أنت تسأل وإسـتـشـارى منتدى متسوبيشى يجيب

[مصراوي جدا]

للأسف السي دي اللي بينزل في الشارك مينفعش يركب لوحده الا لو كان نازل مع العربية لأنه بيكون جزئين جزء شاشة معلومات وجزء وحدة سي دي ومن الصور دي تلاحظ الفرق الكبير بينه وبين الراديو كاسيت العادي اللي بينزل مع GLX

فالبديل هو تركيب وحدة راديو سي دي عادية من السوق لو عايز تغير الراديو كاسيت اللي بيزل مع GLX










بخصوص مؤشر الحرارة فهو طبيعي انه يكون في النص لما العربية بتسخن وهو ده النورمال العادي لمؤشر الحرارة ، انما مش طبيعي انه يصل للنص بمنتهى السرعة يعني لازم ياخد وقت شوية زي اي عربية تانية واعتقد ده اللي بيحصل

[مصراوي جدا]

أنا عضو جديد وأول مرة أشترك فى منتدى
معى سيارة شارك موديل 2008 وعاملة 2800ك وهى خليجى بدون ضمان حدثت معى بعض المتاعب
1- فى البداية قمت بتصفير عداد الخدمة وغيرت فى setting وبعدها حاولت أجيب خدمة ال10000ولكنها لا تأتى وتأتى على الشاشة إما 3800 -7800-14000
2- عند رجوعى للخلف حدث تصادم بين فوهة خروج العادم (الشكمان ) فى كتلة حجر وسمعت صوت إحتكاك الشكمان ذهبت إلى البنزينة ونزلت تحتها وحركت الشكمان من أكثر من مكان ولقيتة ثابت وقمت بتدوير السيارة ولقيت لمبة التشك طفيت بعد التدوير كالعادة ولم يتغير صوت العربية
ولاكن عند كتم الشكمان من الخلف لم تبطل العربية وهى دايرة كما فى السيارات الأخرىوهل ذلك دليل على وجود نسريب أم لا وهل لازم العربية تبطل عند كتمها من الخلف أم لا وهل لو مابطلتش يبقى فى تسريب فى الشكمان وذلك الخبطة أثرت على الشكمان وشكرا
وأنا أسف على التطويل أرجو الرد من المهندس طارق وشكرا ومن باقى الأعضاء

انا عرضت المشكلة على المهندس عبد الجليل مدير الاستقبال في مركز خدمة قليوب وقال الآتي :

المشكلة الأولى : انك غيرت نظام الـ setting الخاص بتعديل نظام خدمة الصيانة فالأفضل الحضور للمركز الرئيسي بقليوب لاعادة ظبطه مرة أخرى.

المشكلة الثانية : ليس من الضروري أن يبطل المحرك عند كتم الشكمان من فتحة الماسورة الخلفية الا اذا تم الاستمرار في الكتم لمدة طويلة لأن ذلك بيعمل فرملة للمحرك برجوع الضغط ، وأعتقد أن ضغط الكبس الخارج من الشكمان سيكون أقوى من ضغط اليد على الماسورة بما يجعلك انت تترك يدك بسرعة.

والأفضل الحضور لمركز الخدمة في قليوب للكشف على الشكمان والاطمئنان اذا كان فيه تسريب ولا لأ.

[Daash]

بشمهندس طارق اتمنى من حضرتك تشرحلنا وظائف الجير الاتوماتيك لى لانسر شارك

انا عارف حرف P وعارف R وعارف D وعارف N فى حاجات تانية مش عارف استخدامها ايه زى الارقام واخر حرف من الاسفل مش متذكر ايه بالظبط فياريت حضرتك توضحلى الوظائف وامتى استخدمها .

تحياتي ,
Daash

[مصراوي جدا]

معلش عدد الصفحات زاد انما فيه خدمة البحث في داخل الموضوع بتسهل المهمة دي

صفحة 22 فيها شرح للموضوع ده


http://www.nilemotors.net/Nile/showthread.php?t=37979&page=22

[sherif0333]

متشكر يا استاذ طارق على الرد السريع و الوافى . بالنسبة للعربية البومة اللى قلت لحضرتك عليها فهى فعلا اول لما ادور العربية الصبح مؤشر الحرارة بييجى فى النص على طول و هو دة اللى انا مستغرب منة مع ان العربية موديل 2009 و عاملة 300 كم فياريت حضرتك توضحلى المشكلة ممكن تكون فين

[مصراوي جدا]

متشكر يا استاذ طارق على الرد السريع و الوافى . بالنسبة للعربية البومة اللى قلت لحضرتك عليها فهى فعلا اول لما ادور العربية الصبح مؤشر الحرارة بييجى فى النص على طول و هو دة اللى انا مستغرب منة مع ان العربية موديل 2009 و عاملة 300 كم فياريت حضرتك توضحلى المشكلة ممكن تكون فين

لأ اطمن مفيش مشكلة

انا كنت فاكر ان العربية بالنظام القديم بتاخد وقت شوية على ما المحرك فعليا يسخن انما سألت المهندس عبد الجليل دلوقتي قال لي لأ عادي هو فعلا اول لما تدور المؤشر بيروح للنص علطول

[mondy055]

استاذ طارق كان عندى سؤال بعد ازنك انا معايا لانسر ا1600 خليجى موديل 2006 وكنت عايز اسأل على البنزين انا بستعمل 92 ومفيش اى مشاكل بس انا قريت انت كاتب الخليجى لازم 95 ممكن اعرف ايه الاضرار لو حطيط 92

[مصراوي جدا]

هو تعليمات شركة ميتسوبيشي ان اللانسر 1600 الخليجي تستخدم بنزين 95 وده حتى مكتوب على استيكر على تنك البنزين بس غالبا معارض البيع بتشيله

انما كل مالكي العربية هنا في المنتدى (ودول كتير) اجمعوا انهم بيحطوا بنزين 92 بدون اي مشاكل انما مش بيدي كامل الباور للعربية 122 حصان ولما بيحطوا بنزين 95 بيكون أداء العربية افضل يعني بكامل الباور 122 حصان

[mondy055]

استاذ طارق كان عندى سؤال بعد ازنك انا معايا لانسر ا1600 خليجى موديل 2006 وكنت عايز اسأل على البنزين انا بستعمل 92 ومفيش اى مشاكل بس انا قريت انت كاتب الخليجى لازم 95 ممكن اعرف ايه الاضرار لو حطيط

[mondy055]

استاذ طارق كان عندى سؤال بعد ازنك انا معايا لانسر 1600 خليجى سبورت موديل 2006 وكنت عايز اسأل على البنزين انا بستعمل 92 ومفيش اى مشاكل بس انا قريت انت كاتب الخليجى لازم 95 ممكن اعرف ايه الاضرار لو حطيط

[mondy055]

طيب ممكن سؤال انا حاسس ان عربتى بتاكل بنزين جامد ممكن اعرف ممكن يكون السبب من ايه انا بصراحه مس حسبتلها لاكن انا حاسس انى بفول وقبل الربع الاخير بكون مشيت حواى 180 كيلو بس واعتقد كدا كتير وشكرا بخصوص البنزين

[mondy055]

طيب ممكن سؤال انا حاسس ان عربتى بتاكل بنزين جامد ممكن اعرف ممكن يكون السبب من ايه انا بصراحه مس حسبتلها لاكن انا حاسس انى بفول وقبل الربع الاخير بكون مشيت حواى 180 كيلو بس واعتقد كدا كتير وشكرا بخصوص استفسار البنزين 95

[مصراوي جدا]

طالما العربية موديل 2006 فممكن تكون محتاجة ظبط محرك لو كان استهلاك البنزين عالي وده بيتم في أي مركز خدمة معتمد

[memoo_1st]

انا معايا لانسر 2004 العربية بترعش لو انا واقف في اشارة و على ال d و الرعشة دي تزيد قوي لو انا مشغل التكييف .........
أرجو الأفادة أية هوا العيب دا ........
و العلاج أية ...........
و لو حبيت اعملها في التوكيل تتكلف كام ..............

وشكراً جداً.............

[mwelattar]

شكرا على مجهودك الرائع باشمهندس / طارق

ممكن اعرف من سيادتكم هو غطاء الموتور بينزل فى الشارك Gls الفئة الثانية اللى فيها فتحة سقف و 2 ايرباج و Abs و تحكم طارة ؟؟؟
و لو ممكن اعرف ثمن غطاء الموتور كام من فضلك

ولكم جزيل الشكر