محتار والله بجد فى شراء عربية فى حدود 100 الف

**africano19_5** · 20-04-2015 11:00 AM

شكرا أبو أدهم بس فى رأى حضرتك النيسان صنى الشكل القديم 2015 واللا رينو ستيب واى المانيوال والاتنين فى نفس السعر تقريبا اللى حضرتك بتتكلم فيه تنصحنى بأيه من حيث وفرة البنزين وقطع الغيار والأوبشن الموجود فى العربية

**africano19_5** · 20-04-2015 11:11 AM

أستاذ أحمد شكرا على الرد بالنسبة للتقسيط لو انا رحت توكيل او معرض ودفعتلوا المبلغ الاكبر من تمن العربية واتبقى عليا مثلا سبع الاف هيضيف عليا فوائد واللا هيدينى العربية ويبقى المبلغ اللى عليا بس لانه حرام ادفع فوايد على مبلغ زى ده يا ريت اسمع رأيك ورأى أى حد من الملمين بالموضوع ده

**ahmed.zahra** · 20-04-2015 12:06 PM

هو طبعا اي معرض حيضيف عليك فوائد بس حتكون بسيطة يعني 9% تقريبا على المبلغ المتبقي في السنة يعني لو زي ما حضرتك قلت المبلغ المتبقي 7 ألاف حنضربهم في 9% فائدة يبقى المبلغ 7630 نقسمهم على 12 شهر يبقى القسط الشهري تقريبا 636 جنيه. بسيطة ان شاء الله و ربنا يوفقك للخير

**africano19_5** · 20-04-2015 12:45 PM

شكرا أستاذ احمد على الرد السريع بس هياخد منى القسط منى له كدة مباشر واللا بردوا هيحولنى على بنك وافتح حساب والقصة دى وهل لو منى له كدة امان ومعلش بزعجك باسألتى

**aboadham** · 20-04-2015 04:17 PM

ممكن تدخل على قسم رينو و تشوف المداخلات الخاصة بها من ملاكها و رايهم فيها بعد الاستخدام. حاجة ثانية لازم تخلى بالك منها و هى انتشار الرينو فى الاقصر و وجود مراكز الخدمة و الصيانة.لكن انا باكلمك عن الصنى لانها معايا من الزيرو و لمدة 6 سنوات.ربنا يوفقك للخير

**dr.omar** · 20-04-2015 10:39 PM

المعرض ما بيقسطش
هو بياخد فلوسه كاملة او البنك بيكملهاله وانت تدفع بعد كدة للبنك
وخلي بالك لو هتقسط هيشترطوا عليك تدفع تأمين شامل على العربية في حدود الفين او 4 الاف جنيه حسب تمنها

**zohdy** · 21-04-2015 12:06 AM

شوف اذا كنت بتسافر يبقا تختار بين العربيات 1500 سي سي او 1600 سي سي
وهنا ارشح ليك لوجان او زود شوية الجين2 احسن بكتير
وعمل حسابك انك تعمل الصيانة في القاهرة مثلا
واذا كنت لا تسافر 1200 سي سي جيده جيدا في المدينة
سوفت او اتراج او اي 10 مايجن كله محصل بعض
وحط معيار الوكيل الاقرب ليك

وشكرا

**africano19_5** · 21-04-2015 09:57 AM

شكرا ابو ادهم على مشاركاتك بس ليا ملاحظة بالنسبة لنيسان صنى واضح ان حضرتك مرتاح فيها وكنت رشحتلى النيسان بس الشكل القديم سؤالى لو رحت لاى معرض يقدر يوفرلى العربية لانى اعتقد مفيش توكيل لنيسان بالأقصر وكمان ازاى اعرف ان دى الشكل القديم مش الجديد وكمان انها موديل 2015 ومعلش عاوز اسألك هى الشركة تنتج نوعين شكل قديم وجديد لنفس العام ده عادى يعنى واشكرك لاهتمامك

**africano19_5** · 21-04-2015 09:58 AM

شكرا دكتور عمر على المعلومة شكلى كدة افضل احاول اوفر المبلغ اللى فاضل بعيد عن التقسيط والعك ده

**africano19_5** · 21-04-2015 10:00 AM

شكرا استاذ زهدى انا مشاويرى هتبقى داخل الاقصر اغلبها بس يمكن افكر اروح اسوان مرة فى السنة او الغردقة هل عربية موتورها 1200 سى سى تبقى بردوا مناسبة

الموضوع: محتار والله بجد فى شراء عربية فى حدود 100 الف

LinkBack

أدوات الموضوع

عرض

-

المواضيع المتشابهه

والله العظيم احترت

يا جماعه برجاء الافاده انا تعبت واللهى

محتار بين يوكاهاما وميشلان t ايهم افضل دلوقتي انا محتار بين نوعين من الكاوتشات 185/6

للبيع كيا اسبكترا زيرو يا جماعه واللهى ولقطه حلوه

الكلمات الدلالية لهذا الموضوع

المفضلات

المفضلات

ضوابط المشاركة