يعنى ايه التيل بتاع الفرامل دا

**ainshouka** · 08-06-2009 08:57 PM

يعنى ايه تيل لزق وتيل شامبر وايه الفرق مابينهم ؟ومين الاحسن فيهم ؟

**samirayad** · 10-06-2009 01:12 AM

غريب أوى السؤال ده ................

ميكونش قصدك على التيل اللزق ......التيل الأمامى علشان بيبقى مستوى السطح ولما بندوس على الفرامل بيبقى شبه الحاجه الملزوقه ومستويه .........يعنى شكله عدل مثلا ........

وقصدك على التيل الشنبر ....التيل الخلفى ....لأنه بيبقى شبه الهلال أو نصف الشنبر وواخد شكل curve

زى الشنبر ..............الله أعلم

**ainshouka** · 11-06-2009 02:49 PM

اصل الميكانيكى اللى كنت بعمل عنده الفرامل قاللى ان الفرامل من ورا باحية لزق وناحية شمبر فمفهمتش هو يقصد ايه

**samirayad** · 11-06-2009 03:26 PM

أما ميكانيكى غريب فعلا.....وكده أنا فهمت قصده .....الفرامل لزق يعنى القبقابين الورانيين لتيل الفرامل الخلفى (يعنى قطعتى التيل الخلفى ) ملزوقين فى بعض بواسطة السوسته والماستر الخلفى [gdwl]وبكده سماهم بيبقوا من جهه تيل لزق [/gdwl]...........ومن جنب تيل شنبر (يعنى القبقابين من بره عاملين زى الشنبر اللى بيبقى حول البستم )...........لأن كل نصف عامل شبه الهلال .....ولما بنجمعهم مع بعض داخل الطنبور الخلفى للفرامل بيبقوا شبه الشنبر فعلا.[gdwl]وبكده سماهم تيل شنبر[/gdwl].................وعجبى.............!!!!!! على المسميات

**ainshouka** · 12-06-2009 12:11 AM

متشكر جدا يابشمهندس سمير على تعبك بس اللى فهمتوا ان الاتنين اسمين لحاجة واحدة بس اللى فهمت من كلام الميكانيكى ان العربية الفرامل بتاعتها كانت ضعيفة عشان كانت ناحية شمبر ومن ناحية لزق

**samirayad** · 12-06-2009 12:53 AM

أنا جبتلك صوره ....لطنبورة الفرامل الخلفيه .....وباين فيها شكل قطعتى تيل الفرامل (اللى شبه هلال القمر ) وبيبقوا ملزوقين من داخلهم بالسوست والماستر الخلفى (هما مش ملزوقين بمعنى الكلمه ولكن متجمعين مع بعض من الداخل بالماستر اللى مفصص فوق ده اللى هو رقم 3 وبالسوست والرجلاش أرقام 15 و16 وبيبقوا جوه الطنبوره رقم 24 ) ....ولو لاحظت حتلاقى شكلهم لما نجمعهم مع بعض جوه طنبور الفرامل الخلفى بيبقوا شكل شنبر البستم .....وده اللى يقصده الميكانيكى........والتيل الخلفى هما الحتتين رقم 23 فى الرسم

**Bossy_Fadl** · 12-06-2009 04:08 AM

ميرسي علي معلومات حضرتك يا بشمهندس سمير

انا كمان استفدت و الله

بس انا بقي عن حالي ما بعرف شو هو تيل الفرامل اصلا

**samirayad** · 12-06-2009 10:59 AM

ميرسي علي معلومات حضرتك يا بشمهندس سمير

- الله يخليكى يا أستاذه...........

انا كمان استفدت و الله

طيب الحمد لله .........وحوضحلك باقى الكلام مع الأقتباس التالى ....

بس انا بقي عن حالي ما بعرف شو هو تيل الفرامل اصلا
يوم أمس 08:53 pm

_ أولا الواحد مبسوط بجد والله أن فيه رغبه كويسه كده ....من أخواتنا (سواء حضرتك أو الأخت نور أو الأخت ...!!!!!!! الأسم راح من بالى ............يا الله حصل خير ).........

_ اللى عاوز أقوله أن ده كويس جدا ....محاولاتكم فى التعرف على مايخص السيارات .....لأن ده أن لم يفيد فلن يضر ............بالعكس هو ده المفروض ....أن الواحد يفكر فى اللى بيدور حواليه .......

_ نرجع بقه للتوضيح البسيط ده

تيل الفرامل عامة ....بيكون هو المسؤول عن نقل قوة الفرامل للطنابير بتاعة الفرامل ....علشان لما ندوس على دواسة الفرامل التيل فى الحاله بتاعتنا دى بيفتح للخارج .....وبيكلبش الطنبوره وبكده الفرده الخلفيه دى بتتوقف فى مكانها.........ونفس الكلام بالنسبه للفرده الخلفيه اللى قبالها .............أما الفردتين الأماميبن ليهم نظام تانى ....غير كده ......فخلينا نتكلم على واحده من الخلفيين دول حاليا ..............

- لو بصينا على الرسمه مره تانيه حنشوف التالى ............مع تتبع الرسم الهندسى....

-الماستر (اللى هو مجموعة القطع رقم 3 ) لما بيجيله زيت فرامل مضغوط من عند النبل أو الماسوره رقم 5 .....

- الزيت بيخش مضغوط (طبعا مع الدوس على دواسة الفرامل ) على الماستر 3 (تتبعى الخط المنقط اللى بعد القطعه 4 الى مدخل الماستر ...اللى عامل زى حرف t

مقلوب..........

- لما الزيت بيخش جوه الماستر ...بيروح فاتح أو طارد البستمين الصغيرين أرقام 7 للخارج ....ودول بيكونوا على أتصال بالقطعتين أرقام 18 & 19 من جوه القطعتين .....ومع حركة البستمين لبره ....بيتم دفع أو نطر القطعتين بتوع التيل 18 &19 ( دول بقه أسمهم تيل الفرامل الخلفى ) أو القبقابين الخلفيين ......

_ طيب لما القطعتين دول بيتحركوا لبره .....وهما جوه الطنبوره رقم 24 اللى راكب عليها العجله ...........أيه اللى يحصل ...........

_ مع حركتهم الشديده لبره .....حيروحوا مكلبشين الطنبوره 24 (اللى كانت بتلف قبل ماندوس فرامل )....وبكده بيلصق القطعتين بتوع التيل (أى تيل الفرامل الخلفى ) بالقوه الأحتكاكيه الشديده مع الطنبوره .....وبكده الفرده بتقف .....وبكده بتتولد قوة فرمله على الفرده دى ........

_ لما بيحصل نفس الوضع مع الفرد التانيه .....العربيه بتقف .....

_ يلاحظ أن القطعتين أرقام 18 & 19 ( دول قعطعتى التيل فى صوره مفصصه ).............ولكن لما بنشتريهم بنشتريهم فى صورة طقم كامل ....اللى هو الطقم رقم 23 ( يعنى بنشتريهم على بعض ).........

_ طيب لما بنسيب الفرامل ....أو نرفع رجلينا من على الدواسه بتاعة الفرامل .....أيه اللى بيحصل ....

- طبعا ضغط الزيت بيتشال ....اللى كان فاتح بساتم الماستر الخلفى أرقام 7 لبره ....وغالب قوة السوست 15 & 16

_ لما الضغط بتاع الزيت بيتشال.....السوست دى بتروح شده القباقبين للداخل وبعداهم عن الطنبوره .....وبكده سيبنا الفرده فى حالها .... ونفس الوضع بيحصل مع زمايلها التانيين ... ....وبكده العربيه حتمشى تانى بدون أى مقاومه فرمليه ............

_ أتمنى أن أكون قدرت ....أن أبين الوضع .....بصوره معقوله................اشكرك

.

**ayman_elkholy** · 27-06-2009 04:13 AM

نشكرك يا باشمهندس سمير على التوضيح الاكثر من رائع .
ولى استفسار على السريع منذ فترة وانا اسمع صفارة اثناء الفرامل بس مش فى جميع الاوقات وكل لما اروح للميكانيكى يديها صنفرة ويبقى الوضع على ما هو علية والتيل مليان فعلا يا ترى المشكلة تكون فى اية . واسف على الاطالة