الموضوع: رابطه محبي ومالكي الريجاتا

انا روحت لعفشجي تاني وقالي مش محتاجة زرجينة لكن للأسف انا مش معاه لأني في الشغل وانا شغلي 24 ساعة و واحد زميلي بيتابع معاه

المشاركة الأصلية كتبت بواسطة nicegypt

اليكم اخر المستجدات ... قمت بعمل تجديد للعفشة بالكامل بعد رجوعي من الغردقة " سافرت بيها طبعا "
2 مقص امامي جديد ايطالي ماركة " اوريجنال " 160 ج
" اول مرة اتعامل مع البراند دة " اللى قبلة كان تركي ركبتة شهر يناير وغيرتة ف مايو بسبب جلبة باظت ف المقص اليمين
وكانوا ناشفين زيادة عن اللزوم
علبة دركسيون = 315 ج بالمساعد .. بعد 3 سنين باظت علبة الدركسيون التركي واللى كنت فاكر ان اخرها سنة وهتبوظ
45 ج طقم كاوتش ميزان ايطالى
2 شداد استيراد بالكاوتش بتاعهم والقاعدة " كامليين " = 150 ج بعد خناق وفصال وغاليين طبعا
2 بارات دركسيون = 85 ج
2 مقص خلفي جدد = 190 ج
تغيير السوستة الخلفية الورق = 50 ج
يايات امامية .. دخلت قديم مع جديد ودفعت 100 ج .. الواحدة خمسين ج
مش فاكر اية تاني .. حد يفكرني :)

مصنعيات مفيش لانى ركبت كل الليلة دي بأيدي الا السوستة الخلفية محبتش اهزر معاها لان هزارها رخم
صرفت مشاوير للخراط حوالى 100 ج تقريبا نثريات تنضيف وقلووظ وخلافة
اجمالى 1000 ج بالزوايا وحاجات ركبتها ونسيها
اة 2 سوستة خلفية ب 30 ج وطبعا حرامي بس مكنتش لاقيهم .. السوستة اللى بتركب جوة الطبل الخلفية اللى بتكون شدة التيل جوة الصرة .. لان كان عندي عجلة بتقفش فرامل قبل التانية غيرت الاتنين مع بعض عشان اظبط اداء الاتنين
لاي استفسار انا تحت امركم ...
- هعمل موضوع منفصل عند تعديل وتركيب اكصدام الشاهين الامامي للريجاتا ..

ربنا يحفظهالك

المشاركة الأصلية كتبت بواسطة sas_9110

شكرا لمتابعتك وردك استاذ عمرو
انا عندى المروحه بتشفط من الردياتير وتنفخ على المكنه مش عارف ده صح وﻻ غلط بس هى راكبه بقالها سنه كده
يعنى بتشفط الهواء المقابل للسياره وهى ماشيه

جوان وش سلندر مليوووون فى الميه ... بسيطه

رجالة انا عملت موضوع فى قسم الفيات على مشكلة الفرامل فى الريجاتا عندى...

إسمحولى اعمله Paste هنا عشان حضراتكم تشوفوه يمكن تعرفوا تساعدونى ...

السلام عليكم يا رجالة... وكل سنة وحضراتكم طيبين :)

دلوقتى انا معايا عربية ريجاتا 85 ... فيها مشكلة فى الفرامل وهى انها ضعيفة على السرعات العالية..و لو حاولت انى افرمل فجأة على سرعة العربية بتزحف ومبتقفش.. يعنى اخرى اجيب بالعربية 60 عشان اعرف اوقفها فى وقت "معقول".... لكن اكتر من كده... شكراً...

طبعاً عملت كل شئ ممكن يتعمل لحد ما اتعقدت وفقدت الأمل فى العربية..... حضراتكم أخر أمل ليا :(

اللى اتعمل فى الفرامل (وما زالت نفس المشكلة موجودة) :
1- طنابير جديدة .
2- تيل جديد ايطالى ... امامى وخلفى. نوع Samko
3- مساتر فرعية جديدة تماماً ايطالى.
4- ماستر رئيسى ايطالى جديد Samko
5- الكاوتش مش ممسوح. لسه حالته كويسة.
6- طاقية السيرفو إتغيرت.
7- زيت فرامل Bendix و جربت الـDOT 3 برضه..

مع العلم ان مفيش اى تسريب فى الفرامل ... بمعنى ان الزيت مش بينقص نهاااااائى ... وخدت هوا للفرامل اكتر من مرة ..



ايه الحل يا رجالة ؟ فعلاً فرامل الريجاتا زى الزفـــــــــــت كده زى ما كل الناس بتقولى؟؟
واسف جداً على الاطالة..

بالله عليكم اللى يعرف حل للمشكلة ... او حتى تعديل معين اعمله فى فرامل العربية.... الموضوع ده مستفذ جداً !!!! و عيب بصراحة عربية زى الريجاتا تبقى كل مكونات الفرامل بتاعتها من حاجة الـ128 ؟؟؟ فين حساب اختلاف الحجم والوزن والسرعة و و و و ؟؟؟؟

الله عليكم بجد حد بقى عندوا واحدة للبيع

السلام عليكم اريد سيارة ريجاتا حاله نظيفه وياريت لو فيها تكييف لو امكن ؟