رد مع اقتباس
الراجل ده مدفوع من الاخوان الحاقدين
دايما كارهين مصر واي تطور في البلد
سيبوا الناس تبدع حرام عليكو
النتائج 1 إلى 10 من 39
الموضوع: كلام في الحب
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
كلام في الحب -
انشر الموضوع فى : hasad">مقال جميل أردت أن أنقله لكم
ملحوظة هامة: كاتب المقال مسيحي اسمه مينا منسي أنيس صليب ، عشان الاتهامات المعلبة اللي كلكوا عارفينها ، إليكم نص المقال:
"ولع سيجارتك و هات فنجان قهوتك و تعالى ركز معايا كدة في التواريخ و الاسعار
- بتاريخ الاثنين ٢٢ فبراير ٢٠١٦ من ٣ أسابيع محافظ البنك المركزي طارق عامر قال في فيديو مصور : «السيسي يتركنا نبدع.. ولا نفكر في تخفيض قيمة الجنيه» ركز قال من ٣ اسابيع لا نفكر في تخفيض قيمة الجنية
- بتاريخ ٨ مارس قرر البنك المركزي برئاسة طارق عامر انه يلغي الحد الاقصى للايداعات في البنوك يعني بدل ما كنت تقدر تودع مبلغ محدد يوميا تقدر تودع بدون حد اقصى يعني تشتري دولارات او تدبرها من البنك براحتك و تحط في حسابك البنكي يا معلم
- بتاريخ الخميس ١٠ مارس ٢٠١٦ بعد يومين من رفع الحد الاقصى للايداعات بالنقد الأجنبي :: أعلن البنك المركزى المصرى يوم الأحد ضخ 500 مليون دولار فى عطاء استثنائى بديلًا عن العطاء الدولارى الدورى، الذى كان مقررًا اليوم بنحو 40 مليون دولار للبنوك العاملة فى السوق المحلية بسعر 7.8301 جنيه للدولار.
☆ يعني البنك المركزي باع ٥٠٠ مليون دولار "نص مليار دولار" للبنوك بسعر 7.83 جنية ... باع امتى؟!!! بتاريخ ١٠ مارس و البنوك باعت جزء من الفلوس دي لمستثمرين و مستوردين و (مؤسسات) و الباقي احتفظت بيه منهم بنوك حكومية و بنوك أجنبية يعني اللي اشترى من اسبوع سواء البنوك او اللي اشترى من البنوك اشترى بسعر 7.83 جنية
خد بؤ قهوة و ركز معايا اكتر
- بتاريخ إمبارح اللي هو ١٤ مارس يعني بعد ٤ أيام فقط من بيع طارق عامر لنص مليار دولار بسعر 7.83 رفع طارق عامر سعر الدولار ليصبح 8.85 قرش يعني بزيادة سعر 1.12 قرش يعني اللي اشتروا النص مليار دولار من ٤ ايام فقط كسبوا رسمي فهمي نظمي 1.12 على كل دولار يعني كسبوا في ٤ ايام فقط ٥٦٠ مليون جنية بسبب قرار طارق عامر في خبطة واحدة .. مالك اتصدمت ليه من الرقم؟!! ايوة 560 مليون جنية مكسب (رسمي) في 4 ايام
شد نفس من السجارة و ادخل برجلك اليمين
السؤال الاول : لما النية مبيته لرفع سعر الدولار ليصل قيمته 8.85 جنية بشكل رسمي ليه طارق عامر باع 500 مليون دولار من ايام بس بسعر 7.83؟ مهو مصحيش امبارح الصبح قال اية الزهق دة انا هخفض قيمة الجنية قصاد الدولار ... لا طبعا القرار ميعادة متحدد من فترة.
السؤال التاني: مين هيتحاسب على اهدار فرق السعر بين 7.83 اللي اتباع به الدولار من ٤ ايام و سعر امبارح 8.85 ؟ كدة في ٤ ايام طارق عامر مخسر الدولة 560 مليون جنية لانه بايع الدولار بالرخيص بسعر مدعوم من ٤ ايام بس نص مليار دولار مخسر خزينة الدولة على كل دولار 1.12 جنية شوف انت 560 مليون جنية فرق سعر دول فيهم كام تصبيحة على مصر من اللي قال عليهم السيسي.
السؤال التالت : هل تم توجيه الدولارات دي من البنوك لصالح حسابات عملاء معينين سواء افراد او مؤسسات او شركات بعد قرار رفع الحد الاقصى للايداعات اليومية؟!!
السؤال الرابع: لو انت عايز تخفض قيمة العملة بفرض حس النية (اللي مش موجود) ازاي فجأة تخفضه 14% ليه محصلش دة بشكل تدريجي كل يوم قرش صاغ او اتنين؟!!
☆ مهو المفاجئة ان قرار بيع ال 500 مليار دولار حصل بعد ما البنك المركزي رفع الحد الاقصى للايداعات اليومية داخل الحسابات بيومين يعني من الاخر القرار متفصل عشان النص مليار دولار المدعومة تتباع و تدخل حسابات بدون حد اقصى و بعد 4 ايام اللي اشترى كسب 1.12 لكل دولار (رسمي)
نفتح الحد الاقصى للايداعات - نبيع نص مليار دولار بالرخيص - اشتروا و حطوهم في الحسابات و بعد ٤ ايام هكسبكم ٥٦٠ مليون جنية ( اكتر من نص مليار مكسب في ٤ ايام) عملية على ماية بيضة الدولة خسرتهم من خزينتها لصالح ناس معينين ... لا ياض مفتحين
المهم ان طارق عامر عشان يغلوش على النص مليار دولار اللي باعهم من كام يوم و اتعمل بيهم السبوبة بالسعر القديم راح طرح بالسعر الجديد 200 مليون امبارح و 200 مليون النهاردة قال يعني بيغرق السوق دولارات عشان يقضي على السوق السودة اللي هي في الأساس مستحيل تخسر البلد في ٤ أيام ٥٦٠ مليون جنية بس الباشا عملها و خسر خزينة الدولة فرق السعر
أنا مش معترض على السرقة لان دة العادي تحت حكم عصابة ... انا معترض على سذاجة السرقة يا اخي لو مش عارفين تلعبوها بصياعة عشان متتهرش بالشكل المفضوح دة ابعت قولي اظبطهالك .. ما ينفعش تبقى مهروشة كدة
خد نفس بقى من السيجارة و شد بوء قهوة و ارجع معايا لاول سطر كتبته في البوست اللي بتاريخ الاثنين ٢٢ فبراير ٢٠١٦ اللي قال فيه طارق عامر محافظ البنك المركزي بيقول : «السيسي يتركنا نبدع»
في اوربا و الدول المتقدمة دة لو حصل بيسموه سرقة لو ثبت استفادة افراد او شركات او مؤسسات معينين من القرارات و اللي اخد القرارات دي بيتحاكم و في اقل توصيف جنائي اسمه جريمة اهدار للمال العام ... هنا في مصر بيسموه ابداع و كمان برعاية الرئيس"
منقول حرفياوداعا
-
رقم العضوية : 167287
تاريخ التسجيل : 26Oct2014
المشاركات : 315
النوع : ذكر
الاقامة : عزبة ام بيومي
السيارة: تويوتا
السيارة[2]: تويوتا
الحالة :
-
-
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
-
في تطور سريع
تم تقديم بلاغ للنائب العام ضد المبدع طارق عامر بتهمة التربح واهدار المال العام
قلت سابقا انني لا أحسن الظن في طارق عامر لتورطه في تهريب الاموال مع جمال مبارك
وقلت ايضا ان الخطوة التالية هي استقالة هذا الرجل
http://www.elfagr.org/2066095وداعا
-
رقم العضوية : 62259
تاريخ التسجيل : 15Feb2010
المشاركات : 880
النوع : ذكر
الاقامة : tanta
السيارة: yarbbbbbbbbbb
السيارة[2]: Aveo 1.5 m.t 2009
دراجة بخارية: no
الحالة :
-
هارسود
يعني كل دا بيتلعب بينا وبفلوسنا
الله يحرقهم
-
رقم العضوية : 6280
تاريخ التسجيل : 23Feb2008
المشاركات : 2,284
النوع : ذكر
الاقامة : Alexandria
السيارة: TOYOTA Corrola 2007
السيارة[2]: KIA Cerato SX 2010
دراجة بخارية: N/A
الحالة :
-
الرد التفصيلى على الكلام الخطأ السطحى ده ............. منقول من الأستاذ مالك سلطان و هو على فكرة معارض للنظام ..... لكنه محترم
علشان بوست الإستاذ مينا و كل من طلبو تعليقى, الخبر اسفلة يشرح تفاصيل المزاد أبو 500 مليون دولار الذى تم على سعر 7.75 ثم بعدها بايام اصبح سعر الدولار 8.85, حيث يقول الإستاذ مينا ان أحدهم تربح بسبب ذلك بقيمة 560 مليون جنية, تحليل الخبر يخبرنا الأتى
أولا: ال500 مليون دولار كانو لتغطية طلبات إستيراد معلقة و لم يحصل أحدهم على الدولار نقدا
ثانيا: البنك المركزي حدد نصا طلبات استيراد معلقة وممولة من المستورد و ليس تمويل من البنك, بمعنى غير مسموح للبنك يأخذ الدولار من مزاد ال500 مليون ثم يعيد إقراضها, دة يعنى أن البنك غير مستفيد لو سعر الدولار في المزاد كان 7.75 و اصبح بعد ذلك 8.85
ثالثا: الطلبات المغطاة على راسها أدوية و سلع تموينية, هذه سعرها محدد و مفيش فيها مكسب زيادة نتيجة أن الدولار في المزاد كان 7.75 و اصبح بعد ذلك 8.85
رابعا: المزاد أيضا غطى معدات و ألات و مستلزمات إنتاج, نعم من إشترى مستلزمات إنتاج بسعر دولار 7.75 فهو دفع تكلفة اقل مقارنة مع من اشتراها بسعر دولار 8.85, لكن المعروف ان في مثل هذه مزادات تكون الأغلبية للأدوية و سلع التموينية و ليس مستلزمات إنتاج, لكن لا يوجد إفصاح تفصيلي في هذا الأمر
خامسا: فكرة المكسب نتيجة شراء معدات ب دولار 7.75 مقارنة مع دولار بعداها بايام بسعر 8.85 هي فكرة بها مبالغة بعض الشئ, التوفير في شراء الأصول طويلة الأجل سيتم إهلاكها على 10 سنوات مثلا لا يعتبر مكسب بالمعنى الحرفى
سادسا: تخيل مستلزم إنتاج يتكلف 10 على سعر دولار 7.75 و يتم بيعة بعد التصنيع منتج ب 13 بمكسب 3 جنية, حين يصل سعر الدولار إلى 8.85 يصبح التكلفة 11, لكن لتحديد من كسب و من خسر لابد من معرفة هل سعر المنتج سيظل 13 ام يرتفع ل14؟ المنتج لو رفع ل14 فمشترى المستلزم على تكلفة 10 المقابلة لدولار 7.75 فهو كسب 4 بينما منافسة تكلفتة 11 على سعر دولار 8.85 حقق مكسب 3 فقط لكن كلاهما بعد ذلك سيدفع 11 في ثمن المنتج فهو فرق مكسب مرة واحدة, فيظل السؤال أي مستلزمات تم تمويلها و نسبتها إلى 500 مليون مزاد و هل تايرها في المنتج النهائي كبير أم صغير و كيف تحرك سعر المنتج النهائي حتى يمكن تحديد هل يوجد مستفيد أم لا؟
المكتوب أعلاة هو شرح للخبر اسفلة
جريدة المال - عطاء الدولار الاستثنائى لتغطية المستندات غير المضمون...
-
رقم العضوية : 6280
تاريخ التسجيل : 23Feb2008
المشاركات : 2,284
النوع : ذكر
الاقامة : Alexandria
السيارة: TOYOTA Corrola 2007
السيارة[2]: KIA Cerato SX 2010
دراجة بخارية: N/A
الحالة :
-
طب بعد ماوضحنا و شرحنا ...... نعلق بقى على بوست مينا ..... مينا هو المقصود مش حد تانى ...... و على فكرة الكلام اللى جاى يمثلنى و هو للدكتور علاء حمودة :))))
قريت منشورين منتشرين عند الكلجية، عن "مصر تمتنع عن التصويت علي قرار الأمم المتحدة بمعاقبة قوات حفظ السلام حال ارتكابهم جرائم جنسية"..
الهراء دا بكل المنشورات العبيطة ردت عليه صفحة "ده بجد".. و خلصنا..
لينك الرد: https://goo.gl/uJVIkF
و بوست تاني جايب 15 ألف شير، عن إن قرار البنك المركزي بضخ مليار و نصف دولار، مع خفض ثمن الجنيه، دا "سرقة" لأن الحكومة وزعت علي البنوك بالسعر القديم و ارتفع سعر الدولار تاني يوم فيبقي اللي اشترى دولار استفاد..
و بعدين الناس اتهموا صاحب المنشور بالحمورية الخالصة - و هم على حق - فعمل بوست تاني بيقول فيه رداً عليهم: "و لما الضخ دا لسداد ثمن سلع حيوية و مواد خام، ليه البنك المركزي مايديش الدولارات للحكومة مباشرة بدل ما يديها للبنوك"...
بشكل ما، حد فهّم الخبير الإقتصادي اللي مشى وراه 15 ألف "ميني" خبير اقتصادي و قالوا "فعلا الكلام دا صح".. إن الدولار بنستورد بيه السلع عن طريق إننا نحطه في صناديق، و يطلع من البنك المركزي يتحمل علي تويوتا ربع طن.. أو إن الحكومة ممكن تاخده من البنك المركزي في أجولة.. و كل جهة حكومية تروح تاخد شوال دولارات...
مفيش اعتمادات مستندية مفتوحة من جهات لموردين في الخارج في بنوك أجنبية لها فروع في مصر.. و لا خطابات ضمان في البنوك لازم تستوفى قبل ما تتسيل.. و لا شيكات ضمان آجلة قيمة السلع دي .. لا.. مش محتاجين نودع في بنوك.. الحكومة تروح للبنك المركزي و تاخد منه و تركب تاكسي و تمشي...
و بيشير في الآخر - بعبقريته الإقتصادية - إن الحكومة لو عايزة تحارب السوق السودا.. "ترفع سعر الدولار قرش و للا اتنين".. في حل عبقري مذهل لدرجة مثيرة للقيء.. عشان تحارب السوق السودا اللي السعر عندها فارق عنك أكتر من 30%، ترفع السعر 1%.....!!!
لينك الخزعبلات: https://goo.gl/v6aEB4
معلش بقى عشان السؤال دا واقف في زوري بقاله خمس سنين.. هو دا مستوى ذكاء الناس اللي بتكتب الحاجات دي فعلا و تهيص و تعتبرها كوارث و فضايح؟
يعني انت تصورت فعلا إن الخارجية المصرية رفعت السماعة و قالت لممثلنا في الأمم المتحدة: "أوعى القرار دا يعدي.. التحرش الجنسي حلو.. فاهم؟ دافع عن التحرش الجنسي بأي ثمن".. و إن فعلا البيوع و الاستيراد و سعر العملة بيمشوا كده؟ و إن 1% فرق سعر حتأثر علي تاجر عملة بيلعب في 30%؟
يعني لما بتقرا دا.. مفيش عندك ذرة من المنطق تخليك تقول "مين العبيط اللي كاتب الكلام دا"؟
بتعدي علي فلاتر عقلك إزاي؟ الفص الأمامي عندك في المخ.. مقعد المنطق، بيشتغل إزاي؟
دا مستوى ذكاء اللى كاتب الكلام ده فعلا؟ و للا انتوا مغرضين؟ عشان هي واحدة من الاتنين دول.. مالهاش تالت...
و في حالة أي إجابة من الإتنين.. بتبدوا آرائكم بأنهي وش؟
و كنتوا عايزين تحكموا مصر إزاي؟
-
رقم العضوية : 177
تاريخ التسجيل : 25Apr2007
المشاركات : 1,037
النوع : ذكر
الاقامة : cairo
السيارة: opel astra
السيارة[2]: seat ibiza
دراجة بخارية: no
الحالة :
-
ياباشا مش مهم ريح دماغك . هوا وحش و خلاص.
المشاركة الأصلية كتبت بواسطة hobiko
هما مجموعة معروفة باللاسم هنا منهم المقيم خارج مصر و منهم المقيم داخلها
لاحظ انى قولت مقيم لانه مجرد عابر فى الحالتين لا ينتمى لهنا او اهناك غرباء فى اى بلد يروحوه ملوش انتماء غير لمصلحته الشخصية و جماعته اللى هما بدورهم مرتزقة و تجار دين
ميقدرش يفتح بقه غير فى الفضاء الالكترونى عشان هوا اجبن من يعلن كدا جهرا فى العلن
زيه زى الضباع تاكل ما تبقى من الاسود لانهم اجبن من الصيد و المواجهة-
-
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
-
نفرض ان الـ 500 مليون دولار راحوا للوفاء بالتزامات المستوردين اللي بضاعتهم في الميناء
هل المنتجات اللي استوردوها سوف تباع بالسعر القديم للدولار ، ام بالسعر الجديد؟
الاجابة المنطقية انها سوف تباع بالسعر الجديد بزيادة 15% عن السعر القديم
يبقى الفرق رايح لمين؟وداعا
-
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
-
كلام كبير قوي المشاركة الأصلية كتبت بواسطة sherifahmed
ياريت تخش على صاحب البوست و تقول الكلام الجميل ده
لانك هتلاقي ناس بتمدحه ، وناس بتلعنه ، من حقك تقف جنب الفريق اللي بتحبه
انما حكاية تاجر دين ومرتزقة ، واسعة شوية
https://www.facebook.com/mina.mansy....nf&pnref=storyوداعا
-
رقم العضوية : 6280
تاريخ التسجيل : 23Feb2008
المشاركات : 2,284
النوع : ذكر
الاقامة : Alexandria
السيارة: TOYOTA Corrola 2007
السيارة[2]: KIA Cerato SX 2010
دراجة بخارية: N/A
الحالة :
-
hasad"> المشاركة الأصلية كتبت بواسطة hilal
تانى حاجة ....... فرق ايه اللى بتكلم عليه ....... الناس ديه كانت بتجيب الدولار من السوق السودا بسعر قرب على 10 جنيه ....... يعنى موجة التضخم خلاص حصلت و اللى كان كان ...... يبقى بأى منطق لما البنك المركزى يرفع السعر من 7.75 الى 8.85 تضخم ايه اللى حيحصل و مكسب زيادة ايه ...... اذا كان اصلا البيع كمان حيتم فى السوق المحلية بالجنيه المصرى اللى مفروض قيمته قلت نتيجة ارتفاع الدولار !!!!!!!ثالثا: الطلبات المغطاة على راسها أدوية و سلع تموينية, هذه سعرها محدد و مفيش فيها مكسب زيادة نتيجة أن الدولار في المزاد كان 7.75 و اصبح بعد ذلك 8.85
الأقتصاد يا جماعة حاجة صعبة و معقدة و مش اى حد يتهم الناس بالباطل فى شرفهم و ذمتهم الا يبقى فاهم كويس بيقول ايه ...... و كفى بالمرىء كذبا يحدث بكل ما سمع
المواضيع المتشابهه
-
كلام في الحب!!! بس مش تبعى
بواسطة abdalla45 في المنتدى المنتــــــدى الاجتمــاعىمشاركات: 10آخر مشاركة: 08-12-2016, 09:21 AM -
الحب الحب .. فزاع وبيظوووو
بواسطة A7MED_PHARMA في المنتدى المنتــــــدى الاجتمــاعىمشاركات: 10آخر مشاركة: 12-01-2012, 11:35 PM -
الحب عطاء (حتي نتذكر ما هو الحب)
بواسطة النوبي في المنتدى المنتــــــدى الاجتمــاعىمشاركات: 1آخر مشاركة: 27-12-2009, 05:26 PM -
كلام رجالة و لا كلام صنايعية!!
بواسطة ashour في المنتدى المنتــــــدى الاجتمــاعىمشاركات: 0آخر مشاركة: 28-07-2008, 04:41 AM -
ليه يا جماعة مكتوب فى الجرايد كلام و الحقيقة كلام تانى خلاص
بواسطة Hacker5 في المنتدى المنتــــــدى العـــــــــــام للسيــاراتمشاركات: 17آخر مشاركة: 12-08-2007, 03:09 PM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات