الموضوع: أخيرا وبعد طول عناء... حل لمشكلة السحب الضعيف للاسبرانزا 516

و الله لو حاطط بنزين طيارات ههههههه

المشاركة الأصلية كتبت بواسطة memo_hefnawy

يا جماعه الموضوع مش كده

مستوى إنضغاط ماتور الإسبيرانزا كام؟ لو فوق ال 9.5 يبقى هايفقرق لو 9.5 أو 9 مش هايفرق

بالضبط يا أستاذ حفناوي

نسبة إنضغاط الماتور هي اللي تفرق و ماتور الاسبيرانزا 1 : 10.5

يعني كل ما علية درجة الأوكتان في البنزين كل ما تاخد أداء أعلى من المحرك ده، و ديه حقيقة هندسية

عندى استعداد اتحداك بتويوتا ياريس و احط فيها بنزين 90 مش 95 ولا 92

معنى كلامك م/محمد أنى أمون بنزين 95 بدلا من 92 ؟ مع العلم أن العربية معايا كويسة جداً وعلى العموم أنا مش محتاج حكاية التسارع ده لأنها مش هتفرق معايا ..

أعلنها صراحة

مستعد للتحدي مع أي سيارة فئة 1600 أو أقل أيا كان نوعها ابتداءً بالالنترا والنوبيرا والتيوتا والنيسان ومرورا بالياريس وانتهاءً حتى بالـ 128

حدد المكان والزمان وانا مستعد ، وخلى بالك انت بتتحدى 1600CC - حصان 118 - عزم 147 نيوتن/م بمعنى الكلمة .والموتور DOHC وليس SOHC

أنا جاهز

ملاحظة : دون وضع أية إضافات على السيارة الأخرى سوى بنزين 95 فقط (إضافات مثل غازنيتروس- هيدرز- تيربو - . . .الخ )

فكرتني يا أستاذ خالد بفيلم أمير الانتقام :lol:
الحكاية مش حكاية تحدي
بس المشكلة إن الحل بتاع حضرتك مش عملي لأن مش الكل هايحط بنزين 95 ماينفعش
وبعدين انا شايف إن السحب معقول قوي من غير حاجة

مع احترامي الشديد لك يا أستاذ وائل ، العربية ممكن تاخذ منها باور عالي في 95 عن 92 وعن 90 لو انت مش محتاج الباور الزيادة ده ومبسوط بقدرة عربيتك خلاص أوكي .

لكن ليه تاخد باور أقل طالما انك ممكن تاخذ باور أعلى

انا معاك ان الحل ده مكلف لكن الغاوي ينقط بطقيته ، وبالنسبة لي مش ممكن اتنازل عن الباور العالي ده عشان بعد كده تيجي الانترا كوري مثلا وتسبقني وهي 108 حصان فقط ؟! ليه يعني جري ايه في الدنيا لما 108 حصان يسبق 118 حصان ، ده انا أدغدغها أصلا مش أبيعها .

هذا رأيي وهذه قناعتي الشخصية ، وانا قلت أنقل تجربتي وأطرح الحل هنا لعل أحد يريد أن يستفيد ، إذا كان موضوع السحب ده مسبب له مشكله ، أما لو هو حاسس ان السحب كويس وهو مقتنع بيه وما بيشدش كتير مع العربيات ومش مهم ان حد يسبقه مع انه أقل منه في الـ CC وفي الأحصنة يبقى خلاص يا دار ما دخلك شر .

في مثل بيقول :
لما ربنا وزع العقول كل واحد عجبه عقله
لكن
لما وزع الأرزاق كل واحد ما عجبوش رزقه

مع احترامي وتقديري الشديدين لك مره أخري