الموضوع: عندك لايك او اعجاب -- طيب شوف ممكن تزودهم ازاى

الاخوه الكرام و الاعزاء الى قلبى
هاتكلم عن حاجه لاحظتها من كام يوم


اولا نصلى و نسلم على الرسول الكريم , سيدنا محمد عليه افضل الصلاة والتسليم و نقرأ كده هذا الحديث
عن أبي هريرة رضي الله عنه أن رسول الله صلى الله عليه وسلم قال : ( إذَا مَاتَ الإِنْسَانُ انْقَطَعَ عَمَلُهُ إلاَّ مِنْ ثَلاَثٍ : صَدَقَةٍ جَارِيَةٍ ، أَوْ عِلْمٍ يُنْتَفَعُ بِهِ ، أَوْ وَلَدٍ صَالِحٍ يَدْعُو لَهُ ) رواه مسلم (1631).

اظن كلنا عارفين هذا الحديث و اول ما نقرأ الصدقه الجاريه ييجى فى دماغنا
1- كولدير فى الشارع
2- مصحف فى مسجد
3- مساهمه فى بناء مسجد
و الى اخر تلك الافكار المتعارف عليها و اظن كتير من اخواتنا الافاضل جزاهم الله خيرا ساهموا فى مثل تلك الاعمال
نشد خط و نتكلم فى موضوع تانى
-------------------------------------


ما شعورك لما تفتح المنتدى و تلاقى التنبيهات ان مثلا 5 عملوا شكر لك و 10 عملوا اعجاب
اكيد هاتفرح , مع انك لم تستفيد اى استفاده ماديه من هذا و لكن مؤكد فرحك لانك احسست ان مجهودك فى الكتابه فى ناس قدرته
او انك فرحان لانك احسست انك قدرت تفيد ناس تانيه
طيب ايه شعورك لما تكون مبطل كتابه فى المنتدى لفتره طويله نسبيا و يا دوب تدخل تتفرج على المواضيع و تخرج بدون اى مشاركه
و تلاقى انك كل ما تدخل عداد التنبيهات بالشكر و الاعجاب عندك بيزيد مع انك لم تكتب اى رد منذ فتره
ممكن توصف لى شعورك وقتها ,
فكرت فى هذا الموضوع انه مثل الصدقه الجاريه
شوف ما تكتبه و ما يرد اليك

و من زاويه تانيه شوف لما تعمل صدقه جاريه و تنساها و تلاقى اسهمك فى زياده (الفرق انك هتعرف قيمتها بس فى الاخره ) و ساعتها اكيد هاتكون مبسوط بها
و يالها من سعاده وقتها و يالها من قيمه وقتها , اللهم تقبل و اغفر لنا و ارحمنا وقت العرض يا كريم
---------------------

اعذرونى لو الموضوع مش مترابط لانى اكتب بتوارد الافكار بدون ترتيب و حبيت اقولكم كل سنه و انتم بخير بمناسبه شهر رمضان و لم اجد افضل من هذا التذكير بفضيله من فضائل الاعمال فى هذا الشهر و كل شهر

اللهم بلغنا رمضان و ارزقنا فيه حسن العباده

جزاك الله كل خير ... وفعلاً كلام في الصميم ... وكل عام وانتم بالف خير ... وتحياتي