الحمد لله ربنا وفقني وجبت تيدا

**alhamza** · 26-07-2009 11:19 PM

المشاركة الأصلية كتبت بواسطة CarLover

ألف مبروك وربنا يدك خيرها ويكفيك شرها
حاول تطلع حاجه لله فديه عن العربية

ممكن تديني رأيك علشان أنا في نفس الحيره أجيب ايه ........وتعبت من التفكير بصراحه
أنا دلوقتي محتار بين التيدا واللانسر الشكل القديم 1600و الليفينا{ممكن نعتبرها تيدا برده علشان نفس المحرك}
بما ان حضرتك كان معاك لانسر وبعدين ركبت التيدا أكيد ممكن تفيدني

السلام عليكم
انا عارف اني اتاخرت شويه في الرد لكن انا جاتلي وعكه صحيه ربنا يشفي كل مريض ويمكن بسبب التيدا

طبعا قصدي الحسد
المهم انا هعمل مقارنه بين اللانسر البومه الشكل القديم والتيدا بس قبل ما ابدا لازم تعرفوا اني اديت العربيه اللانسر لاخويا علشان محدش يزعل من اصحاب اللانسر المتعصبين ربنا يجعل كلامنا خفيف عليهم
1- اللانسر احسن من التيدا في حاجات زي الاحساس بالنقله في الاوتوماتك منعدمه ودي حاجه تحسب لفتيس اللانسر لكن في نفس الوقت الفتيس في السرعات العاليه مش كويس فعلا تدوس مهما تدوس علي الاكسلاتير صوت العربيه يعلي جدا ومفيش تسارع
2-الثبات لغاية دلوقتي ممشتش اكتر من 170 في التيدا وده لفتره قليله طبعا بس انا حاسيت احساس غريب ان العربيه كانت خفيفه لحد 150 وبعد كده كلبشت جامد يمكن علشان الدريكسيون الكهربا المهم اللانسر بتنط بعد ال140 ومش عاوز اقول ال120 وخصوصا في المطبات الهوائيه
3-الاحساس بالمطبات يكاد يكون منعدم في التيدا يعني 80 % اما اللانسر فبتدب في كل المطبات تقريبا تحس ان العربيه هتتكسر بالنص واللي معاك يقولك بالراحه وحاسب وكلام من ده المهم ان كان في حوار في قسم الميتسوبيشي بيقول ان الكاوتش اللي جايه بيه هوا السبب ولو اتغير مفيش دبدبه بس انا مش هشتري عربيه جديده او كسر زيرو علشان اغير كاوتشها علي طول
4- الاتساع مينفعش اوصفه سواء في الكنبه او الكراسي او الشنطه التيدا رهيبه بجد واسعه جدا لازم تجربها اللانسر ديقه بالنسبالي وكراسيها مش مريحه
5-استهلاك البنزين رهيب في اللانسر بجد انا كنت اشتريتها كسر زيرو بس بعد مغيرت بوجيهات وفلتر بنزين اتحسنت شويه بس برضه كتير اما التيدا من 7 ال 8 لتر كل 100 كيلو تكييف وطرق ووسط بلد متوسط وده كلام عداد الوقود اللي موجود فيها
6- التكييف انا شايف ان التيدا احسن شويه بس انا كنت ركبت عربيات لانسر خليجي كان التكييف احسن يمكن المشكله في تكييف الوكيل
7-الشكل انا شايف ان اللانسر احلي التيدا شكلها مكعبر شويه ولا يوحي بالاتساع والفخامه ولايوحي باي شيء اصلا اما اللانسر فعلا شيك وخصوصا الرياضيه الكامله السودا ودي اللي كانت معايا
8-سعر اعادة البيع طبعا اللانسر تكسب (ثقافة شعب بقي تقول ايه )

**alhamza** · 26-07-2009 11:20 PM

نسيت اقول ان ادركسيون الكهربا امتع طبعا في القياده واسهل وده في صالح التيدا

**Ahmed.TV** · 27-07-2009 12:20 AM

الف مبروك على السيارة والف سلامة عليك وانشاء الله تكون بخير , وياريت تعملنا تقرير مفصل عن العربية بعد لما تعمل الف كيلو وعاوزين نعرف هل في فرق بينها وبين الليفينا فى الماتور لو كنت تعرف ولالا, وعاوزين نعرف قالولك ايه على قطع غيارها ايه فى التوكيل او صيانتها حتتكلف كام فى المستقبل , لان اكيد انت سالت عشان ترتاح وتطمن للمستقبل , واحسن مركز خدمة نسيان ايه سواء فى المعاملة او المصدقية او الاصلاح لان فى مراكز كتيرة ,, انا شوفت العربية وقعدت فيها فى المعرض واتمزجت منها جدا وخصوصا لما عرفت ان بسعرها ده ويابانى ماتور وخامات يعنى 100% , فهل فى معرض بيعمل تيست دريف على العربية وتجربها ولالا وممكن لو تعرف تقولنا على اسمه وموقعه او عنوانه فين عاوزينك تحكلنا اكتر عن العربية لانها عربية محترمة جدا فى الاداء والوسع الرهيب سواء فى الشنطة او الصالون الامامى او الخلفى,, وبعدين مع المقارنة اللى حضرتك عاملة بينها وبين الانسر انا عن نفسى بقول التيدا تكسب كفاية انها يابانى ماائة فى المائة وتقفيل ماتور انضف بكتيرررر لكن الانسر يابانى بس بص على تقفيل الماتور مش حلو وصالون التيد افخم من جوة من الانسر , والتيدا كمان اعلى وغير كدا شكل التيدا محترم جدااااااااا وشيك جدا ,’ عن نفسى لما بشوفها واقفة بحس ان شايف مرسيدس اليابانى واقف على الارض ,, شكلها فخم جداااااااااا عن الانسر يا راجل ,, وبعدين التيدا مش بتتباع كتير مستعمل لان اللى مشتريها مقتنع بيها جدا ولسه نازلة فصعب يغيرها ولو لقتها بتتباع مستعمل بتكون مش اقل من 85 الف وممكن تلاقى ب90 او 95 , ماسكة نفسها فى البيع , زى الانسر عربية الشعب ,, هى الانسر حلوة جدا مفيش مشكلة بس انتشرت موت , ولو معايا واحدة واجى اركنها بلاقى ميت عربية واقفة زى عربيتى مثلا ولما ارجعلها ممكن اتلخبط فى العربية من كتر اللى واقف فى الشارع , لكن اداء العربية ممتاز مفيش مشكلة بس كشكل او امكانيات فى عربيات فى نفس سعرها بقا اقوى منها , وبردوا عربية ممتازة عشان محدش يزعل مننا , بس التيدا مش تحطها مع مقارنة مع حد لانها عربية محترمة جداااااا