أنت تسأل وإسـتـشـارى منتدى متسوبيشى يجيب

[مصراوي جدا]

الأخوة الأعزاء أعضاء المنتدى

اتقدم بالاعتذار لتغيبي خلال الفترة الماضية عن المنتدى لظروف العمل

وباذن الله اعود الى مشاركاتي معكم خلال الفترة القادمة وأرد على كافة الأسئلة السابقة

[OldVic]

حمد الله على السلامة لعل المانع خير :) أنا لاحظت فعلا غيابك و كنت سأرسل لك على الخاص للاطمئنان

[mgk_tex]

يا جماعه ردا على كلام البشنهندس احمد انا عندى عربيه لانسر 2005 1600 سى سى الحمد الله تمام وبعدى بيها الانترا على طول وبتوصل بسرعه 100 كيلوا فى 11 ثوانى ده على شان هيه اوتوماتك لكن لو هيه مانيوا هتوصلها فى 10 ثوانى بس زى كل العربيات الانسر 1600 سى سى و فى البزين تقريبا بتاخد فى 25 كليوا 1.5 لتر و الكلام ده كله مش على شان انفخ فى لانسر على حساب مركات تانى لكن دى تجربه شخصيه

[basom]

بتاخد فى 25 كليوا 1.5 لتر و الكلام ده كله مش على شان انفخ فى لانسر على حساب مركات تانى لكن دى تجربه شخصيه[/quote]

راجع نفسك فى الكلمتين دول انا معايا 2008 بتعمل من غير تكيف 12 ك فى 1.5 لتر دول

[Ahmed Hassan]

يا جماعه ردا على كلام البشنهندس احمد انا عندى عربيه لانسر 2005 1600 سى سى الحمد الله تمام وبعدى بيها الانترا على طول وبتوصل بسرعه 100 كيلوا فى 11 ثوانى ده على شان هيه اوتوماتك لكن لو هيه مانيوا هتوصلها فى 10 ثوانى بس زى كل العربيات الانسر 1600 سى سى و فى البزين تقريبا بتاخد فى 25 كليوا 1.5 لتر و الكلام ده كله مش على شان انفخ فى لانسر على حساب مركات تانى لكن دى تجربه شخصيه

ما شاء الله.... اوعى تفرط فيها لأن اكيد العربيه دي HYBRID بس ميتسوبيشي مكتمين على الموضوع

[basom]

ما شاء الله.... اوعى تفرط فيها لأن اكيد العربيه دي HYBRID بس ميتسوبيشي مكتمين على الموضوع

يا جاممممممممممدددددددد
هو دة الى كنت عايز اقولوة بالظبط

[mgk_tex]

السلام عليكم
انا شايف هجوم فظيع عليا كانى وكفرت لا عياذ بالله انا يا جماعه والله العظيم فولت التنك بتاعى وبعد مسافه 25 كيلوا رحت افول تانى على شان اشوف العربيه بتاخد كام لقيتها اخدت لتر ونص بس ده اللى حصل
الموضوع مش محتاج كدب لانى شركه متسوبيشى دى مش بتاعت خالى مثلا على شان اقول كده لو حد عنده تفسير للكلام ده يقولى ؟؟

[ahm3d ham>ed]

فى عربية لانسر بتاعت واحد صحبى
كاملة اتو 1600 رياضية خليجى
المهم الغربية عاملة دلوقتى 100الف كيلو
بس لاحظنا حاجة ان العربية سحبها قل اووى عن الاول يعنى لما اجى ادوس بنزين العربية بقت تقيلة شوية فى السحب

العربية دى كانت فى الاول صارووخ تدوس من هنا ع البنزين تلاقى العداد بيجرى
لاكن دلوقتى العربية تقيلة موت مش عارفين من اية

[ahmedel_rayies]

السلام عليكم
انا شايف هجوم فظيع عليا كانى وكفرت لا عياذ بالله انا يا جماعه والله العظيم فولت التنك بتاعى وبعد مسافه 25 كيلوا رحت افول تانى على شان اشوف العربيه بتاخد كام لقيتها اخدت لتر ونص بس ده اللى حصل
الموضوع مش محتاج كدب لانى شركه متسوبيشى دى مش بتاعت خالى مثلا على شان اقول كده لو حد عنده تفسير للكلام ده يقولى ؟؟

طيب مع حضرتك، تسمح تقولى بتعمل الصيانة بتاعة عربيتك فين، ولو فى التوكيل فى أنهي فرع.

جزاك الله خير على ردك، وربنا يباركلك فى عربيتك

[ahmedel_rayies]

فى عربية لانسر بتاعت واحد صحبى
كاملة اتو 1600 رياضية خليجى
المهم الغربية عاملة دلوقتى 100الف كيلو
بس لاحظنا حاجة ان العربية سحبها قل اووى عن الاول يعنى لما اجى ادوس بنزين العربية بقت تقيلة شوية فى السحب

العربية دى كانت فى الاول صارووخ تدوس من هنا ع البنزين تلاقى العداد بيجرى
لاكن دلوقتى العربية تقيلة موت مش عارفين من اية

دي نفس المشكلة اللى فى عربيتى، والله العظيم العربية بقت زي الزفت وزهقت منها.

أرجوكم ياخبراء ميتسوبيشي وتوكيل ميتسوبيشى ردوا علينا!!!!!!!!!!!!

[mgk_tex]

السلام عليكم
انا حضرتك العربيه دى مشتريها يوزد ولسه هعملها صيانه ال 80 إن شاء الله بس لسه مش عارف هعملها فين

[Ahmed Hassan]

السلام عليكم
انا شايف هجوم فظيع عليا كانى وكفرت لا عياذ بالله انا يا جماعه والله العظيم فولت التنك بتاعى وبعد مسافه 25 كيلوا رحت افول تانى على شان اشوف العربيه بتاخد كام لقيتها اخدت لتر ونص بس ده اللى حصل
الموضوع مش محتاج كدب لانى شركه متسوبيشى دى مش بتاعت خالى مثلا على شان اقول كده لو حد عنده تفسير للكلام ده يقولى ؟؟

التفسير ان لما فولت اول مره زور العامل في المحطه فولك التانك على الآخر و ملا زور التانك كمان...و دول حبه حلوين يعملوا حوالي 1.5 او 2 لتر بنزين على الأقل. بعد كده انت مشيت 25 كيلو ولما جيت تفول تاني العامل لآقى ان المسدس بيقفل علىطول لأن التنك مليان.. فحطلك لتر و نص بس

[samofox]

السلام عليكم استاذ طارق ..انا بس عاوز اسال حضرتك انا حاجز لانسر شارك من الجيش وبلغونى ان العربيات حتوصل من اليابان على يوم 25 يناير وانى استعد لاستلمها من قليوب عند حضرتك وانا طبعا محدد اللون النبيتى فكنت عاوز اعرف من حضرتك هل الالوان بتيجى من اليابان بناء على طلب العميل ولا هى بتيجى تشكيلة وهل ممكن يكون متحددلى اللون فخطاب التسليم وميكنش موجود؟ وفالحالة دى حضرتك انا حعمل اية ؟لان انا باى حال من الاحوال مش حستلم غير اللون اللى عاوزة ومحددة لان زى محضرتك عارف موضوع الالوان دة بيبقى راحة نفسية وكمان عاوز اعرف من حضرتك هل ممكن ااجل الاستلام لان انا عايش خارج مصر ولو ينفع ااجل حيكون اقصاة اد اية انا معنديش مشكلة طبعا فاستلامها بس عشان متفضلش مركونة وانا خايف عليها فكنت عاوز استلامها بعد حوالى 3 او 4 شهور انا طبعا حاخد خطاب التسليم من الجيش فمش عارف دة بيبقى مدة صالحيتة اد اية ولو استلمتها وحبيت اشيلها لميعاد نزولى التخزين بتاعها حيكون ازاى ياريت تفيدنى يا استاذ طارق وشكرا جزيلا لمجهوداتك

[مصراوي جدا]

بالنسبة لعربيات الجيش فهي نوعين البومة 1600 والشارك 1500


- البومة بيتم تسليمها لدى جهاز الخدمات العامة للقوات المسلحة نفسه بعيدا عن مصرية (بحضور ممثل من الشركة لختم دفتر الضمان بختم مصرية)


- الشارك بيتم تسليمها لدى مصرية في قليوب فعلا ، انما لما سألت دلوقتي عرفت ان التسليم بيتم بناء على خطاب من جهاز الخدمات محدد به اللون وبالتالي تحديد اللون المطلوب تسليمه بيكون من جهاز الخدمات


فحضرتك لازم تخللي حد من معارفك في مصر يتابع مع جهاز الخدمات ويتفق معاهم على اللون المطلوب ده علشان لما العربيات توصل وييجي يعمل خطاب الاستلام ميكتبش فيه لون غير المطلوب ، وطبعا هم على علم بالألوان اللي جاية لأن هم اللي طالبنها ومحددين اعدادها مش بيفاجئوا بيها متحددة بناء على رغبة اليابان

لو اللون مش موجود او هم حددوا خلاص مين اللي هياخدوا يبقى يا اما هتاخد لون تاني او هتنتظر الدفعة التالية (انا مش عارف ميعادها امتى)

تأجيل الاستلام برضه بيتم من خلال جهاز الخدمات مش عن طريق مصرية

وتحت امرك في اي سؤال تاني

[مصراوي جدا]

التفسير ان لما فولت اول مره زور العامل في المحطه فولك التانك على الآخر و ملا زور التانك كمان...و دول حبه حلوين يعملوا حوالي 1.5 او 2 لتر بنزين على الأقل. بعد كده انت مشيت 25 كيلو ولما جيت تفول تاني العامل لآقى ان المسدس بيقفل علىطول لأن التنك مليان.. فحطلك لتر و نص بس

هو بشكل عام لا يمكن الحكم على استهلاك العربية بـ 25 كيلو مشيهم لأن ممكن يتعملوا على طريق سريع فـي عشر دقايق ويكون استهلاك بسيط جدا وممكن يتعملوا على الطرق الداخلية والزحام الرهيب في يوم كامل ويكون استهلاك عالي جدا

دايما الشركة بتحسب الاستهلاك الصحيح للعربية من خلال المشي المنتظم على سرعة 90 كيلو متر بدون تشغيل التكييف اما المشي داخل المدن فليس له اي مقياس خالص وده منطقي جدا وخاصة في القاهرة اللي ممكن تمشي 2 كيلو على كوبري اكتوبر في ساعتين مثلا