لا حول و لا قوة إلا بالله .. أعمل إيه بس في البلد دي

**beihoo** · 13-10-2009 05:03 PM

العربية اتخبطت تاني !!!!!!!!!!!!!!!!!

كنت في مصر الجديدة و ركنت العربية و لزقتها في الرصيف و ضميت المرايا اللي ناحية الشارع رغم إن الشارع كان يعدي اتوبيس بالراحة و سبتها 5 دقايق بس .. 5 دقايق .. رجعت لقيت واحد منه لله مخربشلي الجنب الشمال من أول الباب اللي ورا لغاية الرفرف اللي قدام فوق الجريدة اللي في البابين!! و عاملي خط في البابين من فوق قرب الازاز و طبعا لولا فضل ربنا كان خد المراية في سكته

قعدت أبص شمال أو يمين يمكن ألاقي حد واقف لمجرد الاعتذار لكن لا حياة لمن تنادي .. هرب الجبان بعد ما بهدل العربية .. مش عارف الناس بقى مالها .. إيه قلة الاصل دي و اللا مبالاة و عدم الامانة اللي ملت البلد دي؟؟؟ يعني البني أدم ده ما فكرش في الخسارة اللي تسبب لي فيها ؟؟ عشان أعملها زي ما كانت هاعمل شغل في البابين و الرفرف دا غير إنها هعمرها ما هاترجع زي الاول لأن أي فك للأبواب ما بيرجعش تاني .. دا غير العطلة و البهدلة اللي هاتجيلي من ورا الموضوع ده .. دا غير الضيق اللي سببهولي .. اللي مش قادر أتخيله هو ازاي خبط في عربيتي لأنها كانت داخلة لجوه شوية عن اللي وراها و قدامها و المكان واسع .. دا يا إما سرحان يا إما قاصد !!!

حسبي الله و نعم الوكيل فيه و في كل اللي زيه .. بجد البلد دي بقت تستاهل كل حاجة تحصلها بسبب أهلها و أخلاقهم اللي بقت في الحضيض إلا من رحم ربي.

**mohamedbook** · 13-10-2009 05:12 PM

احمد ربنة انها جت علي اد كدة

**party_0000** · 13-10-2009 06:49 PM

دي مش خبطه دخ واحد زباله ماشي بمسمار لو اي حاجه و شغال من اول العربيه لاخرها دول ناس زباله او غالبا عيال شوارع وناس معندهاش اي اخلاق

**Fadi Ezzat** · 13-10-2009 06:53 PM

معلش متزعلش
دة قدر ولابد ان ترضى بية

**nezamy71** · 13-10-2009 07:20 PM

فدااااااااااااااااااااااا ااااااااااااااااااااااااا ااااااااااااااااااااااااا ااااااااااااااك اللي يجي في الريش بقشيش

**ehab_mansour** · 13-10-2009 08:49 PM

معلش قدر الله وما شاء فعل
اقسم بالله انا رشيت عربيتي و اول ما نزلت شغلي في المعادي ركنتها قدام الشغل رجعت اخر اليوم لقيت راحد واخدها كلها من الاول للاخر بمسمار في نفس المكان اللي حصل فيه خدوش عندك وغيره كتييييير لحد ما بدأت اكبر دماغي تاني !!!!!!!!!!!!
انا لله وان اليه راجعون

**Tayer** · 14-10-2009 07:17 PM

معلش يا بيهو فى ناس كده متستهلش تعيش فى الدنيا
ولاهى لو انا قاضى و مسكت واحد من العيال دى
عارف هاحكم عليه بالسجن مدى الحياه

**mr_shims_49** · 15-10-2009 01:31 AM

المشكلة انا معظم اللي بيعمل كده عيال صغيرة

-

-

الموضوع: لا حول و لا قوة إلا بالله .. أعمل إيه بس في البلد دي

LinkBack

أدوات الموضوع

عرض

لا حول و لا قوة إلا بالله .. أعمل إيه بس في البلد دي - انشر الموضوع فى :

-

-

-

المواضيع المتشابهه

وسط البلد

من كان حالفا فليحلف بالله . بالله ادخل وأقرأ الموضوع

مصر واهانة المواطن على جميع المستويات انا عايز اطفش من البلد دى البلد دى مش بتاعتنا

بالله عليكم مش عارف أعمل إية

الكلمات الدلالية لهذا الموضوع

المفضلات

المفضلات

ضوابط المشاركة