الموضوع: التكييف بيزلنى

1. بتختلف من عربية لعربية و من كباس لكباس بس بوجة عام بتبقى فوق التكييف
2. ايوه مش شرط يكون الكنتاكت مفتوح انت بتدى كهربا مباشر
3. بالتوفيق ان شاء الله و يارب اكون عرفت افيدك

والله يا باشا لا شغال فى جنرال موتورز و لا عملتها على ايدى و العربية الحمد لله مريحانى جداً
الفكرة يا باشا انى علاقتى حلوة بالصنايعية و بيخلونى اقف معاهم و بيفهمونى كله حاجة واحده واحده و ان كان التكييف تاعبنى شوية بس فى الأول لغاية ما عرفت ديته و الحمد لله
فتلاقينى الاقى صنايعى تبعنا شغال فى اوبل تلاقينى معاه جوه العربية او تحتها او فى الشنطة او الحوض او بفك العجل معاه بس افهم الحوارات دى ايه
و اهو الواحد بيتعلم و ده غير انى رذل ممكن اخش على بتاع قطع الغيار اكفر سيئات اهله و اشوف كل حاجة و فى الأخر اقله الف شكر يا باشا سلام بس عرفت الأصلى من المضروب من الكويس من الوحش و ده اعرفه اصلى ازاى او مضروب

ده بقى يبان على العداد
1. لو الضغط بيقل مع التشغيل يبقى الأحتمالات اللى فوق تأخذ فى الحسبان
2. لو الضغط ما بيقلش و اراهن انه مش هيقل و لا اى حاجة يبقى ما يسمى ببلف الضغوط بتاع الكباس اللى بيعمل توازن فى ضغط الدايرة تعيش انت يا حاج
تغييره سهل جداً تيلة تتشال و القديم يخرج و يتحط واحد جديد ب 140 جنيه بالمناسبة و تشحن و الف مبروك