محتار والله بجد فى شراء عربية فى حدود 100 الف

**africano19_5** · 18-04-2015 01:31 PM

بصوا يا جماعة من الاخر يعنى انا مقررانى اشترى عربية وتكون فى حدود 100 الف متزدش يعنى وكنت مقرر انى اختار الافيو وبعد ما دخلت منتداكم العظيم فوجئت بسيل من العيوب داخل العربية وان تقفيلها زبالة بخلاف عيوب لا تنتهى ده الاكتر من كدة انى سألت عن العربية المانيوال عند احد موزعى شيفروليه بالاقصر قالى دى بقالها اكتر من 7 شهور منصور منزلهاش يعنى رضينا بالهم والهم مش راضى بينا انا مش هجيب الفيرنا الجديدة انا بكره شكلها اصلا ومش هجيب نيسان صنى بردوا من كلامكم انا اتعقدت كل شوية ادخل على صفحات المنتدى تعجبنى متسوبيشى اتراج الاقى حد يقول موتورها 1200 مش اد كدة عجبتنى عربية بريليانس s30 دخلت على صفحة العربيات البريليانس لقيتها مش موجودة اصلا فى السوق المصرى مع انها بتظهر فى كل المنتديات وضيف لذلك انها صينى انا زهقت شكلى مش هشترى ومحدش يقولى اشترى مستعمل على جثتى قولولى اعمل ايه بجد جبت اخرى وشكرا واسف للاطالة

تم تعديل العنوان ودمج المواضيع المكررة والنقل للمقارنات
م.ع 7

**hardmind_doc** · 18-04-2015 02:17 PM

سانديرو او ستيب واى

**hotmail** · 18-04-2015 03:53 PM

انا لسه بفكرلك وان شاء الله هرد عليك اليوم او غدا

**ali ashraf** · 18-04-2015 05:52 PM

لو أقامة حضرتك فى الاقصر يبقى هيحد من اختيارتك يعنى لازم تشوف ايه انواع السيارات اللى منتشرة فى البلد و وفرة قطع الغيار و شطارة الصنيعية و وجود توكيل محترم لا تنسى هذه العوامل لأن السيارة مش شراء و بس و لكن من المهم خدمة ما بعد الشراء .....بعد كده تشوف احتياجك للسيارة هل مسافات بعيدة و لا قريبه طرق ممهدة ولا صعبة و مطبات , لفرد او اتنين او لاسرة كبيرة , الخ.... و بعد كده فى الاخر تفكر فى اى نوع بعد ما ترسى على الخطوط العريضة و بالتوفيق ان شاء الله

**aboadham** · 18-04-2015 07:01 PM

أهلا بيك أخى الكريم. انا كنت قريب عندك فى الأقصر ولاحظت انتشار الصنى الشكل القديم و ده بالتالى يفهم منه انتشار فطع الغيار و وجود الورش أو مراكز الصيانة اللى بتشتغل فى الصنى. انا عندى صنى الشكل القديم موديل 2009. و ساكن فى اسكندرية. سافرت بالسيارة من اسكندرية للأقصر كذا مرة فى الصيف و الشتا. ولله الحمد لايوجد أى مشاكل.طريق السفر هو اسكندرية - القاهرة الصحراوى ثم الصحراوى الشرقى لحد اسيوط ثم وصلة اسيوط - سوهاج - قنا ثم الصحراوى الشرقى قنا- الأقصر.ربنا يهديك للخير و ماتستعجلشو خد قرارك و انت مقتنع تماما.انا بس حبيت انقل لك تجربتى مع الصنى حبيبتى.

**dr.omar** · 18-04-2015 07:10 PM

يا اما تدبرلك 20 الف كمان وتجيب كيا ريو او تجيب اميجراند هي صيني صحيح لكن الناس بتشكر فيها

**fares_311** · 18-04-2015 09:49 PM

عندك اللوجان أو السانديرو
وعندك سوزوكي سويفت
فكر كويس حتلاقي حاجة كويسة تناسبك.

**hossam_elwani** · 19-04-2015 01:53 AM

الافيو و قفت ؟!

**africano19_5** · 19-04-2015 09:54 AM

بس دى عاملة 116,000
كمان قطع الغيار مش متوفرة وغالية

**africano19_5** · 19-04-2015 09:57 AM

أشكرك ,انا مستنى رد حضرتك ويارب يكون خير ان شاء الله

الموضوع: محتار والله بجد فى شراء عربية فى حدود 100 الف

LinkBack

أدوات الموضوع

عرض

-

المواضيع المتشابهه

والله العظيم احترت

يا جماعه برجاء الافاده انا تعبت واللهى

محتار بين يوكاهاما وميشلان t ايهم افضل دلوقتي انا محتار بين نوعين من الكاوتشات 185/6

للبيع كيا اسبكترا زيرو يا جماعه واللهى ولقطه حلوه

الكلمات الدلالية لهذا الموضوع

المفضلات

المفضلات

ضوابط المشاركة