أنت تسأل وإسـتـشـارى منتدى متسوبيشى يجيب

[مصراوي جدا]

معلش اتأخرت عليكم ،، نجمع الأسئلة الأخيرة هنا

السلام عليكم و رحمة الله و بركاته
انا كان عندى مشكلة فى العربية و هى باردة لما باجى ادورها بتطفى على طول الا اذا قعدت اكارك لها بنزين علشان ما تطفيش
المهم رحت الرواس الموجود فى دير الملاك ( المتفرع من مصر و السودان ) و غيروا السخان و الحمد لله العيب ده مبقاش موجود
بس ظهرت حاجة تانية و هى انى و العربية لسه باردة و جيت امشى تقطع معايا و تبقى مخنوقة لغاية لما الحرارة توصل للنص و تبتدى تبقى مضبوطة
انا حاليا عامل 89250 كم و السيارة كريستالة

اهلا يا استاذ ايهاب ..
انا حولت المشكلة للمهندس عبد الجليل مدير الاستقبال بمركز قليوب واجاب بالآتي :
المشكلة عندك في الكربراتير ومجموعة التشوك فهي لو كانت في ضبط الكربراتير فأمرها سهل يمكن ضبطه وضبط RPM
أما اذ كانت المشكلة في التشوك فان لم يقبل الضبط فهنا يمكن فكه والكشف عليه ان كان بحالة جيدة تسمح بذلك والا ان كان تالف فثمنه ثمن كربراتير حيث يأتي مع الكربراتير الجديد كمجموعة واحدة
واعتقد ان عندك المشكلة في التشوك وهذا من كلامك ان المشكلة عندك والمحرك بارد فقط

الأخ الفاضل / المهندس طارق
انا لسه شارى عربيه لانسر موديل 2005 كانت بتوكيل مصرية 1300 مانيوال
و عاملة 100000 كم محتاج اغرف ايه الصيانة المطلوبة و اعملها فين

اهلا بحضرتك ومبروك العربية
هي الصيانات الكبيرة للعربية صيانة الأربعين وصيانة التمانين وفي صيانة التمانين يتم تغيير سير الكاتينة ويمكن ان يترك بحد أقصى للمائة ألف

يا ريت حضرتك تسأل اللي اشتريتها منه هل عمل صيانة التمانين وغير سير كاتينة ولا لأ - لو لأ يبقى لازم يتم عمل لصيانة علطول حرصا على العربية وفيه موضوع مثبت فيه كل تفاصيل واسعار الصيانات من الألف الى التمانين
ولو بيداوم على عمل الصيانات الدورية وعمل صيانة التمانين يبقى صيانة المائة ألف بسيطة زي صيانة العشرين ألف

أما بخصوص تعملها فين فمراكز الخدمة والصيانة المعتمدة مذكورة في الاعلان ده

[مصراوي جدا]

الاخ العزيز م/ طارق
ما هو الفرق بين الانسر الكريستالة و الانسر المكواه من ناحية الموتور و العفشة و الفرامل و الثبات و اخيرا قطع الغيار و ايهما افضل و بماذا تنصح ؟؟؟

دايما كل موديل او شكل جديد في اللانسر بينزل بتطوير عن السابق له وبالتالي فالمكواة (او اللانسر 2001 - 2002) مطورة عن الكريستالة في كل حاجه.
من ناحية المحرك لو كربراتير فهو زي الكريستالة لكن فيه منها انجكشن وده افضل
وبالنسبة للعفشة اتحسنت واصبحت مرتفعة وبكده اتحلت مشكلة انخفاض العربية الكريستالة واصبحت عالية

اولا الف شكر يا باشمندس علي تعبك معانا
انا كان ليا كام سؤال
? ايه رايك في البومة كثبات و مجمل العزبية
? هل كل موديلات البومة كاسيت بس ولا Cd وبرضة الشارك
الشاشة الي في الشارك موحودة في كل الموديلات
? بشوف ناس جايبين اقل فئة و مركبين سبويلر هل بتبقي نفس اداء السبورت وإلهاف سبورت

امتي شكل البوما هيتلغي

يا ريت لو تقولي اخر الأسعار و المواصفات

و شكرا مقدما يا باشمهندس

1- ثبات البومة كل الناس بتشكر فيه ومن المميزات الرئيسية للعربية ، والعربية بشكل عام ممتازة

2- بخصوص الكاسيت والسي دي فدي كماليات بتختلف من عربية للتانية


أولا البومة ، الخليجي فيه منه بكاسيت أصلي وفيه بكاسيت كينوود
انما المصري بيكون 1300 أو 1600 بدون كاسيت او سي دي انما فيها تجهيزات الكاسيت اللي هي ضفيرة واربع سماعات واريال
والسبورت والسام فيها وحدة راديو كاسيت ووحدة تانية سي دي ـ والهاف سبورت وحدة راديو كاسيت فقط
ثانيا الشارك
GLX منها براديو كاسيت وبدون شاشة
GLS ,GLS sport منها براديو سي دي وبشاشة


3- مش عارف السوبيلر اللي بيتركب هيدي نفس أداء الأصلي ولا لأ

4- البومة مستمر 2009 و 2010 وخلاص

5- آخر الأسعار (للمصري من التوكيل) موديلات 2009
بومة 1300 مانوال 99000 ج واوتوماتيك 103000 ج
بومة 1600 مانوال 106000 ج واوتوماتيك 114000 ج
بومة هاف سبورت 120000 ج وسبورت 126000 ج وسام 129000 ج

شارك GLX اوتوماتيك 140000 ج
شارك GLS هاف سبورت اوتوماتيك 147000 ج
شارك GLS سبورت 160000 ج

السلام عليكم ورحمة الله وبركاته
بعد اذن حضرتك انا كان عندى استفسار بخصوص الصيانه داخل التأمين
دلوقتى انا دخلت السياره التامين من حوالى 25 يوم كنت عاوز اعرف هل فى رسوم المفروض تدفع ام لا ولك جزيل الشكر

سؤال حضرتك رغم غرابته انما اكيد مهم لكتير من الناس اللي مش عارفه الفرق بين الصيانة والتأمين والضمان

التأمين حضرتك مخصص للحوادث فقط (سواء كبيرة او صغيرة) انما اي مصروفات صيانة ميكانيكية التأمين ملوش دعوة بيها ، لكن كل ما يتعلق بالبودي يعني فانوس اتكسر او اكصدام اتعوج من خبطات بسيطه كل ده التأمين بيتحمله

اما الصيانة فهي الصيانة الدورية اللي العربية بتحتاجها كل 10 آلاف كيلو وتشمل تغيير زيت وفلتر زيت واي قطع غيار دورية (مذكورة في مواضيع الصيانات الدورية) ودي حضرتك بتحاسب عليها

اما الضمان فهو لو حدث تلف لقطعة غيار عيب صناعة خلال فترة الضمان بيتم تغييرها مجانا في التوكيل على حساب الشركة الأم (ميتسوبيشي)

[mohamedway]

السلام عليكم يا باشمهندس طارق
كان عندى سؤال فنى لحضرتك وهو انى من كام شهر كده غيرت فلتر البنزين فى مركز الرواس اللى فى شارع عبد الخالق ثروت ومعملتش فيها أى حاجه تانيه. علما بأن عربيتى توكيل مصريه بس خرجت خلاص من الضمان لأن ضمانها كان 60000 كم و هى دلوقتى عامله 68000 كم وهى 1600 مانوال 2006و عندكم زحمه جدا علما بأن مركز الرواس ده فيه ميزه بتغرينى جدا وهى انى بأفضل واقف جنب عربيتى و بابقه شايف ايه اللى بيتعمل فيها و ده حاجه مهمه جدا جدا بالنسبالى لأنى مهندس ميكانيكا و هاوى سيارات و عندى خبره عمليه كمان فى صيانتها (ده حته تيل الفرامل بأشتريه من عندكم و باركبه بنفسى).......
المهم ان ده كانت أول مره يتغير فيها الفلتر و ماردتش أغيره بنفسى أول مره لأنى مكانش عندى خبره فيه قبل كده.

معلش طولت على حضرتك و هخش فى الموضوع بقه.......

من ساعت ما الفلتر أتغير و العربيه استهلاكها من البنزين زاد بشكل ملحوظ جدا مع العلم ان الفلتر القديم ما كانش خانق العربيه و كنت باجيب بيها 190 كم /س و بعد تغيير الفلتر أداء العربيه ما اتغيرشش بس استهلاك البنزين زاد قوى؟!!!!!! أنا قلت يمكن فيه تسريب من مكان فك و تركيب الخراطيم و شيلت الكنبه الخلفيه و فكيت الخطاء الصاج اللى فوق الفلتر و بصيت على الخراطيم و الفلتر و العربيه دايره كمان و مفيش تسريب؟؟؟؟؟؟؟؟؟؟ المهم انا كان ليا بعض الملاحظات و انا بشوف العامل و هو بيركب الفلتر :

1- أول لما فك خرطوم تغذيه البنزين من الفلتر (الخرطوم الكبير اللى ليه كلبس بلاستك) رجع كميه بنزين كتير من ناحيه الموتور و كان باندفاع و غرق الدنيا علما بأن الكونتاكت كان مقفول و مفيهوش المفتاح و فيشه الطرمبه كان شالها خلاص (علما بأن اللى رجع ده مالوش علاقه بالطلمبه و كان راجع من ناحيه الموتور).

وعلى فكره انا فكيت الفلتر مره كمان بعد كده و معملتش الحركه ده تانى معايا و انا بفكه لتانى مره.

2-ملاحظاتى على الفلتر الجديد انه كان كله لونه أبيض و ليس ملصوق عليه استيكر Denso زى اللى كان راكب و اللى كان راكب كان الجزء السفلى اللى جوه التنك بلاستك أسود والجديد كان أبيض. (بس على فكره لما فكيته تانى مره لاقيته بقه اسود زى الأصلى و مش عارف ده بقه سحر و لا ايه!!!!!!!!!). و فى اعتقادى ان البنزين بيتفاعل مع البلاستك اللى تحت و يلونه بالأسود كنوع من أنواع الإفاده بأن الفتر ده استعمل قبل كده و لا فعلا جديد و ده طمنى شويه انه فعلا أصلى.

3- التجربه اللى انا عملتها بقه انى فكيته زى ما قولت لحضرتك و رجعت القديم تانى لاقيت استهلاك البنزين اتحسن بس بردو مش زى الأول؟؟؟؟!!!!!!!!

سؤالى بقه لحضرتك بخبره التوكيل اللى أكيد ياما شفتوا من خلالها مشاكل كتير؟؟؟؟؟؟؟؟

ايه اللى اتغير فى العربيه بعد فك الفلتر الأولانى خلاها تاكل بنزين و ايه سبب اندفاع البنزين اللى رجع من وصله البنزين من الناحيه اللى رايحه على الموتور علما بأنها ما اتكررتش فى الفك المره الثانيه (وهل ده شاهد على ان فيه حاجه حصلت فى الإنجكشن فى الفك أول مره وهى اللى رجعت البنزين ده)؟؟؟؟؟؟؟

أرجو الإفاده من حضرتك علما بأن استهلاك العربيه كان فوق الممتاز قبل اللعب فى موضوع الفلتر وكمان أداءها فوق الممتاز لدرجه إنى قولت لنفسى ياريتنى ما فكرت أغيره الا لما يتسد خالص مع العلم انه غالى جدا زى ما حضرتك عارف.

أرجو الإفاده من حضرتك و أسف انى هتعبك معايا.......

يا بشمهندس طارق حضرتك نسيتنى خالص:(

[elhamzy]

اولا انا بشكرك جدا على الاهتمام

لكن السؤال باختصار ان انا هستلم العربيه من (الجمعيه التعاونيه للتامين) كان فيها بعض الخبطات واتعملت الحمد لله مع تغيير الاكصدامات الاثنين وفانوس خلفى بيقولولى هتدفع 10% اهلاك فهل هذا صحيح ولا اشتغاله؟؟؟؟:k10:؟

[hazem66]

المهندس / طارق باشا
بداية لك كل التحية واشكرك جدا على اهتمامك بالرد على كل الاستفسارات
واحب اقول لحضرتك انى فى بداية سبتمبر قررت اشترى عربية جديدة وكان عندى لانوس 2005 وكنت محتار جدا بين عدة اختيارات
وبدأت رحلة المقارانات واتعرفت على المنتدى الاكثر من رائع
واحب اقول لحضرتك ان جهودم وذوقك الجم اهم عنصر حببنى فى العربية اللانسر وطبعا مشاركات الاعضاء فى متسوبيشى وكلامهم الجميل عن العربية
المهم انى قررت واشتريت فعلا لانسر البومة 1600 خليجى الاوتوماتيك
انا سؤال لحضرتك علشان ماطولش عليك
انا من الفيوم وحاليا انا اكملت 1000 كم بالعربية
وكنت عايز اعمل صيانة الالف حسب نصائح المنتدى وحضرتك
فأنا ميال انى اعملها فى المركز بتاع قليوب - اعتقد حضرتك بتكون موجود فيه- اولا علشان اتعرف عليك ونتشرف بمقابلتك ونشكرك وثانيا لانى معرفش غيره
فياترى اقدر آجى يوم السبت اللى جاى الموافق 29/11 لانى جاى القاهرة بطبيعة الحال واذا كان ممكن يكون الساعة كام
وهل ممكن حضرتك تدينى تليفونك علشان اتصل بحضرتك اول ماآجى ولو على الخاص ولا ايه طريقة السؤال عنك او الاتصال بيك داخل التوكيل
ياريت ترد عليا قبل السبت
ولك كل شكرى وامتنانى

[مصراوي جدا]

يا بشمهندس طارق حضرتك نسيتنى خالص:(

منستش والله يا استاذ محمد .. انا محول الموضوع للمهندس عبد الجليل وسألته النهارده تاني قال لي لسه بيدرس في الموضوع

اولا انا بشكرك جدا على الاهتمام

لكن السؤال باختصار ان انا هستلم العربيه من (الجمعيه التعاونيه للتامين) كان فيها بعض الخبطات واتعملت الحمد لله مع تغيير الاكصدامات الاثنين وفانوس خلفى بيقولولى هتدفع 10% اهلاك فهل هذا صحيح ولا اشتغاله؟؟؟؟:k10:؟

لأ صحيح ان العميل بيكون له نسبة تحمل والنسبة دي بتكبر كل لما العربية بتقدم

المهندس / طارق باشا
بداية لك كل التحية واشكرك جدا على اهتمامك بالرد على كل الاستفسارات
واحب اقول لحضرتك انى فى بداية سبتمبر قررت اشترى عربية جديدة وكان عندى لانوس 2005 وكنت محتار جدا بين عدة اختيارات
وبدأت رحلة المقارانات واتعرفت على المنتدى الاكثر من رائع
واحب اقول لحضرتك ان جهودم وذوقك الجم اهم عنصر حببنى فى العربية اللانسر وطبعا مشاركات الاعضاء فى متسوبيشى وكلامهم الجميل عن العربية
المهم انى قررت واشتريت فعلا لانسر البومة 1600 خليجى الاوتوماتيك
انا سؤال لحضرتك علشان ماطولش عليك
انا من الفيوم وحاليا انا اكملت 1000 كم بالعربية
وكنت عايز اعمل صيانة الالف حسب نصائح المنتدى وحضرتك
فأنا ميال انى اعملها فى المركز بتاع قليوب - اعتقد حضرتك بتكون موجود فيه- اولا علشان اتعرف عليك ونتشرف بمقابلتك ونشكرك وثانيا لانى معرفش غيره
فياترى اقدر آجى يوم السبت اللى جاى الموافق 29/11 لانى جاى القاهرة بطبيعة الحال واذا كان ممكن يكون الساعة كام
وهل ممكن حضرتك تدينى تليفونك علشان اتصل بحضرتك اول ماآجى ولو على الخاص ولا ايه طريقة السؤال عنك او الاتصال بيك داخل التوكيل
ياريت ترد عليا قبل السبت
ولك كل شكرى وامتنانى

اهلا بيك يا استاذ حازم والف مبروك العربية ربنا يديك خيرها ويكفيك شرها

وتشرفنا باذن الله يوم السبت في قليوب بس ياريت بدري على قد ما تقدر (احنا بنبدأ الساعة 8) علشان يوم السبت ده زحمة اوي .. اول لما توصل شرفني في مكتبي فوق (ادارة الكمبيوتر)

[salem]

bashmohandes tarek b3d eznak
3yz a3'yr mosa3den odam we wara
lancer crystala 99
as3rhom kam
we fe makan seyana orayeb leya mel mohandessin ?!
shokran

[مصراوي جدا]

استاذ سالم رجاء ارسال رقم الشاسيه كاملا حتى يمكن تحديد ارقام الصنف للمساعدين المطلوبة وبالتالي تحديد وجودها من عدمه وتحديد سعرها

اقرب مركز خدمة للمهندسين هو الرواس ش النيل عند كوبري 15 مايو قبل ميدان الكيت كات

[mohamedaamm]

الى استاذ طارق سؤال هام و يهم كل شخص

السلام عليكم
يا استاذ طارق انا قريت فى الجرايد (الاهرام) مقال ان اسعار العربيات حترخص و بلاقى السعر مش بيقل بل بالعكس بيزيدو الناس بتقول ان عاى بداية 2009 الاسعار حتقل و انا نفسى اشترى عربيه فهل انتظر حتى بداية العام ام اشترى الان (برجاء كل انسان عنده معلومة سليمة الرد لانى مشوش ؟؟)
و شكرا لك يا استاذ طارق و الى كل انسان مشارك معى فى الراى
اخوكم محمد

[hazem66]

المهندس طارق
اشكرك جدا لاهتمامك وان شاء الله هاكون فى التوكيل السبت الساعة 8 ص تماما
كل التحية والتقدير

[ansary0]

الإكصدام الأمامي خارج التوكيل بكام؟؟؟؟

[salem]

استاذ سالم رجاء ارسال رقم الشاسيه كاملا حتى يمكن تحديد ارقام الصنف للمساعدين المطلوبة وبالتالي تحديد وجودها من عدمه وتحديد سعرها

اقرب مركز خدمة للمهندسين هو الرواس ش النيل عند كوبري 15 مايو قبل ميدان الكيت كات

bashamohandes tarek motshakr 3al rad el saree3

hadretak 3ayz rakam el shasih ely fel ro7'sa wala haga tnya ?!

[مصراوي جدا]

السلام عليكم
يا استاذ طارق انا قريت فى الجرايد (الاهرام) مقال ان اسعار العربيات حترخص و بلاقى السعر مش بيقل بل بالعكس بيزيدو الناس بتقول ان عاى بداية 2009 الاسعار حتقل و انا نفسى اشترى عربيه فهل انتظر حتى بداية العام ام اشترى الان (برجاء كل انسان عنده معلومة سليمة الرد لانى مشوش ؟؟)
و شكرا لك يا استاذ طارق و الى كل انسان مشارك معى فى الراى
اخوكم محمد

بخصوص ما تم من تخفيض أو زيادة في أسعار العربيات في السوق المصري في الفترة السابقة (خلال شهر او أقل) فده كان مرتبط ارتباط وثيق بسعر العملة.

يعني العربيات الأوروبي كلها رخصت اسعارها علشان سعر اليورو نزل ، وكتير من الياباني زود سعر عربياته لأن للأسف سعر الين زاد.

أما مقالة الأهرام فهي تتحدث عن ظروف عالمية هتؤدي الى حالة ركود عام تضطر الوكلاء الى تخفيض الأسعار نظرا لقلة البيع وفيه في المنتدى العام عده مواضيع بتناقش موضوع الأسعار ووضع السوق الحالي.

أما عن موضوع انخفاض الأسعار على اول 2009 فليس هناك سبب لتحديد هذا الموعد بالتحديد ولا يمكن التكهن بموعد تنخفض فيه الأسعار.

الإكصدام الأمامي خارج التوكيل بكام؟؟؟؟

للأسف انا اعرف أسعار قطع الغيار في التوكيل فقط لأني باشتغل فيه

bashamohandes tarek motshakr 3al rad el saree3

hadretak 3ayz rakam el shasih ely fel ro7'sa wala haga tnya ?!

المطلوب رقم الشاسيه كاملا 17 حرف ورقم كما هو محفور على شاسيه العربية وليس الأرقام المختصرة في الرخصة

[hossameg20035]

يا بشمهندس طارق
معايا لانسر 2005 1600سي سي رياضية
وفتحة السقف مش راضية تشتغل علقت
دى تكاليفها تبقى فى حدود كام فى التوكيل
وان شاء الله اتعرف واتشرف بحضرتك شخصيا

[مصراوي جدا]

الشرف ليا يا استاذ حسام

باذن الله بكره اسأل وارد على حضرتك في الاحتمالات والتكاليف

شهر كام 2005 وهل خرجت من الضمان ؟