الموضوع: رابطه محبي ومالكي الريجاتا

المشاركة الأصلية كتبت بواسطة ahmed_moeaz

شكرا للمعلومة انا مجبتوش ولا مرة بروح للنونو عندنا ف صلاح الدين وهو بيظبت الاداء

طب النون اللي فصلاح الدين بيبيع نوع الدبرياج ايه والسعر كام !! ياريت رد عاجل

المشاركة الأصلية كتبت بواسطة sas_9110

اخوانى الاعزاء
السلام عليكم ورحمه الله وبركاته
اتشرف باشتراكى معكم فى رابطه محبى ومالكى الريجاتا وذلك لامتلاكى وحبى لهذه السياره
انا معايا ريجاتا من سنه تقريبا ومع 3 من اصحابى مع اختلاف الموديلات
واتشرف ايضا بافاده اى زميل واخ عن اى شيئ فى حدود معلوماتى وتجاربنا الشخصيه مع الريجاتا
واتمنى من الله الافاده للزملاء والاستفاده منهم ومن تجاربهم السابقه
ولى مزيد الشرف...

وانتهز الفرصه واتقدم بالسؤال للاخوه الاعضاء عن
سبب انتفاخ قربه مياه الردياتير لدرجه ان الغطاء وزور القربه بيتعوج من كتر الضغط جواها والبلاستيك بتاعها ابتدا يشقق
مع العلم ان الحراره مظبوطه والمروحه تعمل بانتظام ولكن يوجد ضغط قوى جدا داخل قربه الماء يجعل القربه توشك على الانفجار
القربه جديده ايطالى بالحساس
الغطاء جديد وجربت اكتر من غطاء
تم عمل دورتين تنظيف للردياتير مره اتفك اتنضف بره ومره فى البنزينه
تم تغيير الترموستات مرتين او ثلاثه
الردياتير الومنيوم جديد
المروحه سبعه ريشه قويه جدا ومشغل معاها مروحه التكييف
الخراطيم جديده وﻻ يوجد تسريب
ارجو الافاده ولكم منى جزيل الشكر والتقدير

تحليلى للمشكلة وطبقا للاحتمالات
اولا
دورة التبريد مش كاملة
ثانيا
ممكن تكون المروحه مقلوبه بمعنى لو المروحه بأتجاهها الصحيح سوف يضخ الهواء بأتجاه الريداتير ليبرد الهواء بداخل الرادياتير ليعيده الى قربه المياه سوف تقوم بضخه ليبرد الماتور
وللتأكد من ان المروحه بأتجاهه الصحيح ممكن استخدام ورقه خفيه ووضعها امام مابين المروحه والريداتير لو الورقه ذهبت بأتجاه الريداتير اذا اتجاه المروحه سليم لو المروحه سحب الورقه يصبح اتجاه المروحه خاطى وهذا دليل ان القربه سوف تظل المياه بها ساخنه وان مع استمرار سير السيارة على هذا الوضح فيه خطوره الان المياه الساخنه بالريداتير والقربه واضعف مكان بينهما سوف اهلاكه لاقدر الله وطبعا اضعف مكان هوه القربه فسوف يخدث ماقله الاخ الكريم من اعوجاج القربه نتيجه ازدياد مياه القربه
وبالنسبه لى ارجح هذا الاحتمال ومنتظر اراء زملائى واصدقائى بالمنتدى

المشاركة الأصلية كتبت بواسطة sas_9110

شكرا لمتابعتك وردك استاذ عمرو
انا عندى المروحه بتشفط من الردياتير وتنفخ على المكنه مش عارف ده صح وﻻ غلط بس هى راكبه بقالها سنه كده
يعنى بتشفط الهواء المقابل للسياره وهى ماشيه

منقول للامانه
نكمل بأه آخر نقطتين فى دورة تبريد المحرك
4- المروحه fan
تستخدم مروحة أو مراوح دايرة تبريد السيارات بهدف زيادة شدة التيار الهوائى المار عبر الردياتير وخاصة والسياره متوقفه عن الحركه والمحرك دائر طبعا
تتكون المروحه من سره تزود بعدد من الريش (4- 6 ) ريشه مبرشمه بالسره
تركب السره على عمود طلمبة المياه فى بعض التصاميم
وأحيانا تدور المروحه بمحرك كهربى ( موتور ) منفصل وتحاط المروحه عادة بقميص
لأحكام الهواء ومنع هروبه وتشتته بعيدا للأجناب وتركيز أتجاه سحب وشفط الهواء على المساحه السطحيه للردياتير.....وبالتالى تحسين ورفع كفاءة دورة التبريد
ودى صوره لأيضاح أتجاه سريان الهواء الذى تقوم المروحه بسحبه من خارج السياره فى أتجاه المحرك
اضغط هنا لمشاهدة الصورة بالحجم الطبيعي.

قد تركب المروحه
أمام الردياتير كالآتى
اضغط هنا لمشاهدة الصورة بالحجم الطبيعي.

أو خلف الردياتير كالآتى

اضغط هنا لمشاهدة الصورة بالحجم الطبيعي.


ولكن يظل أتجاه مرور وسحب الهواء فى نفس الأتجاه ( من الخارج الى داخل السياره وفى أتجاه المحرك ) بغض النظر عن مكان تواجد المروحه (أمام أو خلف الردياتير )

5- الثرموثتات thermostat
يركب الثرموثتات فى الماسوره العلويه برأس الأسطوانات (رأس السلندر ) المؤديه الى الردياتير
يقوم الثرموثتات بتعجيل تسخين المحرك فى بداية الدواره
حيث يقوم برفع حرارة المكنه فى الحدود من 80 -90 درجه مئويه
ويحد من درجة الحراره أثناء عمل المحرك بالتحكم فى سريان الماء الى الردياتير
حيث يقوم بالتحكم وتحديد كمية المياه الماره الى الردياتير
وعلى هذا فأن الثرموثتات هو القطعه الميكانيكيه فى دورة التبريد التى تحدد ظروف تشغيل حراريه مناسبه من أجل الوصول الى آداء مثالى من المحرك

للثرموثتات تصميمات عديده والشائع منها
أنه يتكون من جسم وأنتفاخ نحاسى يملأ بسائل ( عجينه من بودرة النحاس المختلطه بمادة الكريزين وهو نوع من أنواع الشموع )
يغلى هذا النوع من الشموع عند درجة حراره تتراوح من 70- 75 درجه مئويه
ويوجد ساق وصمام ثنائى داخل الثرموثتات

فعندما يكون المحرك باردا فأن صمام الثرموثتات يكون مغلقا ويدور الماء فى دورة تبريد قصيره كالآتى
طلمبة المياه - أقمصة التبريد - الثرموثتات - خرطوم تحويل - فطلمبة المياه مره ثانيه
يعنى فى الحاله دى الميه مابتروحش للردياتير....لأننا مش عاوزينها تتبرد دلوقتى ولسه بنسخن علشان نهيىء المكنه لأخذ أحمال منها

عندما يسخن الماء مابين 70- 75 درجه مئويه فأن السائل ( أو الماده العجينيه الصلبه داخل الثرموثتات ) والموجوده داخل الأنتفاخ النحاسى للثرموثتات تتبخر ( شمع وبيسيح ).....فيزداذ الضغط داخل الثرموثتات ويتمدد الأنتفاخ محركا الساق مما يعمل على فتح الصمام وهذا يؤدى لمرور المياه الى الردياتير ........
وعندما تصل درجة الحراره الى 90 درجه مئويه كمثال .....
فأن صمام الثرموثتات يفتح كاملا ويسرى الماء فى دورة تبريد أطول فى هذه الحاله

طلمبة المياه - أقمصة التبريد - الثرموثتات - خزان الردياتير الساخن - السربنتينه أو قلب الردياتير - خزان الردياتير البارد - طلمبة المياه وهكذا
وده شكل لثرموثتات حقيقى

اضغط هنا لمشاهدة الصورة بالحجم الطبيعي.

وده شكل آخر لرسم هندسى لثرموثتات لأظهار أقصى وضع فتح للثرموثتات




وبكده تم تكملة موضوع دورة تبريد المحرك
شكرا على المرور بهذا الموضوع

المروحة عندك راكبة مظبوط .. طالما فية تنفيخ ف القربة يبقي جوان وش سليندر بيودع
روح لميكانيكي ثقة خلية يبص عليها .. الحر السنة دي غير كل سنة , هستبعد ثرمستات الكوعة تماما لانها اكيد مش راكبة اصلا كلة بيشلها