تقييم الm11 من الاول للاخر

**hemaa_82** · 30-07-2017 03:02 PM

والله مش شايف فيها حاجة تنفرني منها ... و بتمنها مفيش غير لانوس و فيرنا ... و هيه احسن منهم مرتين علي الاقل

**hemaa_82** · 17-09-2017 04:22 PM

السلام عليكم

الناس مختفية ... كل سنة وانتم طيبين .. السنة قربت تخلص ..
لازلنا زي محنا و مفيش جديد ...

العداد 119000 ... فاضل الف و نغير كاتينه الحمد لله

**hemaa_82** · 17-10-2017 02:05 PM

عدينا ال 120 الحمد لله ...
اللي فوق يبعت بقي ان شاء الله

**hemaa_82** · 08-11-2017 08:35 AM

بسم الله ....

الحمد لله في الاجازة اللي فاتت ..رحت لابانوب ربنا يصلح ما بين ايديه ....
طقم كاتينة كامل .... سير و بلية و شداد و بلية صغيرة .... 1000 جنيه
3 بليات لسير الدينامو ...
و تم التركيب في ساعة و تم غسل المتور في المغسلة اللي جنبه علشان كان في ترشيح من علبة البور ... تم تركيب كوليهات زيادة للبور و لمشترك مياه .

الحمد لله سير الكاتينة اللي طالع طالع لسه فيه عمر .... مش خطر ولا حاجة .... فمعني كدة ان ال 40الف كيلو دول تمام التمام ... ربنا يستر طريقنا و طريقكم ....

فاضل بقي طنابير كامل ..
تيل كامل..
مساعدين خلفي .."لم يتم التغيير من الزيرو ....120 الف استخدام "
اي جلب تطلع تعبانة مع التغيير .

نوافيكم بكل جديد ان شاء الله

**hemaa_82** · 16-11-2017 10:42 AM

بسم الله

اكرة الباب الداخلية اليمين كانت اتكسرت من شهرين تقريبا ..... مش فاكر جبتها ب 70 ولا بكام و ركبتها ساعتها .... كنت جبتها من زكي جرجس
المهم الشمال حصلتها ... جبتها امبارح من زكي برضه ... ب 80 .... و ركبتها انا الحمد لله ....

طقم المساعدين الوراني موجود ب 800 جنيه ..... اللي فوق يبعت :)
طقم الجلب الوراني هيبقي موجود علي اول الشهر .... ب 600 جنيه كامل الجنبين .... اللي فوق يبعت برضه :)

نوافيكم بكل جديد ان شاء الله

**salam100100** · 16-11-2017 11:38 AM

احييك hemaa_82 على الموضوع
دا اكثر المواضيع اللى قريتها هنا فالمنتدى بيغطى تاريخ عربيه بالكامل
دا موضوع مميز- حضرتك بتنقل خبرتك بكل مصداقيه وتفاصيل مشقتهاش قبل كدا
ياريت الاعضاء وانا واحد منهم نقلد حضرتك
بدل مبلاقى اعضاء كل همهم ان حد يجاوبهم على اسئلتهم وبس- ومبنعرفش هم وصلوا لايه بعد كدا
ياريت يبقا فى هات وخد بدل مبداء هات وبس

شكرا ليك يا hemaa_82 مره تانيه وحضرتك قدوه رائعه

**habdelbar** · 16-11-2017 01:21 PM

ربنا يكرمك يا هيما ويجازيك خير ويباركلك يا رب.
انا معايا ال ام 12 بقالى سنة ونص تقريبا والحمد لله مبسوط منها اوى. هيا موديل 2012
هيا بس صاحبها الاولانى كان قاصص السوست وموطيها ف بتضايقنى فالسفر. ف كنت عايز اعليها زى اصلها.
هل اجيبلها سوست بتاعة حاجة تانية تبقى احسن ؟ لانسر مثلا؟ واجيب جديد ولا استيراد ؟ وبكام مثلا؟
ولا اركب علايات واوفر؟
وشكرا جزيلا

**hemaa_82** · 07-02-2018 09:12 PM

السلام عليكم و رحمة الله و بركاته
اسف جدا جدا علي الغياب و كل سنة والجميع بكل خير

تغيير السوست بالاصلي من الاستيراد..... شيخ طه علشان متلفش كتير بس ادفع وانت ساكت

او تركيب علايات تحت السوستة ...بتبقي عبارة وعن حلقة فبر زي الطبق اللي تحت السوستة اصلا ....
عامة لو عندك عفشجي نضيف هيعرف يتصرف ....
و اسف علي التأخير تاني

انا بس معملتش اي حاجة غير سلك مكنة ازاز السائق و الخلفي يمين ب 200 جنيه
سألت علي الازاز الامامي علشان مشروخ سمعت من 500 ل 650 بس بدون لف ولا فصال

**hemaa_82** · 08-05-2018 10:26 AM

السلام عليكم
كل سنة وانتم طيبين و ان شاء الله رمضان كريم

**hemaa_82** · 08-05-2018 10:27 AM

تم تغيير بطانة السقف ....
450 جنيه ...المطبعة ....الهرم
يتم تفصيل جلد للكراسي + مقابض الابواب + طارة الدريكسيون ... اجمالي 1800
تم شراء 2 مساعد خلفي ..900 جنيه ..ذكي جرجس
تم شراء 2 طقم جلب خلفي "12 جلبة " 600 جنيه .. ذكي جرجس

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة