وصول Honda Civic ال Facelift 2014 الجديد الى مصر

**ashouhdy** · 25-08-2014 02:18 AM

ياباشا سبورتاج اية جمب السيفيك في متعة السواقة و الهاندلينج والثبات و التحكم !!!

**banzai** · 25-08-2014 07:26 AM

المشاركة الأصلية كتبت بواسطة swimmer25

سبورتاج فئة تانية غير السيدان عشان كدا لازم تكون ناشفة عشان تستحمل المطبات وانا بصراحة بحب الناشفة أكتر لأنها أكثر ثباتا من الناعمة واوعدك إني أعملها تيست قريب

السبورتاج أحسن من الهوندا السيفيك والتويوتا كورولا في إنها عربية أكبر وعالية تستحمل مطبات ونقر وكاوتش بروفايل أكبر يستحمل البلاعات وخلافه من غير ما يعمل بلالين ولا يضرب جنط ولا مقص ومتحكش مع التحميل وفيها كل المميزات اللي في العربيات التانية إلا الثبات علي السرعات العالية طبعا وموضوع السرعات دا مبقاش ينفع في مصر من أساسه

الكلام دا حضرتك وانا مش راكب 128 بل بالعكس انا أشد المعجبين بالسيفيك بس التوكيل مستهبل اوي وبينقطنا بالتغييرات اللي نازلة برا من سنتين..يعني السنة الجاية السيفيك برا تتغير وتاخدلها سنتين كمان ينزل باقي الحاجات في الموديل اللي هيعتبر برا اصلا بقي قديم
خلي بالك التغييرتا دي مش شكل بس (فوانيس خلفية ليد أشيك)..لأ الفروق في العفشة كاملة والتقفيل والتابلوه والزجاج أتخن
دا غير إن ال vti برا فيها مصابيح HID و فرش جلد وجنوط 17 وفوجات و ايرباج جانبي وايرباج ستارة

بص يا باشا كل واحد بيجيب عربيه علشان حاجات هو عايزها من العربيه و ده غير ناس كتير برضه بتركب عربيات هنا بالشبه و كلام الودان ولا هيا فاهمه اى بتنجان طالما العربيه بتتحرك يبقى عنننبببب
انت عايز ايه من العربيه ؟ عايز عربيه عاليه عن الارض suv و تكون واسعه و عائليه و شنتطها كبيره
كلام جميل يبقى تدخل تشوف المعلومات الفنيه و القياسيه بتاعت العربيه و تشوف تمشى معاك ولا لا
انا مش مهتم خالص بالكيا الصراحه بس اللى قريته عن العربيه دى فى السريع انها طن و نص و موتورها 1.6 gdi معدل انضغاطه 11:1 بيطلع ا140 حصان و عزم 165 نيوتن و دى ارقام متواضعه على عربيه بالوزن ده كسواقه هتقلل المتعه و كبنزين هتعلى الاستهلاك

* انا عايز اعرف اذا كان المواتير ال mpi لو وصلت لانضغاط هوا فى غرفة الاشتعال 11:1 بنقول لازم اوكتان 95 على الاقل طيب امال ال gdi بتاع كيا عادى معاه اوكتان 92 المغشوش بتاعنا ده ؟ يا ريت لو حد يفيدنا بمعلومه

**swimmer25** · 25-08-2014 10:34 AM

المشاركة الأصلية كتبت بواسطة ashouhdy

ياباشا سبورتاج اية جمب السيفيك في متعة السواقة و الهاندلينج والثبات و التحكم !!!

فعلا عندك حق..السيفيك أحلي عربية في السيدان في مصر وبرا مصر كمان...دي تحفة أساسا

بس مش أحسن سيفيك موجودة حاليا بالنسبة للدول التانية...إدارة الوكيل في هوندا بيقللوا قيمتها وأكيد فكرهم الناس هتشتري سيفيك حتي لو رجعناها لموديلات قديمة..عكس إدارة نفس الوكيل في تويوتا فنزلت الكورولا من أحسن النسخ اللي نزلت بين الدول فتفوقت علي الخليجي
لكن لو بصيت في فئة السعر...هتلاقي سبورتاج جنبها بمميزات أكتر بالنسبة لمصر

المشاركة الأصلية كتبت بواسطة banzai

بص يا باشا كل واحد بيجيب عربيه علشان حاجات هو عايزها من العربيه و ده غير ناس كتير برضه بتركب عربيات هنا بالشبه و كلام الودان ولا هيا فاهمه اى بتنجان طالما العربيه بتتحرك يبقى عنننبببب
انت عايز ايه من العربيه ؟ عايز عربيه عاليه عن الارض suv و تكون واسعه و عائليه و شنتطها كبيره
كلام جميل يبقى تدخل تشوف المعلومات الفنيه و القياسيه بتاعت العربيه و تشوف تمشى معاك ولا لا
انا مش مهتم خالص بالكيا الصراحه بس اللى قريته عن العربيه دى فى السريع انها طن و نص و موتورها 1.6 gdi معدل انضغاطه 11:1 بيطلع ا140 حصان و عزم 165 نيوتن و دى ارقام متواضعه على عربيه بالوزن ده كسواقه هتقلل المتعه و كبنزين هتعلى الاستهلاك

* انا عايز اعرف اذا كان المواتير ال mpi لو وصلت لانضغاط هوا فى غرفة الاشتعال 11:1 بنقول لازم اوكتان 95 على الاقل طيب امال ال gdi بتاع كيا عادى معاه اوكتان 92 المغشوش بتاعنا ده ؟ يا ريت لو حد يفيدنا بمعلومه

بيحطولها 92 وشغالة بس مش عارف فيه تأثير ولا لأ
ولو الكلام علي ال suv إنها عربية عالية وشنطتها كبيرة وواسعة وعائلية وثبات مقبول بالنسبة لشوارع مصر اللي أخره 120 علي طرق سفر
قدام السيفيك اللي بنفس السعر والميزة الوحيدة اللي فيها هي متعة السواقة عشان الهاندلنج والثبات علي السرعات اللي مش هتستفيد بيه في الطرق الجميلة بتاعتنا والتسارع اللي بردو مالوش لازمة في الحياة العملية وفي الزحمة
يبقي ال suv تكسب

**swimmer25** · 25-08-2014 10:55 AM

صدقنى السيفيك و الامبريزا انعم و اثبت - انا مالك لسيارة سوبارو و اخلى معاه سيفيك
و بركب السبورتاج بتاعت جارى كتير - انشف و مشفتوش اصلا بيسوق على سرعات عاليه
بس هو كان معاه اوبل و ندمان على الكيا اشد الندم

مش معني إنك مشفتوش بيسوق علي سرعات إنها مش بتجري أو مش ثابتة
ياما ناس بتركب مرسيدس وبي إم وأقصى سرعة بيجيبوها 80
بالنسبة للسوبارو...أنا مركبتش الإمبريزا بس شفت ال XV في الخليج لقيتها فقيرة جدا عن السبورتاج وبتنزل في مصر بموتور 114 حصان بس قدام 140 حصان في السبورتاج بس الصراحة أنا شايف إنهم مش 140 حصان هم 135 او 133 بس زي ال ix35

السنة الجاية السيفيك برا تتغير

2017

2015 غيروا الشكل الأمامي
2016 لو غيروا يبقي الشكل الخلفي
2017 تتغير برا يكونوا لسه في مصر بينزلوا تغيير في الأساسيات (عفشة وستابلايزر جداد)
وإفتراضا إنهم هينزلوا التابلوه الجديد والعزل الجديد في 2017 مش 2018

يبقي العربية اللي نزلت في 2013 وصلت مصر في 2017

الموضوع مش فيس ليفت نزل في مكان ومنزلش في التاني
ولا حتي موديل سيارة نزل في بلد أو قارة بشكل وفي القارة التانية بشكل تاني
الموضوع هنا إن موديل 2012 السيفيك إتغير تماما في 2013 لأنه مباعش كتير في 2012 والناس إشتكوا منه..وطبعا هوندا حرصا علي إسمها نزلت الموديل سنة واحدة بس وعشان ترجع مبيعاتهم تاني زي ما كانت غيروها في 2013...ودي مبتحصلش إن موديل يتغير بعد سنة واحدة..لكن في مصر وقفنا عند 2012

**swimmer25** · 25-08-2014 03:54 PM

المشاركة الأصلية كتبت بواسطة mohamedjetta

كلامك صح ومفيش اي فايده من التسارع او الثبات .... لما كنا نازلين السنه اللي فاتت مصر بالجيتا مسفتدناش منها ولا في الثبات ولا اي حاجه ..... اشتريت النترا من سلطنه عمان ونزلتها مصر ( هي عربيه ثباتها نص نص مش زي الجيتا بس مستفدتش اي حاجه من ثبات الجيتا .... بس استفدت من الالنترا انها عاليه عن الارض وقطع غيار رخيصه ...... اقصد ثبات الجيتا او مثلا السيفك ملهوش لازمه نهائي لان اقصي سرعه كانت في مصر هي 150 كم وطبعا الالنترا ثابته في السرعه دي يبقي لازمه الجيتا ايه في الثبات
نفس الكلام ده ينطبق بين السيفك والسبورتاج لان السيفك ثبات وبرضو مش هتحتاجه و السبورتاج عاليه ودي اللي محتاجنها في بلدنا
كلام ملخبط بس مش هيفهمه غير اللي عايش في الاسكندريه او الوجه القبلي او البحري

بالنسبه اللي بيسافر كتير يبقي يجيب السيفك وهو مغمض عينه.... بس اكتر الناس بتسافر مرتين في السنه عشان المصيف يبقي لازمه السيفك!

حاجة تانية غير العلو..بروفايل الكاوتش اكبر فبيحفظه من البلالين ويحافظ علي الجنط انه يتعوج
حاجة ثالثة العفشة...منها 4*4 عشان كدا عفشتها اكبر وتستحمل النقر والخبط وتعيش

**swimmer25** · 28-08-2014 10:47 AM

المشاركة الأصلية كتبت بواسطة madooomad

طيب انا هاقول مفاجأة غير سارة لي انا شخصيا قبل اي حد ... انا لسة قافل حالا مع المبيعات و بيقولي احنا مانزلناش في مصر فيس ليفت اصلا ... الفيس ليفت نزلت خليجي فقط عشان موتور 1800 مابينزلش عندنا مصر ... هيه هيه موديل السنين اللي فاتت بس في تعديل في الشبكة الامامية وفي بورجيكتور لينس زي ما صديقنا قال وقالي ممكن تركبلة زينون من الاكسسوارات عندنا و الجنط شكله اتغير .. بس المفاجأة بقي اني كنت فاهم ان ال vti الموديل القديم كان فرش جلد وبتاع المبيعات قاللي ان الجديدة 2014 vti من غير فرش جلد قماش بس .... حتي ال 200000 للاسف مبقتش تنفع ان الواحد يجيب بيها عربية ترضي طموحه

كمان مفيش جلد في ال vti
علي فكرة كمان العربية اللي في مصر مش هي اللي بتاخد 5 نجوم في عوامل الأمان برا
لأن حتي ال VTI مفيهاش ايرباج جانبي زي ال VTI برا
وايرباج واحد للسواق في أول فئة..في حين السبورتاج 2 إيرباج في كل الفئات

-

-

الموضوع: وصول Honda Civic ال Facelift 2014 الجديد الى مصر

LinkBack

أدوات الموضوع

عرض

-

-

-

-

-

-

المواضيع المتشابهه

هوندا مصر - تفتح باب حجز honda civic 2014 بال Facelift

وصول إلنترا 2014 فيس لفت

honda civic 2014 face lift

Honda AP2 S2000 VS Honda Civic EP3 Type R

Civic 2009 facelift from Honda Japan

الكلمات الدلالية لهذا الموضوع

المفضلات

المفضلات

ضوابط المشاركة