أنت تسأل وإسـتـشـارى منتدى متسوبيشى يجيب

[أبو إياد]

بخصوص سير الكاتينه

استاذ طارق كنت محتاج اعرف سير الكاتينه بالنسبه لل1300 مانيوال بيتغير عند الكام واللى هايتغير ده بيستخدم مسافه كام ,,,,,, مع الشكر

[مصراوي جدا]

مجموعة سير الكاتينة (بتتكون من سير الكاتينة وبلية شداد الكاتينة و اويل سيلات) بتتغير كل 80 ألف كيلو متر الى 100 ألف بالكتير

يعني في التوكيل تغيير المجموعة دي من مكونات صيانة الـ80 ألف (ومضاعفاتها)

[mohamedway]

السلام عليكم يا باشمهندس طارق
كان عندى سؤال فنى لحضرتك وهو انى من كام شهر كده غيرت فلتر البنزين فى مركز الرواس اللى فى شارع عبد الخالق ثروت ومعملتش فيها أى حاجه تانيه. علما بأن عربيتى توكيل مصريه بس خرجت خلاص من الضمان لأن ضمانها كان 60000 كم و هى دلوقتى عامله 68000 كم وهى 1600 مانوال 2006و عندكم زحمه جدا علما بأن مركز الرواس ده فيه ميزه بتغرينى جدا وهى انى بأفضل واقف جنب عربيتى و بابقه شايف ايه اللى بيتعمل فيها و ده حاجه مهمه جدا جدا بالنسبالى لأنى مهندس ميكانيكا و هاوى سيارات و عندى خبره عمليه كمان فى صيانتها (ده حته تيل الفرامل بأشتريه من عندكم و باركبه بنفسى).......
المهم ان ده كانت أول مره يتغير فيها الفلتر و ماردتش أغيره بنفسى أول مره لأنى مكانش عندى خبره فيه قبل كده.

معلش طولت على حضرتك و هخش فى الموضوع بقه.......

من ساعت ما الفلتر أتغير و العربيه استهلاكها من البنزين زاد بشكل ملحوظ جدا مع العلم ان الفلتر القديم ما كانش خانق العربيه و كنت باجيب بيها 190 كم /س و بعد تغيير الفلتر أداء العربيه ما اتغيرشش بس استهلاك البنزين زاد قوى؟!!!!!! أنا قلت يمكن فيه تسريب من مكان فك و تركيب الخراطيم و شيلت الكنبه الخلفيه و فكيت الخطاء الصاج اللى فوق الفلتر و بصيت على الخراطيم و الفلتر و العربيه دايره كمان و مفيش تسريب؟؟؟؟؟؟؟؟؟؟ المهم انا كان ليا بعض الملاحظات و انا بشوف العامل و هو بيركب الفلتر :

1- أول لما فك خرطوم تغذيه البنزين من الفلتر (الخرطوم الكبير اللى ليه كلبس بلاستك) رجع كميه بنزين كتير من ناحيه الموتور و كان باندفاع و غرق الدنيا علما بأن الكونتاكت كان مقفول و مفيهوش المفتاح و فيشه الطرمبه كان شالها خلاص (علما بأن اللى رجع ده مالوش علاقه بالطلمبه و كان راجع من ناحيه الموتور).

وعلى فكره انا فكيت الفلتر مره كمان بعد كده و معملتش الحركه ده تانى معايا و انا بفكه لتانى مره.

2-ملاحظاتى على الفلتر الجديد انه كان كله لونه أبيض و ليس ملصوق عليه استيكر Denso زى اللى كان راكب و اللى كان راكب كان الجزء السفلى اللى جوه التنك بلاستك أسود والجديد كان أبيض. (بس على فكره لما فكيته تانى مره لاقيته بقه اسود زى الأصلى و مش عارف ده بقه سحر و لا ايه!!!!!!!!!). و فى اعتقادى ان البنزين بيتفاعل مع البلاستك اللى تحت و يلونه بالأسود كنوع من أنواع الإفاده بأن الفتر ده استعمل قبل كده و لا فعلا جديد و ده طمنى شويه انه فعلا أصلى.

3- التجربه اللى انا عملتها بقه انى فكيته زى ما قولت لحضرتك و رجعت القديم تانى لاقيت استهلاك البنزين اتحسن بس بردو مش زى الأول؟؟؟؟!!!!!!!!

سؤالى بقه لحضرتك بخبره التوكيل اللى أكيد ياما شفتوا من خلالها مشاكل كتير؟؟؟؟؟؟؟؟

ايه اللى اتغير فى العربيه بعد فك الفلتر الأولانى خلاها تاكل بنزين و ايه سبب اندفاع البنزين اللى رجع من وصله البنزين من الناحيه اللى رايحه على الموتور علما بأنها ما اتكررتش فى الفك المره الثانيه (وهل ده شاهد على ان فيه حاجه حصلت فى الإنجكشن فى الفك أول مره وهى اللى رجعت البنزين ده)؟؟؟؟؟؟؟

أرجو الإفاده من حضرتك علما بأن استهلاك العربيه كان فوق الممتاز قبل اللعب فى موضوع الفلتر وكمان أداءها فوق الممتاز لدرجه إنى قولت لنفسى ياريتنى ما فكرت أغيره الا لما يتسد خالص مع العلم انه غالى جدا زى ما حضرتك عارف.

أرجو الإفاده من حضرتك و أسف انى هتعبك معايا.......

[Ahmed_pop_199]

السلام عليكم
ازى صحتك يا مهندس طارق
انا كنت عايز اسأل حضرتك سؤال انا معايا مفتاح متسوبيشى برموت لو عايز اعمل واحد عليه بره ده هيكلفنى فى حدود كام
وشكرا

[مصراوي جدا]

السلام عليكم يا باشمهندس طارق
كان عندى سؤال فنى لحضرتك ......

اهلا يا استاذ محمد .. انا النهارده كنت اجازة فباذن الله اعرض الموضوع السبت على مهندسي التوكيل وأرد عليك

السلام عليكم
ازى صحتك يا مهندس طارق
انا كنت عايز اسأل حضرتك سؤال انا معايا مفتاح متسوبيشى برموت لو عايز اعمل واحد عليه بره ده هيكلفنى فى حدود كام
وشكرا

اهلا يا استاذ أحمد
حضرتك تقصد بكلمة (بره) بره التوكيل يعني . لو كده فأنا مش عارف يتكلف كام. لو تقصد تكلفة عمل نسخة في التوكيل فالعربية موديل سنة كام وهل فيها ايموبيليزر ولا لأ

[ahmed_739]

ممكن لو سمحت يا بشمهندس طارق تقولى سعر الموبينة الواحدة فى اللأنسر 2007 1600 سعرها كام وشكرا

[ahmed_739]

ممكن لو سمحت يا بشمهندس طارق تقولى سعر الموبينة الواحدة للأنسر 1600 2007 سعرها كام وشكرا

[mgk_tex]

السلام عليكم العربيه اللى عايز اعملها نسخه مفتاح بريموت هيه لانسر 1600 2005 فول اوبشن اوتوماتك
وشكرا ياباشا على تعبك معانا

[مصراوي جدا]

السلام عليكم يا باشمهندس طارق
كان عندى سؤال فنى لحضرتك .......

استاذ محمد .. تم ابلاغ الموضوع وجاري تجهيز الرد

ممكن لو سمحت يا بشمهندس طارق تقولى سعر الموبينة الواحدة فى اللأنسر 2007 1600 سعرها كام وشكرا

سعر الواحدة 468 جنيه + 10 % ض.م

السلام عليكم العربيه اللى عايز اعملها نسخه مفتاح بريموت هيه لانسر 1600 2005 فول اوبشن اوتوماتك
وشكرا ياباشا على تعبك معانا

سعر المفتاح بريموت حسب رقم الشاسيه JMYSTCS3A5U003732 هو 467 جنيه + 10 %

[mohamedway]

[quote=مصراوي جدا;515304]استاذ محمد .. تم ابلاغ الموضوع وجاري تجهيز الرد


شكرا جدا ليك يا بشمهندس طارق على اهتمامك وفى انتظار الرد......

[ihab]

السلام عليكم و رحمة الله و بركاته
انا كان عندى مشكلة فى العربية و هى باردة لما باجى ادورها بتطفى على طول الا اذا قعدت اكارك لها بنزين علشان ما تطفيش
المهم رحت الرواس الموجود فى دير الملاك ( المتفرع من مصر و السودان ) و غيروا السخان و الحمد لله العيب ده مبقاش موجود
بس ظهرت حاجة تانية و هى انى و العربية لسه باردة و جيت امشى تقطع معايا و تبقى مخنوقة لغاية لما الحرارة توصل للنص و تبتدى تبقى مضبوطة
انا حاليا عامل 89250 كم و السيارة كريستالة

[rovan2006]

الأخ الفاضل / المهندس طارق
انا لسه شارى عربيه لانسر موديل 2005 كانت بتوكيل مصرية 1300 مانيوال
و عاملة 100000 كم محتاج اغرف ايه الصيانة المطلوبة و اعملها فين

[hotskull]

الاخ العزيز م/ طارق
ما هو الفرق بين الانسر الكريستالة و الانسر المكواه من ناحية الموتور و العفشة و الفرامل و الثبات و اخيرا قطع الغيار و ايهما افضل و بماذا تنصح ؟؟؟

[AhMeD EzZ]

اولا الف شكر يا باشمندس علي تعبك معانا
انا كان ليا كام سؤال
? ايه رايك في البومة كثبات و مجمل العزبية
? هل كل موديلات البومة كاسيت بس ولا Cd وبرضة الشارك
الشاشة الي في الشارك موحودة في كل الموديلات
? بشوف ناس جايبين اقل فئة و مركبين سبويلر هل بتبقي نفس اداء السبورت وإلهاف سبورت

امتي شكل البوما هيتلغي

يا ريت لو تقولي اخر الأسعار و المواصفات

و شكرا مقدما يا باشمهندس

[elhamzy]

السلام عليكم ورحمة الله وبركاته
بعد اذن حضرتك انا كان عندى استفسار بخصوص الصيانه داخل التأمين
دلوقتى انا دخلت السياره التامين من حوالى 25 يوم كنت عاوز اعرف هل فى رسوم المفروض تدفع ام لا ولك جزيل الشكر