الموضوع: يا اهل الخبرة يا اللي معاهم بيجو 301

المشاركة الأصلية كتبت بواسطة مصطفى عصام

انا عايز اسأل اهل الخبرة في المنتدى هنا عن البيجو 301 من ناحية

الثبات اخباره ايه معاكم؟
وهل الدركسيون من النوع اللي بيكون خفيف والعربية واقفة وبيتقل لما العربية تمشي؟
وهل الباور زيت والا كهرباء؟

وياترى في فرق بين اني اشتري من الوكيل cdcm واني اشتري من اي موزع معتمد علماً انه مفيش اي فرق في السعر؟

ياريت اهل الخبرة يردوا على سؤالي وشكرا

الثبات ممتاز علي أي سرعة
باور الدركسيون كهربا مافيش منه مشاكل خفيف علي الواقف و بيتقل مع السرعة
الموتور صوته عالي و لكن العزل مش بطال
المشكلة في زحمة التوكيل وإنه ما بيحلش مشاكل العربية إلا بعد زهق ووقت طويل(يعني حسب إستعدادك ووقتك و صبرك) و كمان لازم تسأل عن وقت الضمان لكل حاجة في العربية لأنهم مقطعينها حسب مزاجهم
يعني تيل الفرامل 10000
الطنابير الأمامية 20000
العفشة 30000
و هكذا يعني لازم تعرف الأول و المعلومات دي سهل تعرفها قبل ما تدفع و تستلم
ارجو لك خيرها و كفاك الله شرها

دكتور مروان واستاذ هوندا
ممكن حد يقولي الجواب النهائي في نوعية الزيت اللي مفروض نغيرها على 10000؟
وهل في تغيير زي على 1000 كيلو الزيت اللي بيبقى فيه الرايش بتاع الموتور؟

بصراحة معرفش انا لسه عامل 4000 كم بس زى ما قولت لحضرتك.

المشاركة الأصلية كتبت بواسطة مصطفى عصام

دكتور مروان واستاذ هوندا
ممكن حد يقولي الجواب النهائي في نوعية الزيت اللي مفروض نغيرها على 10000؟
وهل في تغيير زي على 1000 كيلو الزيت اللي بيبقى فيه الرايش بتاع الموتور؟

الزيت 30w 5 ده إللي بيحطه التوكيل كان موبيل و أصبح توتال الآن
مش فارق أما تغيير الزيت فبعد 10000 كم زي التوكيل ون كنت أفضل تغييره مع الفلتر عند صيانة 2500 كم لأن الموتور خشن و صوته عالي
فده هيريح صوته شوية لأنك بتنزل رايش التليين و بعد كده الزيت علي نضافة و سيبك من حكاية الموتور متلين لأنه متلين علي الواقف بدون حمل العربية ووزنها و حمل الجو و الحرارة و ده طبعا رأيي الشخصي لأن الموتور فعلا خشن و بعد تغيير الزيت بيهدي جامد بس بعد فوات الأوان

يعني ممكن اطلب من التوكيل يغير زيت وفلتر على 2500 عشان ابقى في الامان

وهل ده ينافي كلام بعض الناس ان الزيت الاصلي بتاع العربية بيبقى فيه كيماويات خاصى بالتليين؟

أساتذتي الكرام
لا تحتاج تغيير الزيت عند ٢٥٠٠ لانه غير مذكور في كتيب الشركة الصانعة ، و لكن لو حبيت تغيره عشان ترتاح نفسيا غير الزيت و الصفاية .
حط زيت 5W30 و يكون Synthetic عند ماركات معروفة بترومين ، شـل ، موبيل ، توتال .
توتال شركة فرنسية عشان كده البيجو يقول لك حط توتال ، بس كلهم نفس الزيت و اللي ح يفرق اسم الشركة الصانعة .

المشاركة الأصلية كتبت بواسطة مصطفى عصام

يعني ممكن اطلب من التوكيل يغير زيت وفلتر على 2500 عشان ابقى في الامان

وهل ده ينافي كلام بعض الناس ان الزيت الاصلي بتاع العربية بيبقى فيه كيماويات خاصى بالتليين؟

ممكن طبعا و هيقولوك مالوش لازمة تكلفة علي الفاضي و ممكن تشتري انت الفلتر من عندهم و تجيب الزيت من برة وهم يغيروه بس مصنعيتهم غالية أو تغيره برة بس اشتري فلتر الزيت من عندهم
و الموضوع مش راحة نفسية و لا حاجة دي راحة للموتور وراحة لأذنيك بعد كده