رابطه محبي ومالكي الريجاتا

**aymanzanaty** · 11-04-2015 12:06 PM

أولا: لى الشرف أن أكون ضمن أعضاء أفضل منتدى رأيته
ثانيا: أتشرف بالانضمام لرابطة محبى الريجاتا
ثالثاً: أنا اشتريت امبارح ريجاتا موديل 84 فبريكة دواخل 18250 من سوق العاشر وجيت بيها من هناك لغاية المنوفية وبصراحة العربية جميلة وسحبها حلو جداااااا
رابعا: عايز أستفسر عن بعض الملاحظات
1- التابلوه متهالك جدااا ومعقدنى من العربية وحابب أغيره بتابلوه مناسب سعر وشكل (مهم جدا بالنسبة لى)
2- فرش الأابواب الداخلى عايز أغيره لانه متهالك جدا وأنا عايز أخلى العربية من جوة حلوة
3- موضوع العزل عشان البارومة : النهاردة عندنا مطر فى المنوفية وانا خايف بجد لانى عرفت ان البارومة من أكتر مشاكل العربية دى
يارب تفيدونى وشاكر جداااا وأسف على الأطالة

**amro1965** · 14-04-2015 01:39 PM

المشاركة الأصلية كتبت بواسطة aymanzanaty

أولا: لى الشرف أن أكون ضمن أعضاء أفضل منتدى رأيته
ثانيا: أتشرف بالانضمام لرابطة محبى الريجاتا
ثالثاً: أنا اشتريت امبارح ريجاتا موديل 84 فبريكة دواخل 18250 من سوق العاشر وجيت بيها من هناك لغاية المنوفية وبصراحة العربية جميلة وسحبها حلو جداااااا
ربنا يروقك خيرها ويكقيك شرها
رابعا: عايز أستفسر عن بعض الملاحظات
1- التابلوه متهالك جدااا ومعقدنى من العربية وحابب أغيره بتابلوه مناسب سعر وشكل (مهم جدا بالنسبة لى)
تعامل معه انا قرات موضوعين بخصوص التابلوة
احد الاعضاء غيرة بتابلوه فيات سيينا مع بعض التعديلات
واحد الاعضاء غامر وتعامل مع التابلوه من خلال فكه وتفويته من خلال سلك الخاص بالناموس واللحامات الاخرى ثم كسوته

2- فرش الأابواب الداخلى عايز أغيره لانه متهالك جدا وأنا عايز أخلى العربية من جوة حلوة
التغيير حسب ذوقك
3- موضوع العزل عشان البارومة : النهاردة عندنا مطر فى المنوفية وانا خايف بجد لانى عرفت ان البارومة من أكتر مشاكل العربية دى
مفيش عربيه مع الاهمال لم يطولها البورمه
يارب تفيدونى وشاكر جداااا وأسف على الأطالة

**mohamedbamby** · 19-04-2015 09:52 PM

كل سنه وانتم طيبين الصيف جه وسخونه الموتور وارده بسبب شئ بسيط - كان عندي مشكلة بسيطة بسبب سخونه الموتور وتم حلها بواسطة تنظيف غطاء القربه لانه به صمام يفتح عند زيادة الضغط حتي لايفسد الجوان او يفسد دوره المياه اترك لكم الصور

صورة الغطاء

نبدا نفكه باستخدام مفك عادة

وبعدين نفتح الغطاء من الداخل براحه علشان ميتكسرش وهو بيستحمل جامد بس بلاش عافيه هو بيتفك بالحركة البسيطة

داخل الغطاء لقيت تراب وطين سادد الثقوب وكان لو الجزء الابيض اسود من الطين تم تنظيفة وعاد لونه ابيض من جديد

لاتنس تنظيف كل شيئ تي السوسته لانها اهم شئ

جمع كل شئ كما كان ولا تنسي مراجعه وضع البلف الصغير قاعدته لاعلي والسوسته من الداخل مقلوبه

مبروك عليك للعلم لم اجد غطاء مثله بالسوق وبعد تنظيف الغطاء حسيت بفرق جامد

**ahmed_moeaz** · 19-04-2015 10:34 PM

مشكور على نقل التجربة

**abo 7abiba** · 21-04-2015 02:42 PM

السلام عليكم ورحمة الله وبركاته

اولا شرف ليا الانضمام للمنتدى ويكون اول رد ليا فيه الموضوع النخصص لمحبى اليرجاتا

كنت املك 128 موديل 2000 منذ 2005 حتى منتصف 2010 ولظروف مادية بعتها والان ناوى على حدود امكانيات مادية ضعيفة ان املك سيارة اخرى والمتاح ليا بنسبة 90% هى الريجاتا

امامى موديل 85 و 86 و 88 والمعاينة فى خلال 72 ساعة وكنت محتاج اعرف رائيكم فى الريجاتا عموما

**abo mo3az** · 28-04-2015 06:10 PM

سلام عليكم
انا اتعقدت من عربية الريجاتا مع انى حاسس لكبوت لاقيهنها عربية حلو وحماله قسية بس مشاكلها كتير اوى حصوصا الحرارة

عندى الريداتير بقاله تقريبا 8 شهور من كمان يوم كنت فى سفر وانا راجه وقفت فى البنزينة احط بنزين ببص تحت العربية لاقيت مياه متسربة فتحت الكبوت لاقيت الفايظ بتاع القربة مش متركب فيه اى خرطوم هو الى بينفس هواء وبيطلع ميه ايه الحل مع ان المروحه بتشتغل عادى والحرارة بتكون مظيوطه

**ahmed_moeaz** · 30-04-2015 12:15 AM

المشاركة الأصلية كتبت بواسطة ِabo 7abiba

السلام عليكم ورحمة الله وبركاته

اولا شرف ليا الانضمام للمنتدى ويكون اول رد ليا فيه الموضوع النخصص لمحبى اليرجاتا

كنت املك 128 موديل 2000 منذ 2005 حتى منتصف 2010 ولظروف مادية بعتها والان ناوى على حدود امكانيات مادية ضعيفة ان املك سيارة اخرى والمتاح ليا بنسبة 90% هى الريجاتا

امامى موديل 85 و 86 و 88 والمعاينة فى خلال 72 ساعة وكنت محتاج اعرف رائيكم فى الريجاتا عموما

الريجاتا معايا من اكتر من 12 سنة وما شاء الله عربية حمالة اسية مشكلتها حاليا قطع الغيار بدوخ عليها بس ف الاخر بفضل الله بلاقيها بس عربية محترمة وحمالة اسية وجراية وتسعفك وركوبة ممتازة والله

**ahmed_moeaz** · 30-04-2015 12:16 AM

المشاركة الأصلية كتبت بواسطة abo mo3az

سلام عليكم
انا اتعقدت من عربية الريجاتا مع انى حاسس لكبوت لاقيهنها عربية حلو وحماله قسية بس مشاكلها كتير اوى حصوصا الحرارة

عندى الريداتير بقاله تقريبا 8 شهور من كمان يوم كنت فى سفر وانا راجه وقفت فى البنزينة احط بنزين ببص تحت العربية لاقيت مياه متسربة فتحت الكبوت لاقيت الفايظ بتاع القربة مش متركب فيه اى خرطوم هو الى بينفس هواء وبيطلع ميه ايه الحل مع ان المروحه بتشتغل عادى والحرارة بتكون مظيوطه

ظبط دورة التبريد وخد هوا وراجع على الافيسات بتاعة خراطيم المية كلها وغيرها ان لزم الامر

**abo 7abiba** · 30-04-2015 02:19 PM

المشاركة الأصلية كتبت بواسطة ahmed_moeaz

الريجاتا معايا من اكتر من 12 سنة وما شاء الله عربية حمالة اسية مشكلتها حاليا قطع الغيار بدوخ عليها بس ف الاخر بفضل الله بلاقيها بس عربية محترمة وحمالة اسية وجراية وتسعفك وركوبة ممتازة والله

الحمد لله

اشتريت السيارة يوم الجمعة اللى فات واستلمتها يوم الاحد بعد عمل التوكيل وبدأت رحلة كشف فى الميكانيكا

وبدأت الاشتغالات بدرى

**abo 7abiba** · 30-04-2015 02:33 PM

اولا : اكثر شىء شجعنى على الريجانا هذا التوبيك و الخبراء المتواجدين فيه

اينعم كنت اقرأ ردود من 2010 لكنى احبب السيارة من قبل اقتنائها

والان واضح ان الاعضاء الخبيرة فى الريجاتا هجرت الموضوع و غيروا السيارة

كنت اتمنى المساعدة من استاذ عمرو ويدلنى على الميكانيكى اللى اتعامل معاه وخصوصا انى عرفت من ردوده انه من امبابة وانا ايضا من امبابة

ثانيا بداية اشتغالات الميكانيكى اللى اتعاملت معاه للكشف على اساسيات العربية

بالكشف على سير الكتينة تبين انه متاكل ووان تروس الكام اللى بتمشى عليه السير ضايعة ومعاها ترس الكرنك واليوم كله ضاع على البحث عن التروس جديدة وفى الاخر جبت 3 استيراد وكل ترس من مكان

قاعدة الماتور تم تغيرها

الدبرياج كان ناشف وتم الكشف عليه وتم تزيده وظبط قاعدة الفتيس ونضف الكربراتير

وخد 180 !!

جبتلها كونتاك جديد لان اللى راكب عطلان وكانت بتدور بمفتاح سيلكتور 180 جنيه

يبر كتينة 75 جنيه

قاعدة موتور 35 حنيه

تروس الكتينة واحد بــ 75 و الاخر بـــ 50

وترس الكرنك من الوكالة وبعد اشتغالات كتيرة جبته بــ 80