وصول Honda Civic ال Facelift 2014 الجديد الى مصر

**S O P H O S** · 31-08-2014 01:04 PM

شايفها تحفه من الامام والتصميم مفهوش مشاكل
المشكلة اني متعود علي تصميم الجيل الثامن من الخلف
فشيفه افضل كتير من الحالي

**madooomad** · 31-08-2014 01:21 PM

المشاركة الأصلية كتبت بواسطة swimmer25

كمان مفيش جلد في ال vti
علي فكرة كمان العربية اللي في مصر مش هي اللي بتاخد 5 نجوم في عوامل الأمان برا
لأن حتي ال vti مفيهاش ايرباج جانبي زي ال vti برا
وايرباج واحد للسواق في أول فئة..في حين السبورتاج 2 إيرباج في كل الفئات

بص هوة حضرتك بعيدا عن موضوع هوندا و سبورتاج انا اللي مضايقني ان الوكيل مانزلش الشكل الجديد بره وكمان لما بسأله علي اني عاوزها بالجنط ال 17 قالي لازم تسأل مهندس الصيانة و تاخد موافقتة مع انها بتنزل برة بالجنط ال 17 عادي من الوكيل ... بس بصراحة انا ركبت لانسر بوما و سيراتو و كارينز قبل ما اشتري السيفيك .... السيفيك الجيل الثامن خصوصا لا تقارن بأي عربية من دول

**JapRuleZ** · 31-08-2014 01:50 PM

الجنط ال17 مكتوب فى كتيب السياره لا تقلق

**mahmoudsmh** · 31-08-2014 03:31 PM

محتار جدا وارجو المساعده واخذ رايكم
السيفيك الجديده دي ولا اوكتافيا A7 1600mpi
برجاء دلوني ايهما افضل وشكرا جزيلا

**Bedo Elgizawi** · 31-08-2014 03:35 PM

المشاركة الأصلية كتبت بواسطة japrulez

السبورتاج عربيه غير مريحه اطلاقا فى السواقه
بس مينفعش تكون راكب 128 و تقول السبورتاج حلوه .... انما انا بقارنها بال يبانى و الالمانى فئات اقل كمان من السبورتاج و دى نقطه مهمه بيقع فيها اعضاء كتير ان لازم اقول العربيه احسن فى كذا نسبيا لو قارناها بكذا .. مش حلوه زى منتا فاكر فى المطبات للدرجادى.... و انصحك بالتيست درايف عشان تتأكد
فلو سمعت واحد بيقولك عفشه الكيا ناعمه ... اعرف انه مركبش تيوتا او هوندا ... اوبل .. اكتافيا ...الخ......

السبورتاج افضل طبعا و الافضل تكون ناشفه عشان تستحمل و تثبت علي الارض

**JapRuleZ** · 31-08-2014 05:48 PM

المشاركة الأصلية كتبت بواسطة bedo elgizawi

السبورتاج افضل طبعا و الافضل تكون ناشفه عشان تستحمل و تثبت علي الارض

طبعا حضرتك حر فى رأيك
انا شايف السيفيك انعم و اثبت و ركبت الاتنين
انا بنصحك بس لو مراتك حامل متركبهاش كيا و بالذات ورا

**JapRuleZ** · 31-08-2014 05:54 PM

المشاركة الأصلية كتبت بواسطة mahmoudsmh

محتار جدا وارجو المساعده واخذ رايكم
السيفيك الجديده دي ولا اوكتافيا a7 1600mpi
برجاء دلوني ايهما افضل وشكرا جزيلا

الاتنين قريبين من بعض جدا
السيفيك بيغلب عليه الطابع الرياضى مع اداء و اعتمادية و صيانه و عفشتها مفروض على الورق انها افضل
الاوكتافيا عربية عليها طابع الفخامه و لو مكانش فيه مشاكل فى ال dsg كانت اكتسحت السوق باكمله
و لكن ال mpi ....

**ahmzd** · 31-08-2014 09:10 PM

المشاركة الأصلية كتبت بواسطة madooomad

vti حتي ال 200000 للاسف مبقتش تنفع ان الواحد يجيب بيها عربية ترضي طموحه

للأسف .. هذه هي الحقيقة المُرَّة !!

**JapRuleZ** · 01-09-2014 12:45 AM

المشاركة الأصلية كتبت بواسطة ahmzd

للأسف .. هذه هي الحقيقة المُرَّة !!

يا بيه البيكانتو بقت ب 110 الف

**madooomad** · 01-09-2014 10:19 AM

المشاركة الأصلية كتبت بواسطة mahmoudsmh

محتار جدا وارجو المساعده واخذ رايكم
السيفيك الجديده دي ولا اوكتافيا a7 1600mpi
برجاء دلوني ايهما افضل وشكرا جزيلا

انا و انا بفكر اجيب جديد كنت محتار نفس حيرتك .... بس توصلت اني لو هجيب اوكتافيا هاجيبها بال 1400 تي اس اي و كمان هاي لاين عشان الزينون و فتحة السقف و بورجيكتور لينس و ده هايكلفني في حدود ال 270 و كمان هايبقي في قلق من ال dsg .... السيفك لو كانوا نزلوا الشكل الجديد بره الفيس ليفت و 220 كنت جيبتها علي طول .... 220 الهاي لاين(الشكل الجديد اللي نزل الخليج)شكل جديد اعتمادية و عربية محترمة جداا و فيها فتحة السقف و علي الاقل هاتبقي فيها بورجيكتور لينس يعني مجهزة انك ممكن تركب زينون وده ممكن تركبه في التوكيل .... لو ماعندكش مشكله في فلوس الصيانات و قطع الغيار الغالية جدااااااا يبقي اوبل انسيجنيا اول فئة 240 :(...... انا شخصيا هاستني السنة الجاية الشكل الجديد لهوندا او يلاقوا حل لفتيس ال dsg مع ال 1400 tsi للاوكتافيا