الموضوع: حل مشكلة عوامة البنزين بالصور

الله ينور عليك ، دا اللى أنا كنت بدور عليه وعايز اعمله بس كنت مقلق ، حضرتك شجعتنى أتوكل على الله واعملها ، بس لى استفسارين:
1- هل فى طريقه معينه لرفع الكنبه الخلفيه زى فك كلبسات أو ماشابه ذلك؟
2- هل فى التقفيل وضعت أى مادة سيليكون على الطبه الصاج أو ماشابه بغرض احكام التقفيل؟

وألف شكر على الموضوع الرائع وعلى الرد، ومنتظرين تنظيف الفلتر والطلمبة

المشاركة الأصلية كتبت بواسطة abogoda

1-لا ما فيش طريقة معينة لرفع الكنبة لانه ما فيش كلبسات تتفك مجرد انك ترفع الكنبة من قدام جامد هاتطلع في ايدك رفعه من ناحية الراكب اليمين ورفعة من ناحية الراكب الشمال هتلاقي صباعين حديد شبه شنكل العربية نص نقل وهتركبهم بنفس بنفس الطريقة بس بضغط قوي وزقة الي الخلف عشان ((الشنكل )) يرجع مكانه

2-فى التقفيل ممكن تحط سليكون وممكن ماتحتجش حسب احكام غلق الطبة عندك عموماً أنا ماحطتش سليكون واكتفيت بضغط الكنبة علي الطبة يمنعها من الحركة.

ربنا يبارك لك ويجعله فى ميزان حسناتك ، وألف ألف شكر

ربنا يكرمك ويجزيك خير. انا كان عندى مشكلة ان اللمبة بتاعت البنزين مكنتش بتنور. وحصل معيا موقف ان العربية مكنش فيها بنزين وبطلت منى بسب اللمبة وانا معتقد ان شوية بنزين يوصلونى لاقرب محطة.
بس كدا اللمبة رجعت تنور تانى
جزاك الله خبرا