أخيرا وبعد طول عناء... حل لمشكلة السحب الضعيف للاسبرانزا 516

[usama_esam]

علي فكرة ماتور الانسر 1300 مش قد كدة ممكن الاسبيرانزا تعدي منها لانها كانت معايا واتخنقت منها

[إسلام شاهين]

ولا مراهقين ولا حاجة يا أستاذ وائل الراجل بكل أدب واحترام أعلن إنه بيتحدى بعربيته ( ربنا يباركله فيها ) وإحنا برضه ردينا عليه بكل أدب واحترام إننا قبلنا التحدي عادي عني أهي تسليه ومش هنخسر حاجة على الأقل هنعرف فعلا إمكانيات العربية بجد وعلى الطبيعة وهتكون فرصة للتقييم الصح بعيدا عن الآراء الهوائية ، وأولا وأخيرا أهي مجرد تجربة .
وبالنسبة للأخ اللي بيقول إن موتور الانسر 1300 مش قد كده أدينا هنشوف على الطبيعة أحسن .

[ايهاب]

ياخوفي يابدران لايبقي فيها دم--------فاكرين حادثة المطار واخونا بتاع الامارات؟
=كل واحد يعتبر نفسه هو الي فاز والجايزة عندي لو ماعملتوش التسابق--وتولع وزة ---احنا عايزينها كدة --مكسحة --عندها بري بري-كساح --مدهولة
------نس الاهم سلامة الجميع


العرض ساري --لو مفيش سباق
dr/ehababdelhafeez

[محمد المرسي]

هو ده الكلام د.إيهاب عبد الحفيظ .. وعلى فكرة أنا كنت ممكن أدخل موضوع السباق ده لأنى متأكد من العربية كويس جداً والحمد لله بتسحب معايا اللى أنا عايزه .. لكن وأخرتها أيه لا قدر الله وحصل حاجة هنقول يا ريت !! ..
اللى معاه عربية ومقتنع بيها ربنا يباركله فيها ويبعد عنه أى شر .. وياريت نفضل أحبه وأصدقاء ..

وتقبلوا أحترامى ..

[وائل عطية]

على فكرة يا جماعة موضوع السباق دا على قد ماهو يعتمد على إمكانيات العربية على قد ما بيعتمد على قدرات السائق برده
بمعني إن لو واحد معاه بي إم بس هو من النوع المحافظ على عربيته وعلى حياته وحياة اللي راكبين معاه ممكن الشخص دا تسبقة عربية عادية خالص حتى لو كانت إلنترا كوري :lol: ، والعكس بالعكس
والله امبارح كنت في مشوار في طريق في مطبات كتير مش مدي فرصة للعربيات تفتح، وكان قدامي واحد راكب بي إم بس والله لو حد يحكم من غير ما يعرف إنها بي إم ماكانش يقول عليها أكتر من 128 وكان في كل مطب يعرض العربية وياخد المطب بالجنب وبهدوء قاتل .. كان هايشلني ... طبعاً دا لو أنا هافتح معاه أكيد هاعديه بمراحل بس مش معني كده إن عربيتي أحسن من البي إم لأ طبعاً (مع حفظ المقامات)
على فكرة البي إم هى العربية الوحيدة (طبعاً بالإضافة للباسات) اللي لو كنت لا سمح الله سابقها وأكيد مش عن شطارة من عربيتي وإنما عن تقصير من سائق العربية التانية، هى دي العربية اللي لازم أفتح ليها الطريق لو بإيدي وأتأخر وراها إحتراما لفرق الإمكانيات طبعاً.
خلاصة الكلام ياجماعة بلاش نسخن على بعض كده علشان ربنا يسترها معانا..إحنا مش هانكسب الفورميلا (طبعاً مع التأكيد على أن الوزة لن تكون صيداً سهلاً للمبارزين وبدون مبالغة :lol: )

[ahmed1981]

كلما زادت نسبة إنضغاط المحرك كلما أصبح المحرك متأقلم مع نوع بنزين أعلى في رقم الأوكتان
لو نسبة الإنضغاط منخفضة زي الشاهين وال 128 والادا إديها بنزين 80 وإنت مطمن إنها هتجيب آخر عزم ليها بيه وبدون مشاكل
لو نسبة الإنضغاط عالية زي المواتير الحديثة عموما وده بيكون موضح في الكاتلوج وأعلى نسب إنضغاط بتكون في العربيات الغالية جداُ زي المرسيدس والبي إم وكذلك أي سيارة مكتوب في كتلوجها نسبة إنضغاط عالية في الحالة ده السيارة محتاجة بنزين برقم أوكتاني أعلى يعني من 92 وممكن 95 وممكن 97 وطبعا 97 مش موجود في مصر
المهم لو حطيت بنزين أقل من الرقم الأوكتاني الموصى به حسب نسبة الإنضغاط السيارة يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت الموتور يعلى وممكن متحسش بالفرق بنفسك لكن هو هيعلى بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور يسقف وده صوت زي صوت يطلع لو إننت ماشي على الرابع على 30 وفجأ دست بنزين جامد تسمع صوت تكتكه هو ده التصفيق اللي يزيد عندك
4- التصفيق الكتير يقصف عمر المحرك
5- قد يكون السيارة موصى لها بنزين 92 ولكن لما تحط 95 تديك أداء أفضل في هذه الحالة جيبك هو اللي يحكم لأن ال 95 هيديك إحساس قوي بفلوس كتير وال 92 هيوفر بدون ضرر على المحرك في الحالة دي أحكم حسب ما في الجيب
والله أعلم
م/أحمد :D

[محمد المرسي]

تسلم م.أحمد على المعلومات القيمة ..

[sh_masry]

هههههههه ايه يا جماعه , هو انتم مش عايزين تتأكدوا من قدرت عربياتكم ؟؟؟؟؟ طب انا كنت عايز اعرفكم قدرها مش اكتر والله............
و بخصوص الانسر ال 1300 مع انى مركبتهاش بس متأكد انها هاتطلع من الوزه بس لو موتورها مفتوح و متعوده على الشد , لأنى متأكد انى كنت ممكن اطلع منها بالأكسنت 1300 القديمه بتاعتى بس للأسف بعتها و لو حد ادانى اكسنت 1300 متعوده على الشد طبعا هاطلع من الوزه ..... فايبقى صعب قوى الانسر ماتطلعش

[عبدالرحمن]

:lol: :lol: :lol:

1300 سى سى تطلع من 1600 سى سى ....والله العظيم كلام فعلا يضحك و يموت من الضحك........

اية يا عم شريف هوا انتا من كتر ما بتجامل الناس على حساب الاسبيرانزا

هتجامل و تقول كلام واحد ملهوش فى العربيات ولا البطاطس ولا اية ؟؟؟؟

حاول لما تجامل توزنها شوية و تقول كلام الناس تعقله .................... :!:

[عبدالرحمن]

ااه صحيح نسيت اقولكم ان ال
80 كيلو وات = 107.3 حصااان