الموضوع: التقرير الثانى لصيانة الشاهين بأسعار قطع الغيار والمصنعيات

[img3]http://i.imgur.com/SUAgH.png[/img3]

التقرير الثانى لصيانة للشاهين
بأسعار قطع الغيار والمصنعيات





أولا : مشط الاسبراتير



من يومين العربية طفت فجأة وهى بتسخن ... حاولت معاها كتير وغيرت البوجيهات وشاكوش الاسبراتير ومشط الاسبراتير
بس لما جيت اركب الاسبراتير حسيت انى بعك خوفت يكون ركب سنة يمين او شمال غلط فى الماتور ويبوظ الدنيا
اتصلت بالميكانيكى واتفقت معاه يجيلى البيت
طبعا ذل السنين لمعالى الباشا كل شوية تليفونات ليه وجاى اهو ومفيش فايده
فى الآخر روحت جبته أنا من الورشة بالعافية على الموتوسيكل
جه قعد يلف الاسبراتير لحد ما دارت بس مشيت بالعافيه وبتقطع وبتطفى
قالى هات مشط جديد
جبت مشط من اوريجنال
جبت الماجنيتك ماريلى التركى الاصلى بـ 180 جنيه
كنت جايبه من حوالى سنتين تلاته بـ 125 جنيه
واول ما ركب اشتغلت مضبوط والحمد لله
دفعت مصنعية 40 جنيه لتغيير المشط علشان جه البيت





ثانياً : ماستر الفرامل العمومى



فرامل العربية مش مضبوطه بقالها فترة لما بكون ماشى بهدوء وبضغط فرامل براحة بلاقى الدواسة طرية قوى وبتوصل للآخر ومفيش فرامل خالص
انما لو كبست بقوة متوسطه عادية بتمسك كويس
روحت لميكانيكى قالى دروة الفرامل فيها هواء واخد الهواء وبقت تمام وتانى يوم ولا كإن أى حاجه اتعملت رجعت تانى طريه !!!
روحت لميكانيكى تانى قالى الماستر العمومى عايز يتغير
جبت ماستر عمومى ايطالى بـ 130 جنيه وعلبه زيت باكم بندكس ب 15 جنيه
وتم التركيب واخد الهواء من 4 عجلات ودفعت مصنعية 45 جنيه
والفرامل بقت ممتازة ولله الحمد ربنا يدمها نعمه وتفضل كده





ثالثا : تغيير المساعدين الخلفيين

اشتريت مساعدين مونرو خلفى للشاهين بـ 310 جنيه من توكيل مونرو فى طنطا بضمان لمدة عام
وروحت للعفشجى وتم التركيب وغيرلى كاوتشة ياى واحده من عنده وربطلى على العفشة واخد مصنعيه 50 جنيه
زمان كان فيه صوت هبده لما بعدى من على مطب بسرعه متوسطه
دلوقتى الحمد لله مفيش الكلام ده وبحس ان العربية بقت حته واحده




تمت بحمد الله


للاطلاع على تقرير الصيانة السابق على الرابط

http://www.nilemotors.net/Nile/459805-a.html