الموضوع: رابطه محبي ومالكي الريجاتا

المشاركة الأصلية كتبت بواسطة wsmmdr

السلام عليكم
ياريت اعرف اسعار المساعدين

الجدد مونرو الاربعة بألف جنية من التوفيقية
اسباني 400 امامي 350 خلفي ولم اجربهم
ف التوفيقية باردو
الصيني ب 250 الامامي الجوز !! محبتش اعرف شكلهم اية
ولا اعرف لهم براند

المشاركة الأصلية كتبت بواسطة amro1965

مشكله قابلتنى بالامس حبيت اسردها لحضراتكم يمكن نستفاد بها سويا
السيارة وانا ماشى على الدائرى شعرت بالسيارة عزمها وسرعتها بتقل حتى انى هديت بعد حوالى 15 كيلو والسيارة وقف ومش عايزة تمشى
دورى مش عايزة تدور حتى لو لقتت ودارت لا تمشى حتى لو كبست لها بنزين
وقفت امامها حيران ومش عارف اعمل ايه وبدأت بقانون الاحتمالات وبعض مكتسبات المعرفه التى تعلمتها من بعض احبائى بالمنتدى
اولا بادى الحركة الكونتكات تمام والمارش تمام
ثانيا البطارية العلامه خضراء دليل على ان البطارية تمام وغير كده ان ماشى 15 كيلو
طب العمل ايه السيارة مش عايزة تمشى وان بعيد عن منزلى
يمكن يكون البنزين مش واصل للكرابتير منطقى برضه
تم فك العمة وفك فلتر البنزين يمكن يكون مسدود او الخرطوم الواصل للكربراتير مسدود كله تمام
تم زيادة الحيرة لدى والامس كان يوم الاحد والميكانيكية قافلين الورش
اه فى شىء ممكن نشوفه يمكن يكون هو السبب وهو البوجيه ممكن يكون الهباب اتكربن على البوجية نتيجة احتراق زياده فلا يخرق شراره لادارة السيارة
تم فك البوجيهات واستخراجحهم ونظاف
طب هعمل ايه فحتى لا يزداد الارتباك لدى كان الافضل ان اقفل السيارة واذهب لاقرب قهوة اشرب شاى حتى اهدى وافكر بهدوء لانه مع التوتر تضيع المعلومه ومع الهدوء بيكون افضل
قبل ماترك السيارة قلت لحالى ممكن تكون السخونية هى السبب قمت شغلت المروحه دايركت قلت لعل وعسى تكون هى السبب
وقفلت السيارة وذهب للقهوة
وانا جالس الا وسواق تاكسى جلس بجوارى فاخبرته بما حدث معى قالى اللى حصل لا يخرج عن اثنين اما الموتور مافهوش زيت او ان السيارة جابت ديسك واسطوانه لا السيارة لا تقوم ببدىء الحركة
انهيت شرب الشاى وذهبت الى بنزينة واشتريت كيلو زيت ودلقته فى المحرك ولا كأن شىء حدث والوضع هو هو

طيب العمل ايه
لما بيحصل لى شىء كهذا قبل كل شىء اعمل الاتى احاسب نفسى هل ظلمت احد - هل اخذت حق مش حقى
مفيش خالص الحمد لله وانا على يقين ان الله لن يتركنى
الحمد لله اكرمنى الله وتوصلت قدرا للمتسبب فى عطل سيارتى الا وهو الاسبراتير
نتيجة اننى اخذت مشوار فيه مطبات صغيرة مدببه على الطريق
الاسبراتير فك بسيط وفقد اتجاهه الصحيح وعند رجوع الى وضعه القديم السيارة تمام ودارت من اول تكة
الاسبراتير شبهلى المشكله بطبق الدش عندما تيجى ريح شديدة تحرك الطبق بسيط يفقد الاشارة وهذا ما حدث معى بالسيارة
واليوم ان ارسلتها مع ابن اختى للميكانيكى كى يثبت الاسبراتير وظبط التاكيهات ويعمل السليم مع السيارة

اتمنى ان تكون تفيدكم المشكلة

ازيك يا استاذ عمرو ..
يا استاذنا وانت مغمض عينك كدة اسبراتير على طول ..
انت عملت كل حاجة صح الا الخطوة بتاعة الاسبراتير .. بتفك سلك اي بوجية وبتلمسة من جسم السيارة وتكون فاتح كونتاك .. ولازم تكون فية فوطة ف ايدة وتكون ماسك ببنسة كلابة عازلة عشان متتكهربش لا قدر الله لو السلك مش معزول كويس او فية شقوق .. يأما تطلع السلك من الجراب بتاعة عشان تشوف كويس يأما خوفا انة ينقطع تركب اي بوجية عندك احتياطي ف سلك البوجية كأنة راكب ف الموتور وتقربة من الموتور وتشوف فية شرز ولا لاء

اليكم اخر المستجدات ... قمت بعمل تجديد للعفشة بالكامل بعد رجوعي من الغردقة " سافرت بيها طبعا "
2 مقص امامي جديد ايطالي ماركة " اوريجنال " 160 ج
" اول مرة اتعامل مع البراند دة " اللى قبلة كان تركي ركبتة شهر يناير وغيرتة ف مايو بسبب جلبة باظت ف المقص اليمين
وكانوا ناشفين زيادة عن اللزوم
علبة دركسيون = 315 ج بالمساعد .. بعد 3 سنين باظت علبة الدركسيون التركي واللى كنت فاكر ان اخرها سنة وهتبوظ
45 ج طقم كاوتش ميزان ايطالى
2 شداد استيراد بالكاوتش بتاعهم والقاعدة " كامليين " = 150 ج بعد خناق وفصال وغاليين طبعا
2 بارات دركسيون = 85 ج
2 مقص خلفي جدد = 190 ج
تغيير السوستة الخلفية الورق = 50 ج
يايات امامية .. دخلت قديم مع جديد ودفعت 100 ج .. الواحدة خمسين ج
مش فاكر اية تاني .. حد يفكرني :)

مصنعيات مفيش لانى ركبت كل الليلة دي بأيدي الا السوستة الخلفية محبتش اهزر معاها لان هزارها رخم
صرفت مشاوير للخراط حوالى 100 ج تقريبا نثريات تنضيف وقلووظ وخلافة
اجمالى 1000 ج بالزوايا وحاجات ركبتها ونسيها
اة 2 سوستة خلفية ب 30 ج وطبعا حرامي بس مكنتش لاقيهم .. السوستة اللى بتركب جوة الطبل الخلفية اللى بتكون شدة التيل جوة الصرة .. لان كان عندي عجلة بتقفش فرامل قبل التانية غيرت الاتنين مع بعض عشان اظبط اداء الاتنين
لاي استفسار انا تحت امركم ...
- هعمل موضوع منفصل عند تعديل وتركيب اكصدام الشاهين الامامي للريجاتا ..