طقم الدبرياج

**hobby10** · 20-06-2014 01:21 AM

دواسة الدبرياج بتعمل صوت بعد فترة من السواقة مش من اول ما بطلع بيها !! ... عديت على واحد قالى ده طقم الدبرياج عاوز يتغيير (اسطوانة وديسك وبلية) لازم بيتغيروا مع بعض .. واحتمال سلك الدبرياج على حسب ...... وبالنسبة لقطع الغيار بره التوكيل فى فاليو تركى يقال انها زى الاصلى على اعتبار ان نفس المصنع بتاع التوكيل .. الطقم كامل ب 550-575 وسلك الدبرياج ليه كذا صناعة الاصلى فوق ال 300 والكويس بس مش الاصلى بحوالى 225 .... انا محتارة اغير بالاصلى اللى غالبا حيبقى 3 اضعاف تقريبا ولا اغير بره بالتركى ده .. كمان بالنسبة للمصنعية هل 300 جنيه كتير ولا عادى ؟؟؟

**jericho** · 20-06-2014 02:55 PM

متابع

**J A G U A R** · 20-06-2014 09:54 PM

انا شايف لو المشكله مع حضرتك فى الصوت اللى بيطلع من الدواسه ولو فعلا طقم الدبرياج هيتغير علشان كده رأيي متغيريش حاجه وخلى الطقم يجيب اخره معاكى ده لو المشكله فيه وعلى فكره مش اكيد المشكله من طقم الدبرياج ولو المشكله منه وهايتغير لو الطقم التركى مضمون وفعلا زى الاصلى غيريه لو مش مضمون يبقى خليكى فى الاصلى .

**elsokily** · 22-06-2014 10:41 AM

لو سحب العربيه قل و شايفه انه أضعف من الاول بنسبه كبيره ممكن يكون طقم دبرياج و المصنعيه سعرها من 250-300 معقول و بالنسبه لقطع الغيار انا شايف انك تشترى حاجه سعرها معقول يعنى مش أرخص حاجه و اسألى عند كذا حد فى ف صلاح الدين (حسن شنك) و فى ناس ف محمد نجيب و يا ريت يفيدينا بالتجربه

**Egyzizo** · 23-06-2014 12:35 AM

لو المشكلة الصوت بس (التزييق) يبقى مافيش داعى لتغيير طقم الدبرياج
احنا ماشيين كده بقى لنا سنين بدون مشاكل
ولو التزييق زايد قوى بنشحم سلك الدبرياج فى نقطة دخوله للدبرياج، والصوت بيتظبط لفترة معقولة قبل ما يرجع تانى.

**Ahmed_Omara_84** · 23-06-2014 08:36 AM

المشاركة الأصلية كتبت بواسطة egyzizo

لو المشكلة الصوت بس (التزييق) يبقى مافيش داعى لتغيير طقم الدبرياج
احنا ماشيين كده بقى لنا سنين بدون مشاكل
ولو التزييق زايد قوى بنشحم سلك الدبرياج فى نقطة دخوله للدبرياج، والصوت بيتظبط لفترة معقولة قبل ما يرجع تانى.

انا عندي نفس المشكلة في ال لوجان 2010 نصف كماليات و لما كنت في الضمان كنت بقولهم عليها كان بياخد العربية بالظبط 5 دقائق و برجعها الدبرياج ناعم و مفيش اي تزييقه او صوت فشكل الموضوع بسيط
بس حاولت اعرف بيعملو ايه او بيشحمو ايه علشان ابقي اعملها بنفسي معرفتش منهم حاجة
لو ممكن توصفلنا تحديدا ايه المكان اللي يتشحم و بيتشحم من جوا الصالون عند الدواسة ولا من جوا الكبوت و ياريت نوع الشحم المستخدم ولا ممكن wd40
الصوت فعلا مزعج و مش بيبان الا لما تمشي كتير بالعربية في الزحمة لما يكون استخدامك كتير علي دواسة الدبرياج
مع جزيل الشكر

**Egyzizo** · 23-06-2014 12:54 PM

المشاركة الأصلية كتبت بواسطة ahmed_omara_84

انا عندي نفس المشكلة في ال لوجان 2010 نصف كماليات و لما كنت في الضمان كنت بقولهم عليها كان بياخد العربية بالظبط 5 دقائق و برجعها الدبرياج ناعم و مفيش اي تزييقه او صوت فشكل الموضوع بسيط
بس حاولت اعرف بيعملو ايه او بيشحمو ايه علشان ابقي اعملها بنفسي معرفتش منهم حاجة
لو ممكن توصفلنا تحديدا ايه المكان اللي يتشحم و بيتشحم من جوا الصالون عند الدواسة ولا من جوا الكبوت و ياريت نوع الشحم المستخدم ولا ممكن wd40
الصوت فعلا مزعج و مش بيبان الا لما تمشي كتير بالعربية في الزحمة لما يكون استخدامك كتير علي دواسة الدبرياج
مع جزيل الشكر

التشحيم بيبقى من جوه الكبوت ..
افتح الكبوت وممكن أول مرة تخلى حد يضغط على الدبرياج علشان تعرف تحدد مكان السلك لما تشوفه وهو بيتحرك مع ضغط الدبرياج.
هتمشى مع السلك إلى نقطة دخوله فى الموتور ، وتشده عليك شده بسيطة علشان تفصله من المكان (الحديدة) اللى بيبات فيه (كده دواسة الدبرياج هتقع) ..
وفيه جلدة سودا برضه هتشيلها
وتبدأ تشحم جوه تحت مكان الجلدة دى ، بأنك تغرق صوابعك شحم وتدخلها فى المزنق ده وتشحم ، كذا مره على كده، هتلاقى الدواسة بقت ناعمة.

ممكن تستخدم wd40
الأفضل تحط شحم عربيات (علبة شحم بحوالى 16 جنيه) بتعيش معاك كتير.
مش فاكر اسمه علشان العلبة تحت فى العربية ، بس اختار الشحم الفاتح اللى هو البيج ، وبلاش الغامق الزيتى.

وبعد كده تحط الجلدة زى ما كانت ، وتبيت السلك مكانه.

وسبب ظهور التزييق بعد المشى الكتير ، هو زيادة السخونة داخل الكبوت ، فالشحم بيفقد لزوجته وفعاليته كمانع للاحتكاك
ولما العربية تبرد يستعيد الشحم لزوجته وفعاليته مرة أخرى.

**Ahmed_Omara_84** · 23-06-2014 05:53 PM

المشاركة الأصلية كتبت بواسطة egyzizo

التشحيم بيبقى من جوه الكبوت ..
افتح الكبوت وممكن أول مرة تخلى حد يضغط على الدبرياج علشان تعرف تحدد مكان السلك لما تشوفه وهو بيتحرك مع ضغط الدبرياج.
هتمشى مع السلك إلى نقطة دخوله فى الموتور ، وتشده عليك شده بسيطة علشان تفصله من المكان (الحديدة) اللى بيبات فيه (كده دواسة الدبرياج هتقع) ..
وفيه جلدة سودا برضه هتشيلها
وتبدأ تشحم جوه تحت مكان الجلدة دى ، بأنك تغرق صوابعك شحم وتدخلها فى المزنق ده وتشحم ، كذا مره على كده، هتلاقى الدواسة بقت ناعمة.

ممكن تستخدم wd40
الأفضل تحط شحم عربيات (علبة شحم بحوالى 16 جنيه) بتعيش معاك كتير.
مش فاكر اسمه علشان العلبة تحت فى العربية ، بس اختار الشحم الفاتح اللى هو البيج ، وبلاش الغامق الزيتى.

وبعد كده تحط الجلدة زى ما كانت ، وتبيت السلك مكانه.

وسبب ظهور التزييق بعد المشى الكتير ، هو زيادة السخونة داخل الكبوت ، فالشحم بيفقد لزوجته وفعاليته كمانع للاحتكاك
ولما العربية تبرد يستعيد الشحم لزوجته وفعاليته مرة أخرى.

شكرا جدا علي الرد الواضح و الوافي ده

**hobby10** · 26-06-2014 04:44 PM

شكرا لكل الردود ... انا روحت لميكانيكى حطلى شحم على سلك الديرياج من ناحية الكبوت وفعلا الصوت راح لحد دلوقتى ...ان شاء الله يكون الموضوع على اد كده

الموضوع: طقم الدبرياج

LinkBack

أدوات الموضوع

عرض

طقم الدبرياج - انشر الموضوع فى :

-

-

-

-

-

المواضيع المتشابهه

ايه سبب تقل الدبرياج؟

Rpm 1.5 مع الدبرياج ؟

سلك الدبرياج

الدبرياج

ليه فى عربيات الدبرياج بتاعها تقيل وعربيات الدبرياج بتاعها خفيف ؟؟

الكلمات الدلالية لهذا الموضوع

المفضلات

المفضلات

ضوابط المشاركة