الموضوع: مشكله في بداية التشغيل

المشاركة الأصلية كتبت بواسطة ehab mobarak

طيب يا استاذ احمد لو انا عليت الكهربا العربيه حاتكركر او تسك زي ما تسميها وخصوصا اني باستخدم بنزين 80 وليه في بداية الدوارة بس واول دقيقتين تلاته وبرضه انت علي السلانسيه ال rpm يعلي بالتدريج يعني الاسبراتير ما خدش ادفانس من الكربراتير او من الموتور وهو مش المفروض ان ال rpm يبتدي عالي عشان السخان وبعد كده يوطي اللي بيحصل العكس ارجو مزيد من التوضيح لوجهة نظرك وشكرا علي الاهتمام

بص ياباشا انا عاوز اوضحلك شوية حاجات

واضح من كلامك ان التشوك عندك مش شغال ودة وظيفته انه يعلي عدد لفات الموتور فى بداية الدوراة لحد ما العربية تسخن ومع اول ضغطة على بدال البنزين بيفصل التشوك ويرجع الا ار بي ام لوضعه الطبيعي

ثانيا موضوع التسقيف او الكركرة دة لية سببين الاول أن الكهربا عالية والحاجة التانية رجل السائق مش حساسة كفاية لبدال البنزين وحتي لو بيحط 92 والكهربا مظبوطة طبعا لو رجلو مش حساسة العربية هتسقف بردو

اما استفسارك عن ارتفاع الار بي ام فدة طبيعي يعني السلانسية مثلا يكون مظبوط عندك على 9.5 بس اول ماتدرو العربية بتلاقية على 8 وكل مايعدي الوقت والعربية تسخن بيزيد الار بي ام شوية شوية لحد مايوصل لـ 9.5

حاجة تانية وعلى فكرة ان معنديش التشوك شغال ولا بفكر اغيرة لانه من وجهه نظري مش ضروري اوي ماهي العربية على مادورها وامسح الازاز واحط الغطا فى الشنطة واسمي الله واقول دعاءالركوب تكون العربية سخنت

وارجو ان اكون اضفت لك معلومة جديدة ولو بسيطة
تقبل تحياتي