طلب نصيحه قبل ماشتري النترا 2010

**hhendmos** · 14-10-2009 05:29 PM

السلام عليكم ياجماعه

الحمد لله انا قررت اشتري النترا 2010 اتوماتيك بس قبل ما اشتري في ناس خوفتني من حاجتين
الاول الباور كهرباء يعني الدريكسيون بيكون خفيف جدا علي السرعات العاليه 100 كم فما فوق
يا ريت تقولوي مدي صحه الكلام ده
العيب التاني ان العربيه واطيه من الخلف وانا غاوي اركب اوزان وانتو عارفين الجبال الصناعيه في مصر
معلش انا عارف طولت عليكم بس برجاء الرجد ولكم مني جزيل الشكر

**sam07** · 14-10-2009 05:44 PM

انا معيا النترا 2010 بنسبه للباور مافهوش اي مشكله فوق ال 100 بيتقل
اما بقي الوطي هيا فعلا لما بتكون مركب اوزان ورا العربيه بتحك في مطبات العملنها الاهالي فقط لاكن المطبات الصناعيه الصح ماتلمسهاش

**hhendmos** · 14-10-2009 06:23 PM

المشاركة الأصلية كتبت بواسطة sam07

انا معيا النترا 2010 بنسبه للباور مافهوش اي مشكله فوق ال 100 بيتقل
اما بقي الوطي هيا فعلا لما بتكون مركب اوزان ورا العربيه بتحك في مطبات العملنها الاهالي فقط لاكن المطبات الصناعيه الصح ماتلمسهاش

الف شكر علي اهتمامك وسرعه الرد بس تعرف حاجه عن علبه الدريكسيون هيا فيها مشكله ولا ايه

**sam07** · 14-10-2009 07:06 PM

المشاركة الأصلية كتبت بواسطة hhendmos

الف شكر علي اهتمامك وسرعه الرد بس تعرف حاجه عن علبه الدريكسيون هيا فيها مشكله ولا ايه

ولا فيها اي مشكله ولا حتي سمعت قبل كده اني فيها مشكه!

**r0xer** · 14-10-2009 07:09 PM

انا نفسي يبقى كل العربيات دركسيونها زي دركسيون الالنترا...اسهل عربية تعمل بيها باركينج ولو حتى في خرم ابرة! الدركسيون بتاعها بيسهل جدا موضوع الباركينج دا و انا عديت بيها ال120 والدركسيون كان ثابت ومش خفيف زي ما الناس متخيلة.

بص اجر العربية من أي حتة ب150 جندي وجربها لمدة يوم كامل أجر مثلا موديل 2009 وهي مختلفتش اعتقد عن 2010. صدقني هتحس انها من اروع العربيات الكوري اللي ممكن تركبها.

بالتوفيق لك في الشراء.

**ghabbour** · 14-10-2009 07:16 PM

راى لا لالنترا فكر فى شى تانى
لسبب الباور و لانها خفيفة شوية على سرعات عايا

**semsem8080** · 14-10-2009 07:24 PM

بص ياسيدي
انا معايا النترا من شهر 9 /2008 وبصراحة
عربية بجد حلوة والدركسيون هتاخد عليه ولما تركب اي عربية تانية هتقول رجعوني للالنترا وعلي السرعات الدريكسيون بيكون تقيل مش خفيف زي ماهي ماشية بطئ
عيبها الوحيد انها لما بتركب حد ورا في الكنبة بتحك في المطبات وده مش عيبها ده عيب اللي بيعملوا المطبات في بلدنا
وربنا يباركللك فيها

**tarekabosdera** · 14-10-2009 07:38 PM

الدركسيون متطور جدا وآداءه رائع وآمن جدا على السرعات العالية لدرجة انك ممكن تسيبه من ايدك وانت ماشي على سرعة عالية.

بالنسبة لانخفاض العربية اعتقد ان ده طبيعي في اي عربية لو حملتها كتير من الخلف هتنزل وهتحك في المطبات .

**amir_ezzat** · 14-10-2009 08:32 PM

انا معايا النترا 2008
الطاره مش خفيفه ومش ثابته هى بس اسلوب جديد فى التعامل مع الطاره لكن عموما هو مش مشكله خالص اما موضوع انها بتحك بصراحه انا مش قابلت الموضوع ده خالص علشان انا غالبا مش بركب ناس معايا

**akram2010** · 14-10-2009 09:18 PM

سيارة ممتازة جدآ ومبروك مقدمآ صالون وشنطه وشياكه وجودة هيونداى اتوكل يارجل السيارة الهيونداى مرخصه تاكسى فى الرياض عاصمه المملكه العربيه السعوديه يعنى سيارات ممتازة فى الحر الشديد وتنافس التويوتا فى الجودة والسعر