الف مبروك زعقبال ال 100000
رقم العضوية : 42880
تاريخ التسجيل : 25Jun2009
المشاركات : 55
النوع : ذكر
الاقامة : cairo
السيارة: NA
السيارة[2]: Honda City 2009
دراجة بخارية: NA
الحالة :
انا بحب أنقل تجربة صغيرة عن العربية لأن في ناس كتير عايزة تعرف العربية دي
أولا انا مش حريف سواقة أوي يعنى مش بتاع جري و غرز و الذي منه, رغم اني بسوق من حوالي 17 سنة بس الشقاوة كانت زمان جرى و طنطيي وهربدت الدنيا و الـ127 كمان بس خلاص الواحد كبر و بقة في أسرة و مسئولية.
المهم نخش فالموضوع أنا جبت السيتي من حوالي أسبوعين كان مكتوب فالمانوال ان أول 1000 مهم جدا عدم التسارع بحدة أو أستخدام الفرامل الفجائية لأن الحاجتين دول بيحددو مستقبل العربية بعد كده, طبعا الواحد كان نفسه يطلع أي حتة فاضية و يجرب إحساس السرعة ئلى أتحرم منه من زمان بس تم التعامل مع الموقف (الحمد لله)
بعد لما خلصت الـ 1000 طلعت علي الدائري وقلت هنطير يا معلم, بس معرفتش أعدي الـ 140 , دايما بتظهرلك عربيات عند الملفات و الموضوع مش محتاج مجازفة و الواحد مش أول مرة يجرب العربية يحرق ويزننق في الملفات و هوة لسة مش عارف ثبات العربية وواخد عليها كويس, لكن فالمشوار ده الموتور كان وحش جبار تحس انه بيشد علطول و مش بيريح , عند الـ 80 هنلائى نقلة و عند 120 حتلائي نقلة تانية و عند الـ 130 في نقلة برده
و بعد كل نقلة من دول الماتور بيجمع بقوة و ده بيدى إحساس ان الموتور عنده أكتر ممكن يديه و ان تقفيل العداد موضوع سهل لو الظروف مناسبة.
كانت نتيجة التجربة دى ان العربية عايزة طريق مناسب أكتر من ناحية ان ميكونش في مخاطرة من الجري, يعني مغامرة محسوبة و استمتاع بدون أضرار للنفس أو للغير, وجت الفرصة دي فيوم كنت رايح السويس وراجع فنفس اليوم, الساعة 9.30 مساء و الطريق للي عارفه فى مساحات طويلة بدون إضائة و بالمناسبة إضائة العربية مش قوى يعنى النور الواطي بيفرش حلو علي المسافات القريبة و بعد كده عتمة عتمة عتمة أما النور العالي بينور مسافة بعيدة شوية عن العربية ومش بقوة يعنى من غير ميفرش وكمان المنطقة القريبة مبيكنش فيها نور خالص, رغن أن العربية سبارك مثلا ممكن تشغل العالي و بيوضحلك كل شئ من بعد أول العربية لغاية مسافة محترمة, وده انا بعتبره أول عيب فالعربية. يعنى لو بتسافر بليل فى طريق زي ده هتحتاج إضائة أقوي على العالى مع إضائة قريبة من شبورة مثلا أو حاجة زي كدة
في رحلة الذهاب بظروف الإضائة غير المشجعة مع اني مش حافظ الطريق كان القرار أنى أجري على خطوة ئلى قدامي ولو حبيت أعديه بعدى بس لما يظهر من بعيد حد تانى أجري لغاية عنده وهكذا , أنتو عارفين المثل بيقول الغريب أعمى وأن كان بصير, ملحوظة : معظم الطريق كنت ماشى خلف فرنا قديمة ملاكي السويس كان فيها أسرة وكل لما أعديها و أبعد عنها تظهر بعد شوية وتعدينى بثقة و ثبات. وكانت النتيجة انى معرفتش أعدى الـ 140 و أكتشفت موضوع النور ده, وحاجة تانية كمان العربية كانت بتحدف من قدام مش بتعوم من ورة و ده لما مبيكونش فى الحاجز الأسمنتى على الشمال بينك وبين الطريق الراجع وده على سرعة 140 و مش مستمر كتير حصلت مرتين بس وبعد كده العربية كانت ثابتة.
في رحلة العودة كانت الظروف أحسن شوية الطريق كان فاضى و الناس خارجة من السويس علي 120 وأنت طالع بس النقل كان كتير وكان بيوقع منه طوب صغير كان بيرزع فالأزاز رزع يخلي قلبك يوقع فرجلك, المهم زى مقلت الطريق كان فاضى وئلي موجود طاير , وكانت دى الفرصة الأخيرة ليه لإختبار الجرى و الثبات.
طبعا العربية بتجمع معاك لغاية الـ 140 بسهولة مش بسرعة قوى بس بسهولة ونعومة وتحس أن الماتور أسد
لكن الحقيقة غير كده, بعد 140 الماتور بيفلس مش بيحافظ على التجميع بتاعه بيحتاج وقت شوية عشان يديك سرعة أكتر , بس الحقيقة لغاية الـ140 أسد فعلا صوته أسد و الـrpm مريح مش بيعدى 4 تقريبا والأحمر من أول 7 لغاية 8 و الثبات والتحكم زى الفل لو الأسفلت خشن بتكون العربية مكلبشة وتديك ثقة في تعرجات الطريق و الأنحنائات لكن لو الأسفلت جديد و ناعم بتحس أن العربية عايمة شوية , نرجع للطريق , طبعا علي 140 كنت معدى من نقل تقيل (100-120) لميكروباص تويوتا (120) لبيجو 7 راكب (120-140) لغاية لما الفيرنا ظهرت (فيرنا تانية طبعا) المهم المعلم بتاع الفرنا شرخ مني فقلت مبدهاش كبست بنزين علي الأخر الماتور زمجر و زمجر و زمجر و بس معرفتش أجيب المعلم و العربية أستقرت على 160 و لا عزاء للهوندا , المعلم بتاع الفرنا طبعا فص ملح وداب ومشفتوش تاني ولا حتي فالحلم لما وصلنا البيت بالسلامة ونمت.
الخلاصة عشان طولت عليكوا:
1- العربية ناعمة و مريحة وشيك وكفاية أنها هوندا
2- مش عربية سحب وشد وجرى وسباقات , طبعا بتسحب وتجرى بس فالمعقول و العملي
3- موضوع أن الموتور بيدى أحساس أعلى من قوة الحقيقية ده عن طريق أستبيان عمله 50 مهندس من هوندا مع عينة من مالكى السيتى القديمة و الناس كانت عايزة إحساس رياضى وقوى للموتور وكانت النتيجة أنهم شالوا الفتيس الأوتوماتيك الـ cvt و حطوا أوتوماتيك 5 سرعات, الأول أنعم والتاني متوحش
4-موضوع الفرنا ده يمكن عشان هيا أقرب للأرض من السيتي
5-تجربة العربية في أستراليا كانت النتيجة أن السرعة القصوي للسيارة جنط 15" بحمولة 2 راجب بالغ بالإضافة للسائق و الدواسة علي الأخر وفمنزل كانت 180 ك أما النسخة الأخري من السيارة بكل الكماليات (غير موجودة بمصر أو الإمارات) بجنوط 16" كانت 170ك بنفس الظروف السابقة
6-الإضائة مش مريحة للسفر الليلي ولازم إضافات
7-ئلى عايز يعرف أكتر عن سيتى 2009 يضور على موقع هوندا أستراليا
أخيرا فى أنتظار أرائكم وتقيمكم للسيارة و أدائها
رقم العضوية : 2530
تاريخ التسجيل : 09Oct2007
المشاركات : 1,082
النوع : ذكر
الاقامة : Elmonofya
السيارة: it was Lanos 2002
السيارة[2]: Honda Civic SI 93
دراجة بخارية: No
الحالة :
الف مبروك زعقبال ال 100000
[mshosh3]http://carphotos.cardomain.com/ride_images/3/3483/4157/33707078147_original.jpg[/mshosh3]
رقم العضوية : 42880
تاريخ التسجيل : 25Jun2009
المشاركات : 55
النوع : ذكر
الاقامة : cairo
السيارة: NA
السيارة[2]: Honda City 2009
دراجة بخارية: NA
الحالة :
نسيت أضيف ان التكييف كان شغال رايح جاى ومكانش بيأثر على الموتور خالص يعنى كأنه مقفول
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
على حد علمى ان حضرتك معاك اتوماتيك وكنت مشغل التكييف وعايز تشد اوى حيكون صعب حتى لو كنت حاسس انه مش بياثر وغير كدا كويس ان فى السعة الكبيرة دى وان الماتور كان مرتاح زىما بتقول وار بى ام مكنش عالى وبعدين اللى طلع منك ده مكنش اتوماتيك زيك ممكن يكون مانيوال وماتور اصلا 1600 سى سى مش 1500 وغير كدا بردوا الله واعلم كان مشغل التكيف ولالا هو كمان وغير كدا انت بتقول ان العربية لسه جديدة ولسه مش اتفتح معاك الماتور لان فى سيارات كتيرة بعد 5000 او10000 تبتدى تاخد منها شغل ,, بس حقولك بردوا على حاجة اطلع على اى طريق محترم واقفل التكيف شوية وجرب وشد وشوف العربية عملت معاك ايه ,,المهم انت مش قولتلنا القعدة جوة العربية عاملة ازاى وخصوصا فى الكنبة الخلفية وعالية العربية ولالا وتكيفها قوى لان فى حاجات تانية مهمة جدا اهم من الجرى وسيبك منه , لان عن نفسى يوم ما حجيب عربية جديدة مش حكون مهتم بالجرى اوى الاخر بتاعى حيكون 140 بردوا على طريق سفر وكتير كمان لان السرعة الكبيرة مالهاش امان ابدا , فعلا موضوع النور والكماليات دى هى بقا عيب العربية فقط لان لما رخصت شالوا حاجات كتير منها لان كشكل او اداء احسن من عربيات كتيرة فى فئتها , وربنا يباركلك فيها ويكفيك شرها
رقم العضوية : 8131
تاريخ التسجيل : 29Mar2008
المشاركات : 1,056
النوع : ذكر
الاقامة : Cairo
السيارة: not avilable
السيارة[2]: Honda Civic 2008 F/A
الحالة :
أنا اتفرجت عليها في التوكيل تحفة وبعد ما رخصت ................*
برجاء مراعاة تواجد اخوات لنا في المنتدى
مشرف عام الياباني
رقم العضوية : 33890
تاريخ التسجيل : 24Feb2009
المشاركات : 2,315
النوع : ذكر
الاقامة : Cairo
السيارة: Megane 2005
السيارة[2]: Corolla 2016
دراجة بخارية: ﻻ يوجد
الحالة :
بص في كلام كتير انا مش معاك فيه اولا موضوع السحب ... مواتير الهوندا معروفه ... هتبدأ تحس بيه بعد اول 5000 وادخل القسم التعليمي هتشوف اساليب التليين لحد 5000 كيلو وبعدين انت خلصت حوالي 1000 كيلو او اكتر لازم تبدأ تفتح الموتور عشان زي ما الناس بتقول بالبلدي تعود العربية على الجري ,,, ومع احترامي ليك العربية لو 5000 سي سي و 500 حصان لازم التكييف بيأثر على السحب ... اصبر شوية على العربية اما بالنسبة للاضاءة كلامك صح بس دي سهله انك تركب لمض هالوجين او زينون
سبحان الله عدد ما كان و عدد ما يكون و عدد الحركات و السكون
رقم العضوية : 12745
تاريخ التسجيل : 11Jun2008
المشاركات : 2,123
النوع : ذكر
الاقامة : Mansoura
السيارة: Elantra GLS 2013
السيارة[2]: Kia Soul 2013
دراجة بخارية: no
الحالة :
المشكلة انك اول ما شديت شديت مع فيرنا 1600 مانوال و انت 1500 اوتوماتيك و مشغل التكييف عاوز ازاى تسبقه ؟ دا الانسر مبتعرفش
رقم العضوية : 29076
تاريخ التسجيل : 03Jan2009
المشاركات : 1,801
النوع : ذكر
الاقامة : M'aadi<-->Benha
السيارة: Mercedes Benz S-Class (S600) 2007
السيارة[2]: HONDA CIVIC LXI 2008
دراجة بخارية: ---
الحالة :
في البداية أحب اشكرك على التقييم والتجربة بس ايه حكاية السرعة القصوى 180 ؟؟ ازاي ؟
انا مش بشكك ولا حاجة بس ال سيتي 1300 موديل 2007 بتجيب 180 ! ومش i-VTEC
عامة العربية ان شاء الله هتقع تحت رجلي قريب جداااااااااا وان شاء الله هينزل لها تقييم شامل برضه
Toyota for City ... Nissan for Track ... Honda for Tunning
Mac for Graphics ..Linux for Servers .. Windows for Solitaire
رقم العضوية : 33890
تاريخ التسجيل : 24Feb2009
المشاركات : 2,315
النوع : ذكر
الاقامة : Cairo
السيارة: Megane 2005
السيارة[2]: Corolla 2016
دراجة بخارية: ﻻ يوجد
الحالة :
ربنا يستر يا كيمو لما تقع تحت ايدك انا عارف انك هتقفل الامبير .ههههههههههه. بس مستني تقييمك يا ريس
سبحان الله عدد ما كان و عدد ما يكون و عدد الحركات و السكون
رقم العضوية : 39735
تاريخ التسجيل : 06May2009
المشاركات : 64
النوع : ذكر
الاقامة : الاسكندريه
السيارة: لسه مفكرتش فيها
السيارة[2]: ربنا يسهل وتيجى
دراجة بخارية: ربنا يسهل
الحالة :
مليون مبروك وربنا يباركلك فيها
المفضلات