وصول Honda Civic ال Facelift 2014 الجديد الى مصر

**JapRuleZ** · 22-08-2014 02:54 AM

السيارة الجديدة تحسن ملحوظ عن الشكل الامامى القديم

و تزيد عن النسخه الامريكية من الامام وجود projector lens مدية شياكه جامده اوى

الخلف كما هو بالظبط كما كان متوقع و لكنى اراه افضل من الشكل الخلفى للكورولا - مثلا
و تم وضع فوانبيس شبورة فى البيزلاين

من الداخل تم تغيير الموكيت الى الاسود و الكونسول تحسن طفيف بنفس الخامات و لون واحد

[

**Ayman_Amer** · 22-08-2014 03:12 AM

مفيش معلومات عن الفئات والأسعار وصور مختلفة!؟

**JapRuleZ** · 22-08-2014 10:57 AM

نفس كماليات السابقة مع فروقات بسيطه ممكن تدخل هلى هوندا ايجبت
الbaseline 199k
و ال highline 220k

**JapRuleZ** · 23-08-2014 03:38 PM

صور من داخل معرض التجمع

**AhmedFarhan** · 24-08-2014 09:05 AM

هى وللا الامبريزا انا بقارن بينهم من حيث الثبات والأمان

**Mohamedjetta** · 24-08-2014 10:29 AM

عربيه جميله و رائعه و تستحق كل تقدير والعربيه دي احسن من الكورولا سواء في الشكل او الاداء

**JapRuleZ** · 24-08-2014 02:54 PM

على فكره المبريزا حلوه و السيفيك حلوة بس فى فرق ان السيفيك احلى overall
اما الامبريزا ممكن تكوم افضل بس فى الثبات و اريح كعفشه و heavy duty اكتر نسبيا من الهوندا و التقفيل اليبانى
الصالون اذواق و الشكل الخارجى
الباقى كله لصالح هوندا

بس لاحظو ان السيفيك التركيه بردو شكلها غير السيفيك الامريكيه من قدام بس احلى

**swimmer25** · 24-08-2014 05:11 PM

أخيرا نزلت بالجنوط الجديدة في مصر
كان المفروض ينزلوا الشكل الخلفي كمان...إيه التقطيع دا
220 الف وكمان مش هي اللي بتنزل برا
كدا الكيا سبورتاج أحسن بكتير..وهي أصلا شوارع مصر مبقاش فيها جري وكلها مطبات يبقي السبورتاج أوقع

**swimmer25** · 24-08-2014 10:55 PM

المشاركة الأصلية كتبت بواسطة JapRuleZ

السبورتاج عربيه غير مريحه اطلاقا فى السواقه
بس مينفعش تكون راكب 128 و تقول السبورتاج حلوه .... انما انا بقارنها بال يبانى و الالمانى فئات اقل كمان من السبورتاج و دى نقطه مهمه بيقع فيها اعضاء كتير ان لازم اقول العربيه احسن فى كذا نسبيا لو قارناها بكذا .. مش حلوه زى منتا فاكر فى المطبات للدرجادى.... و انصحك بالتيست درايف عشان تتأكد
فلو سمعت واحد بيقولك عفشه الكيا ناعمه ... اعرف انه مركبش تيوتا او هوندا ... اوبل .. اكتافيا ...الخ......

سبورتاج فئة تانية غير السيدان عشان كدا لازم تكون ناشفة عشان تستحمل المطبات وانا بصراحة بحب الناشفة أكتر لأنها أكثر ثباتا من الناعمة واوعدك إني أعملها تيست قريب

السبورتاج أحسن من الهوندا السيفيك والتويوتا كورولا في إنها عربية أكبر وعالية تستحمل مطبات ونقر وكاوتش بروفايل أكبر يستحمل البلاعات وخلافه من غير ما يعمل بلالين ولا يضرب جنط ولا مقص ومتحكش مع التحميل وفيها كل المميزات اللي في العربيات التانية إلا الثبات علي السرعات العالية طبعا وموضوع السرعات دا مبقاش ينفع في مصر من أساسه

الكلام دا حضرتك وانا مش راكب 128 بل بالعكس انا أشد المعجبين بالسيفيك بس التوكيل مستهبل اوي وبينقطنا بالتغييرات اللي نازلة برا من سنتين..يعني السنة الجاية السيفيك برا تتغير وتاخدلها سنتين كمان ينزل باقي الحاجات في الموديل اللي هيعتبر برا اصلا بقي قديم
خلي بالك التغييرتا دي مش شكل بس (فوانيس خلفية ليد أشيك)..لأ الفروق في العفشة كاملة والتقفيل والتابلوه والزجاج أتخن
دا غير إن ال vti برا فيها مصابيح HID و فرش جلد وجنوط 17 وفوجات و ايرباج جانبي وايرباج ستارة