الموضوع: تركيب لقمتين فقط من التيل الجديد !!

مع أحترامى لمعايك الكلام الى حضرتك بتقولة غلط كلة التيل لما بيتنحل بيتنحل الاثنين مع بعض مش وحدة أبدا فلازم يتغير الجنب كلة يعنى العجلة كلها لان منظومة الفرامل لو عملت الى بتقولة كدة بتقل كفائتنها بالظبط زى الى لابس جزمة جديدة وفردة تانية قديمة هلاقى كعب دية مفارق عن دية وهتبقى غير مريحة فى المشى ودة مثال توضيحى بسيط للفكرة فغير طقم ور أو طقم قدام كامل علشان تاخد فرامل متماسكة وربنا يسترها علينا جميعا وتحياتى

المشاركة الأصلية كتبت بواسطة moumen_hs

مع أحترامى لمعايك الكلام الى حضرتك بتقولة غلط كلة التيل لما بيتنحل بيتنحل الاثنين مع بعض مش وحدة أبدا فلازم يتغير الجنب كلة يعنى العجلة كلها لان منظومة الفرامل لو عملت الى بتقولة كدة بتقل كفائتنها بالظبط زى الى لابس جزمة جديدة وفردة تانية قديمة هلاقى كعب دية مفارق عن دية وهتبقى غير مريحة فى المشى ودة مثال توضيحى بسيط للفكرة فغير طقم ور أو طقم قدام كامل علشان تاخد فرامل متماسكة وربنا يسترها علينا جميعا وتحياتى

شكرا لحضراتكم على الرد
أنا من فترة غيرت التيل الأمامي وكان فيه قطعة واحدة بس "الخارجية للعجلة الشمال" هي إللي تأكلت تمام لغاية ما بقت الحديدة بتاعة التيل هي إللي بتمسك على الطنبورة أما الثلات قطع الآخرى " بما فيهم القطعة الداخلية المقابلة للتيل الخلصان" كان لسة فيهم حوالي النصف أو الثلث بس طبعا غيرت الأربع قطع

وأعتقد إن ده طبيعي لأن سطح الطنبورة الخارجي غالبا بيكون أخشن من السطح الداخلي وكمان وارد إن تكون طنبورة أخشن من الثانية فتاكل تيل أسرع

المشاركة الأصلية كتبت بواسطة moumen_hs

لان منظومة الفرامل لو عملت الى بتقولة كدة بتقل كفائتنها بالظبط زى الى لابس جزمة جديدة وفردة تانية قديمة هلاقى كعب دية مفارق عن دية وهتبقى غير مريحة فى المشى ودة مثال توضيحى بسيط للفكرة فغير طقم ور أو طقم قدام كامل علشان تاخد فرامل متماسكة وربنا يسترها علينا جميعا وتحياتى

المشاركة الأصلية كتبت بواسطة ainshouka

كده ممكن عند الفرمله الفجائيه تلاقى العربية لفت منك لانك حيكون فيه تيل بيمسك 100% على جنب والجنب القديم بيمك 50% مثلا

طيب هو مش في بستم بيتعاير على مقاس التيل وسهل إنه يظبط في عجلة مثلا يكون أوسع من العجلة الثانية بحيث إن تتساوي مسافة حركة التيل عند ضغط الفرامل لأن حركة الزيت واحدة في الأصل

كمان قبل ما أغير التيل الغير متساوي مكنتش بحس إن العربية عايزة تلف مني ومكنشي العفشجي لو فك العجلة والتيل بيراعي عند اعادة تركيبه إنه يرجعه بنفس الترتيب في الأمكان السابقة

دمتم بخير

المشاركة الأصلية كتبت بواسطة besso

الكلام اللي بيقوله الاستاذainshouka‏ مظبوط
لان كده زمن التأثير الفرملي في عجله هايبقي اطول من التانيه وده يخليها تلف فعلا وده وارد حتو لو محصلش مع حضرتك لانه بيتوقف علي ظروف الطريق وحاله الكاوتش وتصميم العربيه

+كمان لما حضرتك تيجي تغير التيل اللي لسه فيه ده هايكون التاني فيه فهاتعمل نفس الحركه بردو

يعني حضرتك تقصد لازم 4 قطع التيل يكونوا نفس السمك علشان يكون التأثير متساوي ..... طيب أنا كده في نقطتين مش فاهمهم

الأولى لما بنيجي نغير التيل مستحيل يكون 4 قطع تأكلوا بنفس المقدار (بسبب اختلاف نسبة خشونة السطح الخارجي والداخلي للطنبورة واختلاف اليمين من الشمال) وبالتالي مستحيل يكون الباقي في التيل متساوي ...... ليه العربية مبتلفش وخصوصا لو عربية قديمة بدون ebd ؟؟

الحاجة التانية موضوع البستم إللي بيتعاير هل ممكن يتظبط بحيث تكون المسافة في العجلة اللي فيها التيل القديم أضيق من المسافة في العجلة اللي فيها التيل الجديد؟؟ ولا نظامه لا يسمح بالتحكم في ناحية واحدة؟؟

المشاركة الأصلية كتبت بواسطة dr\mohamed

يعني حضرتك تقصد لازم 4 قطع التيل يكونوا نفس السمك علشان يكون التأثير متساوي ..... طيب أنا كده في نقطتين مش فاهمهم

الأولى لما بنيجي نغير التيل مستحيل يكون 4 قطع تأكلوا بنفس المقدار (بسبب اختلاف نسبة خشونة السطح الخارجي والداخلي للطنبورة واختلاف اليمين من الشمال) وبالتالي مستحيل يكون الباقي في التيل متساوي ...... ليه العربية مبتلفش وخصوصا لو عربية قديمة بدون ebd ؟؟

الحاجة التانية موضوع البستم إللي بيتعاير هل ممكن يتظبط بحيث تكون المسافة في العجلة اللي فيها التيل القديم أضيق من المسافة في العجلة اللي فيها التيل الجديد؟؟ ولا نظامه لا يسمح بالتحكم في ناحية واحدة؟؟

ياريت لو حد عنده علم يفيدني

المشاركة الأصلية كتبت بواسطة besso

معلش اتاخرت علي حضرتك في الرد

انا نسيت اسأل حضرتك اصلا الفرامل ورا ديسكات ولا طنابير
لو دسكات يبقي انسي الكلام اللي انا قولته لان الديسكات بتظبط المسافه بين التيل والطنبوره لوحدها يعني بالبلدي بترجلش نفسها

لكن لو طنابير يبقي الوضع مختلف لان اصلا تصميم فرامل الطنابير بيبقي فيها سوسته ترجع التيل لوضعه بعد ماحضرتك تشيل رجلك من علي الفرامل علشن كده الفرامل دي بتحتاج رجلأش كل فتره لان التيل بيتاكل والمسافه بتزيد
فلو انت هاتغير تيل جديد في ناحيه وتسيب الجنب التاني بالقديم اصبح الخلو بين التيل مختلف في العجلتين ودي تبان لو حضرتك شديت فرامل اليد علي سرعه والعربيه غير مجهزي بأي وسائل امان العربيه هاتلف
حلها انك ترجلش العجله اللي تيلها قديم
بس كده انت هاتخش في دوامه لانك لما تيجي تغير التيل تاني هتلاقي نفس القصه

شكرا لحضرتك على الاهتمام
أنا عندي 4 عجلات طنابير
هما السوستتين اللي بيمسكوا التيل هما دول إللي حضرتك تقصدهم بيرجعوا التيل مكانه تاني؟؟ وهما دول إللي بيترجلشوا؟؟