتر من مرة زي كده او اكتر وفك فيشة الكهربا بالضغط من اعلي ل أسفل بمفك عشان تتمكن من التنضيف أكتر






5) ابدأ فك الصواميل براحة عشان متفوتش ولو قافشة يبقي بخة WD40 تحل المشكلة






6) حرك جسم العوامة يمين وشمال براحة وانت بتطلعها لتسهيل خروجها بحركة دائرية






7) هتعاكسك العوامة البلاستيك السودا شوية حركة دائريه بدون ضغط ها تطلع ان شاء الله






8) كده تمام وزي الفل خرجت بالسلامة







9) نبدأ التنضيف للبورده بمنديل







10) تنضيف السن النحاس اللي بيتحرك عالبورده ((ممكن تستخدم دبوس)) طبعاً لونة اسود من تراكم الوسخ الموجود في البنزين عليه ويمنعه منتوصيل الكهرباء فميخليهوش يشتغل او علي الاقل يخليه يهيس شوية فوق شوية تحت !!!!






11) كده التنضيف خلص نعمل اختبار سريع نركب فيشة الكهربا ونجيب العوامة علي اخر البورده ودي معناها ان التنك مليان






12) حط المفتاح في الكونتاكت اديها التكة التانية او الاولي مش هتفرق و شوف النتيجة زي كده ؟







13) شيل المفتاح وهات العوامة علي عكس الاتجاه كأن التانك فاضي







14) حط الفتاح واديها التكه التانية (( أنا عامل التكة التانية عشان محدش يقول اني طافي العربيه وبستهبل عليكو ))
ان شاء الله تكون النتيجة كده ولمبة البنزين منورة






كده كله تمام ركب عوامتك زي ما فكيتها وركب الكنبه ولو احتاجت تنضيف تاني مافيش مشكلة انا منضفها من أكتر من سنه وماشية زي الفل




ملحوظة : إيفريدي أصر انه يحضر الموضوع من أوله بس بجد كان رزل فاكرها عربية أبوه :)




ان شاء الله لما أسافر تاني للوالد ها اجهز تنضيف فلتر البنزين وبالتفصيل الممل برضو بس بإذن المولي عز وجل في أول رمضان لان العربية مع الوالد