يا اهل الخبرة يا اللي معاهم بيجو 301

**مصطفى عصام** · 08-09-2015 09:12 PM

انا عايز اسأل اهل الخبرة في المنتدى هنا عن البيجو 301 من ناحية

الثبات اخباره ايه معاكم؟
وهل الدركسيون من النوع اللي بيكون خفيف والعربية واقفة وبيتقل لما العربية تمشي؟
وهل الباور زيت والا كهرباء؟

وياترى في فرق بين اني اشتري من الوكيل cdcm واني اشتري من اي موزع معتمد علماً انه مفيش اي فرق في السعر؟

ياريت اهل الخبرة يردوا على سؤالي وشكرا

**مصطفى عصام** · 09-09-2015 03:48 PM

ياجماعة فين اهل الخبرة

بيجو 301 يارجالة

**Mahony** · 10-09-2015 05:41 PM

اخي مصطفى عصام

انا ح استلم سيارتي بيجو ٣٠١ خلال اليومين دي بمشيئة الله . حاليا بأستخدم بيجو ٢٠٧ موديل ٢٠١٢ .
الثبات في البيجو أفضل بكثير من اي عربية من نفس الفئة في الشركات الكوري و الياباني .
الدركسيون بيشتغل بنظام ضغط الزيت و قد يكون في اختلاف في حساسية الدركسيون مع سير العربية ، عادة في السرعات العالية تكون العربية اكثر استجابة لحركة الدركسيون ، عشان كده فيه نظام ب يتقل في الدركسيون في السرعات العالية .... و دي الميزة عادة تلاقيها في العربيات الأوربية .
تحياتي

**مصطفى عصام** · 10-09-2015 06:12 PM

طيب ياريت تقولنا تقريرك اول ما تستلم

وربنا يبارك لك فيها ويكفيك شرها

**د.مروان راغب** · 12-09-2015 04:22 AM

انا اشتريت العربية من التوكيل (فرع صلاح سالم) حجزتها فى يناير و استلمتها فى مايو.
انا عامل بيها حتى اﻷن حوالى 4000كم ، العربية اوتوماتيك هاى لاين ،تقييمى العام جيد جدا،العربية حلوة اوى بشكل عام بس ممكن اقولك على بعض الملاحظات البسيطة:
1-طلعة العربية تقيلة شوية بس بعد التانى بتفتح فى السرعة و السحب.و مفيش نتشة بين الاول و التانى.
2-صوت الموتور عالى و تحديدا مع التكييف بس عزل الصوت كويس.
3-الفرامل كويسة جدا.
4-استهلاك البنزين معقول جدا.
اخر حاجتين فى مقارنة مع اوكتافيا فانتازيا:
5-الثبات:حتى 140 و بعدها تبدأ تحس ان العربية خفت اما الاوكتافيا لحد160 او 170.
6-العفشة:مش ناشفة زى الكورى و لا ناعمة اوى زى الاوكتافيا هى تقريبا زى كورولا 2013.

...

**مصطفى عصام** · 12-09-2015 05:18 AM

الدركسيون يا دكتور مروان بيتقل على السرعات العالية؟

**د.مروان راغب** · 12-09-2015 01:14 PM

انا مش قادر احدد حكاية التقل دى لانى ما ركزت معاها بس اللى اقدر اقوله ان بعد ال100 ما بحس بتعويم وﻻ محتاج امسك الدركسيون بايدى الاتنين لانه ماسك نفسه كويس.

**مصطفى عصام** · 12-09-2015 04:49 PM

ربنا يبارك لك يادكتور انا ناوي ان شاء الله اشتري بعد العيد بس هشتري من موزع معتمد لاني مش حمل اني استناهم تلات شهور بصراحة
وان شاء الله هجيب اوتوماتيك بيز لاين

**د.مروان راغب** · 13-09-2015 02:00 AM

ربنا يوفقك ان شاء الله.

**د.مروان راغب** · 13-09-2015 02:10 AM

اسأل فى B Auto كانوا عاملين overprice الف جنيه مش زى معارض تانية بتزود الفين او اكتر.
و اسأل برده فى التوكيل فرع صلاح سالم اوقات بيبقى عندهم دفعات جاهزة على التسليم.و بالسعر الرسمى.
الsales هناك اسمه كريم نبيل ذوق و متعاون جدا و رقمه 01006480947.