محتار والله بجد فى شراء عربية فى حدود 100 الف

**eng. mostafa** · 21-04-2015 11:41 AM

بص انا كنت واقع في نفس حيرتك, وكنت عايز نفس متطلباتك كدة, وبعد ما قرأت كتير وكتير وعايز عربية في حدود ال 100 الف اوتوماتيك, فحصرت الاختيار ما بين عربيتين:

1- الرينو لوجان او السانديرو, ودول فئة تانية اوتوماتيك عاملين 103 و 104 الف جنيه, وفيهم اوبشنز كتير, زجاج كهربا ومريات كهربا و abs واتنين ايرباج وكومبيوتر رحلات

2- السوزوكي سويف الهاتشباك او الديزاير, سعرها في التوكيل عامل 103 الف, والناس بتشكر فيها وموفرة في البنزين وشكلها حلو وعربية ياباني تقفيل هندي وفيها معظم الاوبشنز زي اللوجان ومحركها 1200 سي سي والناس بتقول عليه حلو ومش مقصر معاهم

فشوف انت اني احسنلك فيهم, وبالنسبة لنقطة التوكيل بقي في الاقصر فدي معرفهاش بصراحة انت اسأل فيها

**africano19_5** · 21-04-2015 12:51 PM

شكرا على الرد باشمهندس مصطفى انا هحاول اتاكد مين من دوول انسب ليا وان كنت انا بدور على العربية اللى توفرلى بنزين وقطع غيار متوفرة اتمنى تكون عربية من دوول فيها المواصفات دى واشكرك لاهتمامك

**zohdy** · 22-04-2015 02:34 AM

كل المناطق ده قريبة ولا تعتبر سفر ممكن تقول الغردقة بس مش متعب ل ١٢٠٠ سي سي
في برضو عربية ممكن تضعها في الحسابك byd f3 عربية اثبتت انها بدون مشاكل

**africano19_5** · 22-04-2015 09:16 AM

شكرا استاذ زهدى بس انا العربية دى صينى سبق فى مشاركة ليا وضحت ان ليا قريب جايب اميجراند جيلى وكل اللى حواليه معقدينوا منها مش لشئ غير انها بس صينى بس انا لو فكرت فى الصينى بفكر بس فى اسييرانزا تيجو وبردوا حاليا بعيد عن حساباتى انا على فكرة كان كل تفكيرى فى الاول منصب على العربية الافيو بس من كلام حضرتك والاخوة فى المنتدى الرائع غيرت رأيى ادعيلى بقى يهدينى ربنا فى حاجة كويسة وشكرا ليك وللجميع كتر خيركم