محتار والله بجد فى شراء عربية فى حدود 100 الف

**africano19_5** · 19-04-2015 10:08 AM

العضو hotmail شكرا للردك واتمنى الاقى الخير فى اهتمامك ان شاء الله

**africano19_5** · 19-04-2015 10:13 AM

hotmail شاكر لحضرتك ومستنى ردك

**africano19_5** · 19-04-2015 10:16 AM

ali ashraf شكرا للرد حضرتك بس المشكلة ان اغلب العربيات هنا افيو ولانوس وفيرنا ومنها اللى تفقيله مصرى وعيوب الصناعة ومشاكلها اللى اصحابها بيحكولى عليها عشان كدة كتبت الموضوع ده وانا فى حيرة فعلا لكن بوجودكم مش قلقان ونصايحكم بستفيد منها

**africano19_5** · 19-04-2015 10:19 AM

شكرا ليك أبو ادهم على ردك بس حضرتك لو دخلت على صفحة عربيات النيسان هتلاقى مواضيع كتير عن الصنى 2015 وكلها مرعبة يكفى انها تقفيل مصرى وفراملها مش مرتاحة اما الشكل القديم فأنا مش بثق فى المستعمل لانها لو كويسة مع صاحبها طب ليه يبيعها بس عايز أسألك فى حاجة هو أنا لو رحت معرض دلوقتى ممن أطلب منه نيسان صنى الشكل القديم على الزيرو وتبقى موجودة طب والشكل القديم ده موديل سنة كام وشكرا ليك

**africano19_5** · 19-04-2015 10:22 AM

دكتور عمر شكرا للردك بس انا مش هجيب صينى ابن عمى جايبها والناس كلها مكرهاه فى العربية مش عشان شئ الا انها صينى وبالنسبة انى ازود فى تمن العربية مش عارف اللى بسمعه اليومين دول عن سرقة العربيات يخللينى مخاطرش بأكتر من كدة فى عربية وشكرا ليك

**africano19_5** · 19-04-2015 10:26 AM

أستاذ فارس شكرا للردك طب فكر انت معايا اللوجان والسانديرو 115,000 وبالنسبة للسوزوكى سويفت ممكن بس السويفت ديزاير على ما اعتقد وان كان موتورها بردوا مشكلة 1200 سى سى

**africano19_5** · 19-04-2015 10:29 AM

أستاذ حسام أشكرك على الرد بس ياريت تدينى معلومى كاملة عن توقف الافيو اللى اعرفه ان المانيوال متوقف وعاوز اعرف لامتى من حضرتك واشكرك

**ahmed.zahra** · 19-04-2015 12:39 PM

هات سوزوزكي سياز الجديدة و كمل باقي تمنها بالتقسيط

**dr.omar** · 19-04-2015 08:42 PM

صعب اوي عربية فيها immobilizer تتسرق الا اذا مفتاحها نفسه اتسرق منك
دا غير انك تقدر تركب لها ملحقات ضد السرقة

**aboadham** · 20-04-2015 10:48 AM

يوجد صنى شكل قديم موديل 2015 و سعرها من 108 الى 112 حسب المكان اللى حاتشترى منه.بس خللى بالك السيارة بدون abs.فيه حد من اعضاء القسم لسه شارى و كان عامل تقرير.ياريت تراجع الموضوعات الموجودة