مكونات العفشة الامامية والخلفية للفليشيا

**ayman20100** · 01-09-2014 04:49 PM

السلام عليكم ورحمة الله
ممكن شرح تفصيلي لعفشة الفليشيا الامامية والخلفية
ياعنى الامامية بطاحات ومساعدين ومقصات واسكاترا ؟؟
الخلفية مساعدين و مقصات ؟؟؟

**ayman20100** · 01-09-2014 11:38 PM

طيب افسر الكلام شوية يمكن الناس تفهمني وتساعد
انا عاوز اشد العفشة واحدة واحدة وقولت ابدأ بالمستهلكات في العفشة وغالباً كل الاجزاء الكاوتش تحديداً عشان انا ما بحبش احس بالطريق وتقريباً دلوقتى انا ماشي على الحديد
دورت في الكتالوج مش شارح اجزاء العفشة يا اما بقى النسخة الى عندي مش كاملة
وكمان انا تقريباً عارف اغلب الاجزاء
الامامية مساعدين على بطاحات مع مقصين وفيهم جلب كبيرة وصغيرة واسكترا
الخلفية مساعدين على علايات ومقصين برضه

هل انا بقى غافل حاجة تكون مسببة القلق في العربية ؟؟ هل فيه حاجات بتتغير بصفة دورية تانية في عفشة العربية ؟؟

**EngAhmedSayed** · 02-09-2014 01:02 AM

غدا ان شاء الله يا استاذ أيمن هشرحلك
العفشة كلها حتة حتة و هقولك اية اللى يظبط معاك
بس الاصوات اللى عندك خبط و له ترزيع

انتظرنى غدا
ربك المستعان

**ehab mobarak** · 02-09-2014 11:50 AM

الزميل العزيز ممكن ان شاء الله تلاقي اللي انت عازه في الكتالوج ده وارجو انه يكون مفيد وشكرا
Running gear : FileRio : : Cloud File Storage

**ayman20100** · 02-09-2014 12:10 PM

المشاركة الأصلية كتبت بواسطة ehab mobarak

الزميل العزيز ممكن ان شاء الله تلاقي اللي انت عازه في الكتالوج ده وارجو انه يكون مفيد وشكرا
running gear : filerio : : Cloud file storage

الف شكر جاري التحميل

**أحمد جودة** · 02-09-2014 12:31 PM

عاوز أقولك أن عفشة الفليشا بتبقي نشفة شوية العربيات الكوري والياباني ودة يعتبر ميزة لتحمل الطرق المكسرة والمطبات وعيب في احساسك بالطريق والتأثر بأقل تفاصيل الطريق

أما بخصوص مشاركتك الاخيرة عند عفشجي كويس ويشوف المساعدين الامامية والخلفية والسوست وباقي العفشة بالتفصيل

فممكن حضرتك يكون النشوفية دي طبيعي شوية

**ayman20100** · 02-09-2014 01:22 PM

المشاركة الأصلية كتبت بواسطة أحمد جودة

عاوز أقولك أن عفشة الفليشا بتبقي نشفة شوية العربيات الكوري والياباني ودة يعتبر ميزة لتحمل الطرق المكسرة والمطبات وعيب في احساسك بالطريق والتأثر بأقل تفاصيل الطريق

أما بخصوص مشاركتك الاخيرة عند عفشجي كويس ويشوف المساعدين الامامية والخلفية والسوست وباقي العفشة بالتفصيل

فممكن حضرتك يكون النشوفية دي طبيعي شوية

الف شكر لردك واهتمامك
للعلم اغلب الصنايعية بيقولوا نفس الكلام وبيخلوني استني لغاية ما يبقى فيه مشكلة ملحوظة
ده حتى الصنايعي اخليه يسوق العربية عشان يجرب وبرضه ما يحسش بحاجة فيها
انا بقى من كتر ما اتعودت على العربية وعشرتي 4 سنين يومياً بحس باي فرق في العربية والعربية فعلا بقى صوتها عالي في العفشة والطقطقة البسيطة الى بحس بيها وحركتها مع المطبات وحركة المساعدين بحسها جداً وعارف الاختلاف بس انا بواجه مشكلة مع الصنايعية في المرحلة ديه لانه بيبقى اما عاوز يفتح شغل بعيد عن المشكلة يا اما مش حاسس المشكلة فين ومش قادر يحدد العيب وساعتها بمشي وانا مضطر واستني لما المشكلة تبقى واضحة واروحلها تاني واقوله شوفت اهيه بانت اهيه ويفك ويخلص شغل في خمس دقايق
المشكلة ديه في كل العربيات القديمة والى ما فيهاش كشف وكمبيوتر اعطال ومش بتكشف عليها باجهزة بتضطر تعتمد على الصنايعي في التشخيص وده اسوء شي ء

انا اسف طولت بس ديه مشكلتي الازلية والى بتخليني ما اسيبش المنتدي هنا طول الوقت بحاول احدد مكان المشكلة واجيب قطعة الغيار واغيرها واشتري دماغي

**أحمد جودة** · 02-09-2014 01:49 PM

المشاركة الأصلية كتبت بواسطة ayman20100

الف شكر لردك واهتمامك
للعلم اغلب الصنايعية بيقولوا نفس الكلام وبيخلوني استني لغاية ما يبقى فيه مشكلة ملحوظة
ده حتى الصنايعي اخليه يسوق العربية عشان يجرب وبرضه ما يحسش بحاجة فيها
انا بقى من كتر ما اتعودت على العربية وعشرتي 4 سنين يومياً بحس باي فرق في العربية والعربية فعلا بقى صوتها عالي في العفشة والطقطقة البسيطة الى بحس بيها وحركتها مع المطبات وحركة المساعدين بحسها جداً وعارف الاختلاف بس انا بواجه مشكلة مع الصنايعية في المرحلة ديه لانه بيبقى اما عاوز يفتح شغل بعيد عن المشكلة يا اما مش حاسس المشكلة فين ومش قادر يحدد العيب وساعتها بمشي وانا مضطر واستني لما المشكلة تبقى واضحة واروحلها تاني واقوله شوفت اهيه بانت اهيه ويفك ويخلص شغل في خمس دقايق
المشكلة ديه في كل العربيات القديمة والى ما فيهاش كشف وكمبيوتر اعطال ومش بتكشف عليها باجهزة بتضطر تعتمد على الصنايعي في التشخيص وده اسوء شي ء

انا اسف طولت بس ديه مشكلتي الازلية والى بتخليني ما اسيبش المنتدي هنا طول الوقت بحاول احدد مكان المشكلة واجيب قطعة الغيار واغيرها واشتري دماغي

طبعا أنتا أكتر واحد بتبقي حاسس بالعربية وتكون عارف اللى فيها بس عاوز أقولك على حاجة من فترة كان عندي مشكلة فى السوست روحت لعفشجي وعلشان أنا أول مرة أروحله ومش هروح تاني كبر الموضوع وعمل من البحر طحينة وقاللي المساعدين كلها تعبانة والسوست والعفشة ودخلني فى متاهات وكنت هصرف كتيييييييييير

روحت لوحد معرفة صديق راجل محترم واكتشف من مصدر الصوت ان العربية محتاجة بس كاوتشة شكمان وصدادات للمساعدين وسوستة واحدة فقال نغير الاتنين بالمرة وركب نفس العلايات

أما لو كنت سمعت كلام الاول كنت غير مساعدين ع الفاضي

أدينا ياسيدي بنتعلم وبنحاول نستفيد من تجارب بعضنا

تقبل تحياتي