رعشة شديدة في الi 10

**a_tantawy7** · 22-10-2009 02:07 AM

للأسف أنا لسة ماروحتش التوكيل لظروف الشغل, أول ماروح هاوافيكم بالنتيجة ان شاء الله.

**amrbakly** · 22-10-2009 04:40 AM

المشاركة الأصلية كتبت بواسطة monmonmon

انا عندى i10 موديل 2009 عامله 7920 كم و الحمد لله كويسه جداااااااا

بس فعلا فى بداية الحركة بيكون فى رعشة بتظهر فقط لو كنت دايس بنزين قليل,, انا فعلا دى العربية الوحيدة اللى بتبطل منى بالذات و هى جديدة كانت بتبطل منى كتيير علشان رجلى خفيفة على البنزين

انا معايا ماتريكس طلعتها اسهل من ال i10 و عمرها ما بتبطل

يا ريت تقولنا عملت ايه
و جرب كمان تجيب الاول و تسيب العربية ماشيه لوحدها بدون دوسة بنزين و قولنا هل فى اى مشاكل قابلتك؟ لانها المفروض تمشى على الاول بدون دوسة بنزين خالص.

اذاي يعني تمشي و انا مش دايس بنزين؟؟؟ مفروض تقطع و تنطر و تفصل

علي فكرة واضح ان عندك حاجة معقلة او البنزين عالي لأن اصلا دة مش طبيعي.

**monmonmon** · 22-10-2009 04:02 PM

المشاركة الأصلية كتبت بواسطة amrbakly

اذاي يعني تمشي و انا مش دايس بنزين؟؟؟ مفروض تقطع و تنطر و تفصل

علي فكرة واضح ان عندك حاجة معقلة او البنزين عالي لأن اصلا دة مش طبيعي.

باشا العربية دى حقن الكترونى و كمان الماتريكس فيها نفس النظام يعنى فى الاشارات بسيب الاول بيمشى العربية على سرعة مثلا 5 كم و مفيش اى رعشة او اهتزازات اطلاقا

لان فى الحالة دى المكنة شغاله على part load يعنى فتحة صمام الخانق Throttle valve اقل ما يمكن زى السلانسيه و بالتالى كمية الهواء اللى بتدخل للمكنة الكنترول بيظبط معاها كمية الوقود المناسبة اللى هى بتكون قليلة جداااا و بتساعدنى اقلل استهلاك البنزين و ميزتها كمان انى مستعملش الدبرياج كتييير و بالتالى اقلل من استخدامه كتييير و رجلى تستريح كمان

لو كلامى غلط يا ريت حد يدلنى مع انى مهندس ميكانيكا بس اللى يسأل ميتوهش

و العلم ملهوش كبيييييير

**amrbakly** · 23-10-2009 02:45 PM

المشاركة الأصلية كتبت بواسطة monmonmon

باشا العربية دى حقن الكترونى و كمان الماتريكس فيها نفس النظام يعنى فى الاشارات بسيب الاول بيمشى العربية على سرعة مثلا 5 كم و مفيش اى رعشة او اهتزازات اطلاقا

لان فى الحالة دى المكنة شغاله على part load يعنى فتحة صمام الخانق Throttle valve اقل ما يمكن زى السلانسيه و بالتالى كمية الهواء اللى بتدخل للمكنة الكنترول بيظبط معاها كمية الوقود المناسبة اللى هى بتكون قليلة جداااا و بتساعدنى اقلل استهلاك البنزين و ميزتها كمان انى مستعملش الدبرياج كتييير و بالتالى اقلل من استخدامه كتييير و رجلى تستريح كمان

لو كلامى غلط يا ريت حد يدلنى مع انى مهندس ميكانيكا بس اللى يسأل ميتوهش

و العلم ملهوش كبيييييير

اية دة ؟؟؟ اية التكنولوجيا دية

سوري يا معلم مكنتش اعرف الحكاية دية، بس تصدق فكرة لطيفة جدا، هو اهم حاجة في الحكاية دية مش الإشارات، اهم حاجة انها حترحمنا من الستات اللي العربية بتفصل منهم في كل طلعة و تعطلك وراها 10 دقايق

**monmonmon** · 23-10-2009 05:24 PM

المشاركة الأصلية كتبت بواسطة amrbakly

اية دة ؟؟؟ اية التكنولوجيا دية

سوري يا معلم مكنتش اعرف الحكاية دية، بس تصدق فكرة لطيفة جدا، هو اهم حاجة في الحكاية دية مش الإشارات، اهم حاجة انها حترحمنا من الستات اللي العربية بتفصل منهم في كل طلعة و تعطلك وراها 10 دقايق

اه بس المشكلة بردوا هتبقى فى الطلعة بالنسبة لهم

**YoussefMostafa** · 30-10-2009 01:46 PM

المشاركة الأصلية كتبت بواسطة monmonmon

باشا العربية دى حقن الكترونى و كمان الماتريكس فيها نفس النظام يعنى فى الاشارات بسيب الاول بيمشى العربية على سرعة مثلا 5 كم و مفيش اى رعشة او اهتزازات اطلاقا

لان فى الحالة دى المكنة شغاله على part load يعنى فتحة صمام الخانق Throttle valve اقل ما يمكن زى السلانسيه و بالتالى كمية الهواء اللى بتدخل للمكنة الكنترول بيظبط معاها كمية الوقود المناسبة اللى هى بتكون قليلة جداااا و بتساعدنى اقلل استهلاك البنزين و ميزتها كمان انى مستعملش الدبرياج كتييير و بالتالى اقلل من استخدامه كتييير و رجلى تستريح كمان

لو كلامى غلط يا ريت حد يدلنى مع انى مهندس ميكانيكا بس اللى يسأل ميتوهش

و العلم ملهوش كبيييييير

طب انا كنت بعمل الموضوع ده كتير بعربية بيجو 505 ومكنتش انجيكشن

وكانت بتمش عادي من غير اي رجة او رعشة وبكون رافع رجلي خالص اكنها اوتوماتيك

**monmonmon** · 30-10-2009 06:06 PM

المشاركة الأصلية كتبت بواسطة Youssef_Mostafa

طب انا كنت بعمل الموضوع ده كتير بعربية بيجو 505 ومكنتش انجيكشن

وكانت بتمش عادي من غير اي رجة او رعشة وبكون رافع رجلي خالص اكنها اوتوماتيك

تمااااااااام
يبقى الكربراتير شغال بكفاءة و نسبة الهواء للوقود مظبوطه و الخلط بين الهواء و الوقود على اكمل وجه و طبعا الكهرباء (الشرر من البوجيهات)
و كل شىء على ما يرام

بس انا بتكلم على سرعات قليلة جداااااا يعنى اثناء التحرك ببطىء شديد كأنها خلاص هتقف.. انا من فتره مسوقتش عربيات كربراتير علشان احكم بدقه